એક સમયે સાવકી મા હેલનને નફરત કરતો હતો સલમાન, આ રીતે સુધર્યા સંબંધો

ખાન બંધુઓએ હેલનને સ્વીકારી નહોતી

મે મહિનાના બીજા રવિવારે દર વર્ષે મધર્સ ડે મનાવવામાં આવે છે. બોલિવુડમાં ઘણા સેલેબ્સ એવા છે જેમના પોતાની મમ્મી સિવાય સાવકી મા સાથે પણ ઉષ્માભર્યા સંબંધો છે. સલમાન ખાન પણ એવો જ એક્ટર છે. સલમાન ખાન પોતાની મમ્મી સલમા ખાન સિવાય સાવકી મા હેલનને પણ ખૂબ પ્રેમ કરે છે. જો કે, સલમાન ખાનના પિતા સલીમ ખાને જ્યારે બીજા લગ્ન કર્યા ત્યારે ત્રણેય ભાઈઓએ હેલનને સ્વીકારી નહોતી.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

હેલન સાથે વાત નહોતા કરતા

સલીમ ખાનના બીજા લગ્ન બાદ તેમના પરિવારમાં મતભેદ ઊભા થયા હતા. સલમાન, અરબાઝ અને સોહેલ સિવાય તેમની બહેન અલવિરા ખાન પણ પોતાના પિતાના બીજા લગ્નની વિરુદ્ધમાં હતી. સલમાન ખાનની મા સલમાએ એક ઈન્ટરવ્યૂમાં કહ્યું કે, ત્રણેય ભાઈઓ હેલન સાથે વાત સુદ્ધાં નહોતા કરતાં.

કેવી રીતે એક થયો પરિવાર?

સલીમ ખાને એક મેગેઝિનને આપેલા ઈન્ટરવ્યૂમાં જણાવ્યું હતું કે, “સલમાન ખાન અને તેના બંને ભાઈઓને લાગતું હતું કે તેમની માતા હેલનની વિરુદ્ધમાં છે. આ કારણે તેઓ પણ હેલનનો વિરોધ કરતા હતા. જો કે સમય ઘા ભરી દે છે. થોડા સમયમાં પરિવારની સમજાઈ ગયું કે હેલન સારી વ્યક્તિ છે. ઉપરાંત તે બધાનું ધ્યાન રાખે છે.” બસ ત્યારથી સલીમ ખાનનો આખો પરિવાર હળીમળીને રહેવા લાગ્યો.

બંને મમ્મીઓને ખૂબ પ્રેમ કરે છે સલમાન

સલમાન ખાન આજે પોતાની બંને માને ખૂબ પ્રેમ કરે છે. આ સિવાય બહેન અર્પિતાની પણ ખૂબ નજીક છે. હેલને સલમાનના પિતા સલીમ ખાન સાથે 1980માં લગ્ન કર્યા હતા. હેલન સલીમ ખાનની બીજી પત્ની છે તો સલીમ ખાન પણ હેલનના બીજા પતિ છે. હેલને 1957માં ડાયરેક્ટર પી. એન. અરોડા સાથે લગ્ન કર્યા હતા.

સલમાન જેલમાં ગયો ત્યારે રડી રડીને માની હાલત ખરાબ હતી

સલીમ ખાને ગયા વર્ષે એક ઈન્ટરવ્યૂમાં જણાવ્યું હતું કે, સલમાન જેલમાં ગયો ત્યારે માતાની હાલત કેવી થઈ હતી. સલીમે કહ્યું હતું કે, “જ્યારે હું જોધપુર ગયો ત્યારે સલમા ખાન પણ મારી સાથે હતી. સલમાનની હાલત જોઈને તે લાંબા સમય સુધી રડતી હતી. જ્યારે સલમાન ઠાણે જેલમાં બંધ હતો ત્યારે મને એક વાત સમજમાં ન આવી કે મા માટે કાયદામાં સ્થાન કેમ નથી.” સલીમન ખાને જણાવ્યા મુજબ, સલમાનને હંમેશા એ વાતનું દુઃખ છે કે તેણે પોતાના માતા-પિતાને ખૂબ તકલીફ આપી છે.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2E55lkm