‘કબીરસિંહ’નું પ્રથમ ગીત બેખ્યાલી રીલિઝ, જોવા મળી શાહિદ-કિયારાની કેમેસ્ટ્રી

શાહિદ કિયારાની લવ સ્ટોરી

શાહિદ કપૂર અને કિયારા અડવાણીની નવી ફિલ્મ ‘કબીરસિંહ’નું ટ્રેલર થોડા દિવસ પહેલાં જ રીલિઝ થયું હતું. જે લોકોને ખૂબ પસંદ પડ્યુ હતું. હવે આ ફિલ્મનું એક ગીત રીલિઝ થયું છે. ‘બેખ્યાલી’ ગીતમાં શાહિદ અને કિયારાની લવ સ્ટોરીની એક ઝલક જોવા મળે છે. આ ગીત સચેત ટંડને ગાયું છે જ્યારે ગીતના શબ્દો ઈર્શાદ કામિલે લખેલા છે. આ ગીતની લાંબા સમય સુધી રાહ જોવાઈ રહી હતી કારણ કે, ફિલ્મના ટ્રેલના બેગ્રાઉડમાં આ ગીત સાંભળી શકાતું હતું.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

ઈન્સ્ટાગ્રામ પર શેર કર્યો વીડિયો

શાહિદ કપૂરે આ વીડિયો પોતાના ઈન્સ્ટાગ્રામ પર શેર કર્યો હતો. શાહિદે તેની એક લિંક શરે કરી હતી. શાહિદે લખ્યું હતું કે, આપ ઈસકે બારેમે પૂછ રહે થે..તો પેશ હૈ ‘કબીરસિંહ’ કા ‘બેખ્યાલી’. આ ફિલ્મ સાઉથની ફિલ્મ ‘અર્જુન રેડ્ડી’ની હિન્દી રિમેક છે. સંદિપ રેડ્ડી વાંગ આ ફિલ્મના ડાયરેક્ટર છે. આ ફિલ્મમાં શાહિદ એક ડ્રગ્સ એડિક્ટ અને દારુડિયો છે. આ ફિલ્મ તા. 21 જૂનના રોજ સિનેમાઘરમાં આવી રહી છે.

પ્રમોશન કરી રહ્યા છે કલાકાર

હાલમાં શાહિદ કપૂર અને કિયારા આ ફિલ્મનું પ્રમોશન કરી રહ્યા છે. આ ફિલ્મના રીલિઝ દિવસના રોજ બીજી કોઈ ફિલ્મ રીલિઝ થઈ રહી નથી. જોકે, આ પાછળ રીતિક રોશન અને કંગના રનોટનો ઝઘડો જવાબદાર હોવાનું માનવામાં આવે છે. આ ગીત પર્ફેક્ટ હાર્ટબ્રેક એન્થમ તરીકે ટ્રેન્ડી બની રહ્યો છે. ત્રણ મિનિટના આ ગીતમાં જે રીતે કબીરસિંહનું દિલ તૂટ્યું છે એની માઠી અસર જોવા મળી રહી છે.

આવી છે સ્ટોરી

શાહિદ આ ફિલ્મમાં એક ડૉક્ટર છે. જ્યારે કિયારા તેની પ્રેમિકા છે. કિયાના લગ્ન બીજે થતા કબીર તેનું માનસિક સંતુલન ગુમાવી બેસે છે અને ખોટા રસ્તે ચડી જાય છે. શાહિદ કપૂરે જણાવ્યું હતું કે, આ કોઈ કોપીકેસ ફિલ્મ નથી. આ ફિલ્મમાં એક જુદા જ પાસાઓ છે. મને ખ્યાલ છે કારણ કે આ ફિલ્મની તૈયારીઓના દરેક તબક્કા વખતે હું હાજર રહ્યો છું. મારા કેરિયરમાં પ્રથમ વખત આવી કોઈ ફિલ્મ કરી રહ્યો છું.

 

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2W0Iv8M