નવી દિલ્હી: ગઈકાલે લોકસભાની ચૂંટણીના પાંચમા તબક્કાના મતદાનમાં અમેઠી બેઠક પર બૂથ કેપ્ચરિંગના સ્મૃતિ ઈરાનીના દાવાને ચૂંટણી પંચે ફગાવી દીધો છે. આ બેઠક પર સ્મૃતિનો મુકાબલો રાહુલ ગાંધી સાથે છે. ગઈકાલે વોટિંગ ચાલુ હતુ તે દરમિયાન સ્મૃતિ ઈરાનીએ ટ્વીટર દ્વારા ચૂંટણી પંચને ફરિયાદ કરી હતી કે અમેઠીમાં બૂથ કેપ્ચરિંગનો આક્ષેપ કર્યો હતો.
હવે સીધા Whatsapp પર મેળવો મહત્વના ન્યૂઝ, શરુ કરવા ક્લિક કરો
યુપીના ચીફ ઈલેક્ટોરલ ઓફિસર લક્કુ વેંકટેશવાર્લુએ સ્મૃતિ ઈરાનીના આ આક્ષેપને ફગાવી દેતા જણાવ્યું છે કે, જે વીડિયો દ્વારા તેમણે આ આક્ષેપ કર્યો છે તે તથ્ય વિહોણો છે. ઉલ્લેખનીય છે કે, સ્મૃતિ ઈરાનીએ ગઈકાલે કોઈ ટ્વીટર યુઝર દ્વારા મૂકાયેલા વીડિયોમાં ઈલેક્શન કમિશનને ટેગ કરી બૂથ કેપ્ચરિંગનો આક્ષેપ કર્યો હતો.
આ વીડિયોમાં એક વૃદ્ધ મહિલાને બતાવાઈ છે જે કહી રહી છે કે તે ભાજપને વોટ આપવા જઈ રહી હતી, પરંતુ તેનો હાથ પકડીને તેની પાસેથી જબરજસ્તી કોંગ્રેસનું બટન દબાવી દેવામાં આવ્યું હતું. ચૂંટણી અધિકારીના જણાવ્યા અનુસાર, આ ફરિયાદ બાદ તમામ અધિકારીઓ બૂથ પર દોડી ગયા હતા, અને પક્ષોના પોલિંગ એજન્ટ્સ તેમજ અન્ય અધિકારીઓ સાથે વાત કરી હતી, જેમાં આવી કોઈ ઘટના ન બની હોવાનું જાણવા મળ્યું હતું. આ ક્લિપ પણ બનાવટી હોવાનું ચૂંટણી પંચે જણાવ્યું છે.
ગઈકાલે ચૂંટણી દરમિયાન આ વીડિયો સામે આવતા જોરદાર વિવાદ સર્જાયો હતો. સ્મૃતિ ઈરાનીએ એવો દાવો કરી દીધો હતો કે રાહુલ ગાંધી અમેઠીમાં ફરી ચૂંટણી જીતવા બૂથ કેપ્ચરિંગ કરાવી રહ્યા છે. સ્મૃતિએ એવો આક્ષેપ પણ કર્યો હતો કે ચૌકીદાર ચોર હૈ એવું કહેનારા રાહુલ ગાંધી પોતે મતોની ચોરી કરી રહ્યા છે.
from Page Array – I Am Gujarat http://bit.ly/2Lotw3h
No comments:
Post a Comment