ગજબ, હવે એવરેસ્ટ પર ટ્રાફિક જામમાં ફસાઈને પર્વતારોહકો ગુમાવી રહ્યા છે જીવ

શહેર તો છોડો દુનિયાના સૌથી ઊંચા પર્વત પર પણ ટ્રાફિક

નવી દિલ્હીઃ દુનિયાના સૌથી ઊંચા માઉન્ટ એવરેસ્ટ પર્વતને સર કરવાથી મોટું બીજુ ઈનામ દુનિયાના કોઈ પર્વતારોહક માટે નથી. આ કારણે જ દુનિયાના સૌથી ઉંચા સ્થળે પહોંચવાની ઇચ્છા ધરાવતા લોકોમાં સતત વધારો થઈ રહ્યો છે. જેના કારણે પાછલા કેટલાક વર્ષમાં બેઝ કેમ્પ તો દૂર પર્વતના શિખર પર પણ જબરજસ્ત ભીડ જામે છે. હવે આ ભીડના કારણે શિખર સુધી પહોંચીને પરત આવવાનો સમય પણ વધી જાય છે. જે પર્વતારોહકો માટે ઘાતક બની રહ્યો છે. કેમ કે તેમને બરફના તોફાન અને વિપરિત પરિસ્થિતિઓ વચ્ચે વધુ સમય રહેવું પડે છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

ટ્રાફિક જામના કારણે પર્વતારોહકોનું મોત

બુધવારે પણ આવી જ સ્થિતિ થઈ હતી જેના કારણે શિખરની ટોચે પર પહોંચેલા પર્વતારોહકોએ જ્યારે નીચે જોયું તો તેમની પાછળ અનેક લોકો ઉપર આવવા માટે લાઇન લગાવીને ઉભા હતા. એક પ્રકારે દુનિયાના સૌથી ઊંચા પર્વત પર ટ્રાફિક જામની સ્થિતિ હતી. આ તસવીર મોકલનાર નિર્મલ પુર્જાએ કહ્યું કે, ‘પર્વતના શિખરને સર કરવા લગભગ 250થી 300 લોકો લાઈનમાં ઉભા હતા. આ જામના કારણે સમગ્ર અભિયાનમાં 3 કલાક જેટલો વધારે સમય લાગ્યો.’

ઠંડી અને ઓક્સિજનની અછત પડી શકે

પર્વત પર ખૂબ જ લાંબી લાઈન હોવાના કારણે અહીં લોકોને ભીષણ ઠંડી સાથે સાથે ઓક્સિજનની અછત સામે પણ જજુમવું પડે છે. બુધવારે એવા 2 પર્વતારોહી હતા જેમનું મોત એવરેસ્ટને સર કર્યા બાદ થયું હતું. ત્યારે માનવામાં આવી રહ્યું છે કે આ ટ્રાફિક જામને કારણે થયેલ મોડું પર્વતારોહી માટે મોતનું કારણ બન્યું છે.

ખૂબ લાંબા સમય સુધી એવરેસ્ટ પર રહેવાથી મોત

એવરેસ્ટ પર બચાવ અભિયાન ચલાવતી સંસ્થા પાયોનિયર એડવેન્ચર્સ મુજબ 54 વર્ષીય અમેરિકન નાગરિક ડોનાલ્ડ કેશ ખૂબ લાંબા સમયથી શિખરના રસ્તામાં ફસાઈ ગયા હતા જે બાદ તેઓ અચાનક પડી ગયા. કેશ પાયોનિયર એડવેન્ચર્સના શેરપા ગાઇડ સાથે કામ કરતા હતા. પરંતુ તબીયત અચાનક ખરાબ થતા તેઓ પડી ગયા અને શેરપા તેમને બચાવી શક્યો નહીં.

from Page Array – I Am Gujarat http://bit.ly/2YLbN8b