યજ્ઞેશ મહેતા, સુરત: બળાત્કારનો ભોગ બનેલી પાંચ વર્ષની બાળકીની માતાને માનવતાના ધોરણે મદદ કરવા સુરત પોલીસે એક સરાહનીય કામ કર્યું છે. ડિંડોલી વિસ્તારમાં રહેતી 30 વર્ષની મહિલાની દીકરી પર એક યુવકે રેપ કર્યો હતો. આ મહિલા પોતાના પરિવારનું ગુજરાન ચલાવી શકે તે માટે તેને ટ્રાફિક બ્રિગેડમાં નોકરી આપવામાં આવી છે.
હવે સીધા Whatsapp પર મેળવો મહત્વના ન્યૂઝ, શરુ કરવા ક્લિક કરો
આ મહિલાની દીકરી પર 30 સપ્ટેમ્બર 2018ના રોજ કાળુ ભૂમિહાર નામના શખ્સે રેપ કર્યો હતો. કુમળી વયની બાળકીને તેના કારણે પ્રાઈવેટ પાર્ટમાં ગંભીર ઈજા પહોંચી છે, જેની હજુ સુધી સારવાર ચાલી રહી છે. બાળકી પર અત્યાર સુધીમાં અનેક સર્જરી થઈ ચૂકી છે, અને થોડા દિવસોમાં તેની ફરી એક સર્જરી થવાની છે. પોલીસ જ્યારે આ મહિલાને મળવા તેના ઘરે પહોંચી હતી ત્યારે તેણે પરિવારને મદદરુપ થવા નોકરી કરવાની ઈચ્છા વ્યક્ત કરી હતી.
પીડિતાની માતા લગ્ન થઈ જવાના કારણે કોલેજ પૂરી નહોતી કરી શખી. તેણે અગાઉ ટ્રાફઇક બ્રિગેડ જવાનની ભરતીમાં અરજી પણ કરી હતી. એક પોલીસ અધિકારીના જણાવ્યા અનુસાર, આ મહિલા નોકરી માટે યોગ્ય શૈક્ષણિક લાયકાત ધરાવે છે અને તમામ પ્રક્રિયા પૂર્ણ થયા બાદ તેમની ટ્રેનિંગ શરુ કરી દેવામાં આવશે.
સુરત શહેર પોલીસમાં ડીસીપી તરીકે ફરજ બજાવતા વિધિ ચૌધરીના જણાવ્યા અનુસાર, ટ્રાફિક બ્રિગેડના અન્ય જવાનોની જેમ ટ્રાફિક સિગ્નલ પર ડ્યૂટી આપવાના બદલે આ મહિલાને ઈન્ડોર જોબ અપાશે, અને શરુઆતના સ્ટેજમાં તેમને કમ્પ્યુટરની ટ્રેનિંગ પણ આપવામાં આવશે. ઈન્ડોર જોબને કારણે મહિલા પોતાની દીકરીની પૂરતી સંભાળ પણ લઈ શકશે.
આ મહિલાને મહિને નવ હજાર રુપિયા પગાર મળશે. જેનાથી તેને પતિ સાથે મળીને પોતાનું ઘર ચલાવવામાં મદદ મળશે. તેનો પતિ અગાઉ ટેક્સ્ટાઈલ યુનિટમાં કામ કરતો હતો, પરંતુ હાલ તે રિક્ષા ચલાવે છે. જોકે, ફરી તે પોતાની જૂની નોકરી શરુ કરવા જઈ રહ્યો છે.
from Page Array – I Am Gujarat http://bit.ly/2Hpo634
No comments:
Post a Comment