આ રીતે બનાવશો તો એકદમ પરફેક્ટ બનશે બેપડી રોટલી, ઉખેડવામાં પણ તકલીફ નહિ પડે

બેપડી રોટલીઃ

કેરીના રસની સીઝન આવે એટલે ગુજરાતના ઘરે ઘરે બેપડી રોટલી બનવા માંડે છે. એકદમ પાતળી બનતી આ રોટલી રસની મજા બમણી કરી દે છે. પરંતુ જો લોટ બરાબર ન બંધાયો હોય કે બરાબર વણાઈ ન હોય તો બેપડી રોટલી બનાવતા આંખે પાણી આવી જાય છે. આજે અમે તમારી સાથે જે માપ અને ટિપ્સ શેર કરવા જઈ રહ્યા છે તેનાથી એકદમ પરફેક્ટ બેપડી રોટલી બનશે.

હવે એક મેસેજ મોકલી WhatsApp પર મેળવો અમારા ન્યુઝ, Start કરવા અહીં ક્લિક કરો

સામગ્રીઃ

1 કપ ઘઉંનો લોટ
1 મોટી ચમચી તેલ
સ્વાદાનુસાર નમક
તેલ
અટામણ માટે લોટ
ઘી

સ્ટેપ 1

ઘઉંના લોટમાં તેલ, નમક નાંખીને એકદમ સોફ્ટ અને સ્મૂધ લોટ બાંધો. લોટ કઠણ હશે તો રોટલી પોચી નહિ બને. લોટ બંધાઈ જાય એટલે તેના પર થોડુ તેલ લગાવો અને લોટ 10 મિનિટ સુધી રહેવા દો.

સ્ટેપ 2

લોટના એક સરખા નાના નાના લૂઆ પાડો. લૂઆ બેકી સંખ્યામાં જ પડે તેનું ખાસ ધ્યાન રાખો.

સ્ટેપ 3

બંને લૂઆની એક એક બાજુને તેલ ભરેલી વાડકીમાં બોળો. અથવા તો ચમચીની મદદથી તેના પર તેલ લગાવો અને અટામણનો લોટ પણ લગાવો. હવે તેલ લગાવેલી બંને બાજુને ભેગી કરીને હળવે હાથે દબાવી એક લૂઓ બનાવો.

સ્ટેપ 3

હવે અટામણ લઈને રોટલીને બરાબર વણો. તવો ગરમ થાય એટલે મિડિયમ આંચ પર રોટલી ચોડવો. બંને બજુથી ગોલ્ડન બ્રાઉન ધબ્બા પડે અને વચ્ચેથી રોટલી ફૂલેલી લાગે એટલે ઉતારી લો.

સ્ટેપ 4

રોટલીને એક પ્લેટમાં ઉતારી સહેજ ધીમેથી થપકારો. આમ કહેવાથી વચ્ચેની વરાળ નીકળી જશે. હવે બંને પડને છૂટા પાડો અને બંને પર ઘી લગાવો. તૈયાર છે બેપડી રોટલી.

from Page Array – I Am Gujarat http://bit.ly/2vWQAM1