આ રેસ્ટોરાં ક્યારે બંધ જ થતી નથી, કિચનમાં બેસીને જમવાની છે છૂટ

અનોખી રેસ્ટોરાં

અમદાવાદની ખાઉધરી ગલીમાં જાવ કે માણેક ચોકમાં જાવ પાણીપૂરીના ભાવ હોટેલના ખાતા હોવ એટલા વધી ગયા છે. મસાલા ઢોસા હોય કે આઈસ્ક્રિમ સેન્ડવીચ જમી લીધા બાદ બિલ સામે આવે તો આંખ ચાર થઈ જાય. તેમ છતાં ગુજરાતની સ્વાદપ્રેમી પ્રજા ક્યાં રોજ ખાવું છે? એવું કહીને હસતાં હસતાં પૈસા ચૂકવે છે. એવી પણ એક રેસ્ટોરાં છે જ્યાં કોઈ પણ ખાણી-પીણીની આઈટમનો ભાવ રુ.25થી વધારે નથી. કારણ કે એના મેનુંમાં આઈટમ મર્યાદિત છે પણ ટેસ્ટ લાજવાબ છે. ઈડલી, વડા, સાદા ઢોસા, મસાલા ઢોસા, બે જાતના ભાત, મસાલાવાળું દૂધ અને કોફી. અહીં 24 કલાકમાં ગમે ત્યારે જાવ રેસ્ટોરાં ખુલી જ હોય અને ખૂબ જ ભીડ હોય છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

લાઈનમાં ઊભુ રહેવું પડે

સાંજના સમયે ઈડલી કે ઢોસા માટે તો રીતસરનું લાઈનમાં ઊભુ રહેવું પડે. જગ્યા મળે ત્યાં બેસીને જમો અન્યથા ઊભા ઊભા ઝાપટવા મંડો. આ રેસ્ટોરાંનું નામ છે તાજા તિંડી. જે બેગ્લુરુંના જયા નગર વિસ્તારમાં આવેલું છે. તાડા તિંડી ખૂબ જ અનોખી રેસ્ટોરાં છે. અહીં જમવા જાવ તો ખાસ માર્ક કરજો કે, અહીં દુકાનને કોઈ પ્રકારના શટર જ નથી એટલે બંધ થવાની કોઈ નોબત જ નથી. રેસ્ટોરાં સાંજે સાડા નવ વાગ્યે ઓર્ડર લેવાનું બંધ કરી દે છે પણ તે આખી રાત ખુલી હોય છે. ક્યારેય તાળું તો લાગતું જ નથી કારણ કે શટર નથી.

ઢોસાને બનતા જોઈ શકે

રાત્રીના દસ વાગ્યા સુધીમાં રેસ્ટોરાં ખાલી થઈ જાય છે. ઘરાકી ઘટી જાય છે. એ પછી સ્ટાફના લોકો અંદર જ સૂઈ રહે છે. વહેલી સવારે ઊઠીને ફરી ચા-કોફી અને ઈડલી ઢોસા બનાવવાનું શરુ. સૌથી ખાસ વાત એ છે કે, અહીં જે લોકોને પોતાની ખાવાની આઈટમ બનાતા જોવું હોય તો કિચનમાં નો પરમિશન વીથ આઉટ એડમિશનનું કોઈ બોર્ડ દરવાજા પર નથી. કોઈ પણ વ્યક્તિ અહીં આવીને ઢોસાને બનતા જોઈ શકે છે. આ રેસ્ટોરાંના માલિક શ્રીનિવાસન રાવ કહે છે કે, લોકોને સસ્તામાં બેસ્ટ જમવાનું મળી રહે અને હોટેલ જેવી શાનદાન ક્વોલિટી મળી રહે એ હેતુંથી શરુ થઈ હતી તાજા તિંડી. આ પાર્ટશીપમાં ચાલતી રેસ્ટોરાં છે.

પ્રવાસીઓ પણ આવે છે

અમારે ત્યાં કોઈ ગ્રાહકને અંદર આવીને જોવું હોય તો તમામ પ્રકારની છૂટ છે. આ ઉપરાંત જ્યાં ખાદ્ય સામગ્રીનો સ્ટોક રખાયો છે એ સ્થાન પણ ખુલ્લું જ છે. સ્વચ્છતા અને ગુણવત્તાના મામલે કોઈ બાંધછોડ કરાતી નથી. ખૂબ જ આધુનિક મશીનથી વાંસણ ધોવાય છે અને ખાદ્ય સામગ્રીની બ્રાંડ પણ લોકો ચેક કરી શકે છે. અહીં લોકોને કિચનમાં આવવાની છૂટ છે એટલે લોકો આંખ બંધ કરીને ગુણવત્તા પર વિશ્વાસ કરે છે. અહીં માત્ર શહેરના જ નહીં બાહરથી આવતા પ્રવાસીઓ પણ લોકોને સરનામું પૂછીને અહીં મુલાકાત લેવા માટે આવે છે.

બેસ્ટ મેનેજમેન્ટ

શ્રીનિવાસનની આ રેસ્ટોરાંને પાંચ વર્ષ થયા છે. અગાઉ તેઓ બેકરી ચલાવતા હતા. રાજેશ્વરીનગરમાં તેમની બેકરીમાં આજે પણ માત્ર રુ.20નું ફ્રૂટશેઈક મળે છે. જ્યારે તાજા તિંડીમાં માત્ર 25રુ.માં મસાલા ઢોસા મળી રહે છે. એક ઢોસામાં તો લોકોનું આરામથી પેટ ભરાઈ જાય છે. ખાસ કરીને સ્ટાફને એક પરિવારની માફક ટ્રીટ કરવામાં આવે છે. તેમના પરિવારને ફ્રીમાં જમાડીએ છીએ.

સાંભાર મળતો જ નથી

મોટી સંખ્યામાં લોકો આવતા હોવાને કારણે ડીશની તકેદારી ખૂબ રાખવી પડે. ક્યારેક સામસામા અથાવવાથી દાળ ઢોળાય અને લોકોના કપડાં પણ બગડે. એટલે સાંભારને બદલે ચટ્ટણી રાખવામાં આવી છે. જેનો ટેસ્ટ પણ મસ્ત છે. આ ચટ્ટણી એક ડીશમાં એક વખત જ નહીં પણ જેટવી વખત જોઈએ એટલી વખત મળે. આ ઉપરાંત અહીં કોઈ પ્રકારના પ્લાસ્ટિકનો ઉપયોગ થતો નથી. જેમ કે થર્મોકોલની ડીશ કે પ્લાસ્ટિકના ગ્લાસ. આ સિવાય અહીં કોઈ પ્રકારના સોફ્ટ ડ્રિંક્સ પણ મળતા નથી.

ડાયરેક્ટ કાઉન્ટર ઉપર જ પહોંચો

અહીં રેસ્ટોરાંમાં કોઈ પ્રકારનું મેનું લોકોને આપવામાં આવતું નથી. રેસ્ટોરાંમાં પ્રવેશતા જ એક બોર્ડ છે જેના પર જુદી જુદી આઈટમના ભાવ લખેલા છે એટલે લોકો કૂપન કઢાવીને ડાયરેક્ટ કાઉન્ટર ઉપર જ પહોંચી જાય છે. આ સાથે અહીં એક એલઈડી મૂકવામાં આવ્યું છે. જેના પર સતત એક હેલ્થ ટિપ્સ આવતી રહે છે. જેમ કે, જમીને થોડું ગરમ પાણી પીવું જોઈએ, વજન ઘટાડવું હોય તો દિવસ પર ગરમ પાણીનું સેવન કરવું જોઈએ. હવે જ્યારે પણ બેગ્લુરુ જવાનું થાય ત્યારે તાજા તિંડીમાં આંટો મારવાનું ભૂલતા નહીં. જમાવનું તો બેસ્ટ મળે જ છે પણ સાથે બેસ્ટ હેલ્થ ટિપ્સ પણ મળે છે.

 

from Page Array – I Am Gujarat http://bit.ly/2H2uvC5