હાઇપરટેન્શન અને BPની સમસ્યાથી બચાવશે આ ફૂડ્સ

દવાની સાથે સાથે આટલું ધ્યાન રાખો

બ્લડ પ્રેશરની સમસ્યા આજકાલ ખૂબ સામાન્ય થઈ ગઈ છે. મોટાભાગે લોકોને હાઇપરટેન્શન અને હાઈ બીપીની સમસ્યા હોય છે. જો તેનો સમયસર ઈલાજ કરવામાં ન આવે તો હાર્ટ અટેક, સ્ટ્રોક, કિડનીના આરોગ્ય પર પ્રભાવ પડી શકે છે. હાઈ બ્લડ પ્રેશર હોય ત્યારે ડૉક્ટરી સારવાર તો જરુરી છે જ સાથે સાથે તમારી લાઈફસ્ટાઈલ અને ખાણીપીણીમાં પણ કેટલાક ફેરફાર કરવાની જરુર છે. કેટલીક ફૂડ આઈટમ છે જેને તમે પોતાના નિયમિત ડાયટમાં સામેલ કરી શકો છો.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

કોળાના બી

અમેરિકન હાર્ટ એસોસિએશન મુજબ કોળાના બીમાં ફાઈબર ભરપૂર પ્રમાણમાં હોય છે. જે તમને વધારે પડતા વજન અને હાર્ટની સમસ્યાથી પણ બચાવે છે. આ ઉપરાંત તેમાં મેગ્નેશિયમ પણ હોય છે. જે બ્લડ પ્રેશરને ઓછું કરવામાં મદદ કરે છે.

લીલા શાકભાજી

પોતાના ડાયેટમાં લીલા શાકભાજી સામેલ કરો જેમાં પોટેશિયમ ભરપૂર હોય છે. પોટેશિયમ યુરિન મારફત શરીરના વધારાના સોડિયમને બહાર કાઢવામાં મદદ કરે છે. જેના કારણે બ્લડ પ્રેશર નોર્મલ રહે છે. ડાયટમાં પાલક, કરમસાગ, ચુકંદર, લીલા શાકભાજી અને બીન્સનો ઉપયોગ કરો.

લસણ

લસણમાં એલિસિન હોય છે. જે હાઈ બ્લડ પ્રેશર માટે રામબાણ ઈલાજ છે. આ ઉપરાંત તેમાં એન્ટિમાઇક્રોબિયલ અને એન્ટિફંગલ પ્રોપર્ટી હોય છે જે કોલેસ્ટ્રોલને ઘટાડવામાં મદદરુપ થાય છે.

બેરી ફ્રુટ્સ્

બ્લુબેરી, રસબેરી, સ્ટ્રોબેરી… જેવા બેરી ફ્રૂટ્સ પણ હાઈ બ્લડ પ્રેશર માટે ખૂબ ફાયદાકારક છે. આ ફ્રુટમાં કેટલાક એવા નેચરલ તત્વો છે જે તમારા બ્લડપ્રેશરને કંટ્રોલ કરે છે.

બીટ

ગત વર્ષે કરવામાં આવેલ એક સ્ટડીમાં સામે આવ્યું કે બીટમાં કેટલાક ફોટોકેમિકલ અને એન્ટી ઓક્સિડેન્ટ્સ હોય છે જે હાઈ બ્લડ પ્રેશર સામે લડવામાં મદદરુપ થાય છે. સાથે જ હાર્ટ સંબંધી બીમારીઓને પણ દૂર કરવામાં મદદરુપ થાય છે.

from Page Array – I Am Gujarat http://bit.ly/30dKpkL