નેગેટિવ ન્યૂઝ નહીં આવે તો બજારમાં બાઉન્સ બેક શક્ય

69215852

વનેશ પંચાલ, ડિરેક્ટર, બીલાઈન બ્રોકિંગ

વૈશ્વિક બજારોમાં ઓચિંતી વેચવાલી પાછળ ભારતીય બજારમાં પણ સોમવારે ઘટાડો જોવા મળ્યો હતો અને બેન્ચમાર્ક નિફ્ટીએ 11,600નો સ્તર ગુમાવ્યો હતો.

જોકે, સ્થાનિક બજારનો ઘટાડો વૈશ્વિક બજારો જેટલો તીવ્ર ન હતો. ચીનનું બજાર પાંચ ટકાથી વધુ ગગડ્યું હતું અને અન્ય એશિયન બજારો પણ 4 ટકા સુધી ગબડ્યા હતા. જેની સામે સ્થાનિક બજાર 1 ટકા જેટલું નરમ રહ્યું હતું. મંગળવારનો દિવસ ટ્રેડિંગ માટે મહત્ત્વનો બની રહેશે. જો વૈશ્વિક બજારોમાં ગભરાટ નહીં હોય તો બાઉન્સ શક્ય છે.

નિફ્ટી 11,550નો સપોર્ટ જાળવીને પુન:11600 પર બંધ આપશે તો વર્તમાન ટ્રેડિંગ રેન્જ જળવાઈ રહે તેવું જણાય છે. સોમવારે ભારતનો વોલેટિલિટી ઈન્ડેક્સ વીઆઈએકસ 26ની સપાટી પર પહોંચ્યો હતો, જે છેલ્લા સાડા ત્રણ વર્ષની ટોચ છે, જે સૂચવે છે કે જેમ ચૂંટણી પરિણામનો સમય નજીક આવતો જાય છે તેમ બજારમાં પણ ચંચળતા વધતી જોવા મળે છે. હજુ ચૂંટણીના બે તબક્કા બાકી છે. જોકે, મોટા ભાગની બેઠકો માટે ચૂંટણી પ્રક્રિયા પૂર્ણ થઈ ગઈ છે.

માર્કેટની અપેક્ષા મુજબ એનનડીએનું સરકારમાં જળવાવું જરૂરી છે અને આ પરિબળને બજાર ડિસ્કાઉન્ટ પણ કરી ચૂક્યું છે. વાસ્તવિક પરિણામો અપેક્ષા મુજબના રહેશે તો બજાર તેની પોઝિટિવ પ્રતિક્રિયા આપશે, જે દરમિયાન ઊંચા સ્તરે પ્રોફિટ બુકિંગ અપેક્ષિત છે.

છેલ્લાં કેટલાંક ટ્રેડિંગ સત્રથી બજાર પાંચ હેવીવેઈટ્સ પર ચાલતું હતું. બ્રોડ માર્કેટ તો ઘણા સમયથી સાઈડલાઈન જોવા મળી રહ્યું છે. અર્નીગ્સ સીઝ ઘણી પોઝિટિવ રહી હોવા છતાં મિડ-કેપ્સમાં હજુ રોકાણકારોનો રસ જળવાયો નથી. તેઓ ચૂંટણી પરિણામોની રાહ જોઈ રહ્યા હોય તેવું લાગે છે.

કંપની પરિણામો બાદ ચોમાસું પણ બજાર માટે મહત્ત્વનું બની રહેશે. ખાનગી એજન્સીએ ચોમાસું સામાન્યથી ઓછું રહેવાની શક્યતા વ્યક્ત કરી છે. જ્યારે હવામાન વિભાગે તે સામાન્ય રહેવાની ધારણા દર્શાવી છે.

જો ચામાસાનો શરૂઆતનો તબક્કો સારો રહ્યો તો બજારના સેન્ટિમેન્ટને સપોર્ટ મળશે. ખાસ કરીને મિડ-કેપ્સ માટે તે પોઝિટિવ પરિબળ સાબિત થશે.

ક્રૂડના ભાવમાં કરેક્શનની શરૂઆત પણ તેજીવાળાઓને પોરસી શકે છે. ક્રૂડમાં નરમાઈ અને FIIs ફ્લો પાછળ રૂપિયો મજબૂતી દર્શાવશે તેમ જણાય રહ્યું છે. વધઘટ તે કેલેન્ડરની નવી ટોચ દર્શાવી શકે છે.

એનએસઈ ખાતે ઓપ્શન ડેટાની વાત કરીએ તો હાલમાં 12,000 સ્ટ્રાઈકમાં સૌથી ઊંચી કોલ પોઝિશન છે. જો મંગળવારે 11,600નો સ્તર જળવાઈ રહ્યો તો ચૂંટણી પરિણામ અગાઉ પણ બજાર એકવાર નવી ટોચ બનાવવાનો પ્રયાસ જાળવી શકે છે.

<b>ડિસ્ક્લેમર :</b>વિવિધ બ્રોકરેજ , વિશ્લેષકો અને ફંડ મેનેજરો દ્વારા આ પાના પર દર્શાવાયેલા વિચારો તેમના પોતાના છે. વાચકોએ આ ભલામણોનો અમલ કરતાં પહેલાં વ્યાવસાયિક સલાહકારોની સલાહ જરૂરી છે. ઈટી અહીં દર્શાવેલી પસંદગી માટે જવાબદાર નથી. www.economictimes.com પર ઈટીના સિદ્ધાંતોની આચારસંહિતા ચકાસવા વિનંતી છે.

from Page Array – I Am Gujarat http://bit.ly/2H6lesY