એક્ટિંગ નહિ, આ ફિલ્ડમાં કરિયર બનાવવા માંગે છે સૈફનો દીકરો ઈબ્રાહિમ

ટેલેન્ટેડ ફેમિલીઃ

સૈફ અલી ખાન એક એવા પરિવારમાંથી આવે છે જેમાં ઘણા ટેલેન્ટેડ લોકો છે. તે અને તેની પત્ની કરીના ખૂબ સારા એક્ટર્સ છે, માતા શર્મિલા અને બહેન સોહા પણ એક્ટર છે. સૈફના પિતા મનસૂર અલી ખાન પટૌડી દિગ્ગજ ક્રિકેટર હતા. સૈફની દીકરી સારા અલી ખાન પણ એક્ટિંગ ક્ષેત્રે નામ કમાઈ રહી છે. સૈફની એક્સ પત્ની અમૃતા પણ તેના જમાનાની જાણીતી એક્ટ્રેસ હતી. સૈફનો દીકરો ઈબ્રાહિમ તેની ઝેરોક્સ કોપી લાગે છે પરંતુ લાગે છે કે તેને એક્ટિંગ ફિલ્ડમાં આવવાનો કોઈ શોખ નથી.

હવે એક મેસેજ મોકલી WhatsApp પર મેળવો અમારા ન્યુઝ, Start કરવા અહીં ક્લિક કરો

મેચ જોવા પહોંચ્યો સૈફઃ

અજય દેવગણના પિતા વીરુ દેવગણનું 27મી મેએ નિધન થયું ત્યારે સૈફ અજય દેવગણને કોઈ કારણોસર મળવા નહતો જઈ શક્યો. ગઈકાલે તે અજયને ઘરે મળવા પહોંચ્યો હતો. ત્યાંથી તે સીધો જ ઈબ્રાહિમની ક્રિકેટ મેચ જોવા પહોંચ્યો હતો. ઈબ્રાહિમ ઘણું સારુ ક્રિકેટ રમે છે અને તે આ ક્ષેત્રે પોતાની સ્કિલ્સ વધારી રહ્યો છે.

દીકરાને ચિયર કર્યોઃ

ક્રિકેટ ગ્રાઉન્ડમાં સૈફ પોતાના દીકરાને ચિયર કરતો જોવા મળ્યો હતો. ઈબ્રાહિમ તેના દાદા મનસૂર અલી ખાન પટૌડીની જેમ ક્રિકેટર બનવાનું સપનુ જુએ છે. ક્રિકેટ ગ્રાઉન્ડથી સૈફ અલી ખાન અને ઈબ્રાહિમની તસવીરો સોશિયલ મીડિયા પર વાયરલ થઈ રહી છે.

સૈફના ચહેરા પર છલકાઈ ખુશીઃ

ઈબ્રાહિમ ક્રિકેટના મેદાનમાં શૉટ રમતો જોવા મળ્યો હતો. દીકરાને પિતા મનસૂર અલી ખાનની જેમ રમતા જોઈને સૈફ ખાસ્સો ખુશ હતો. આ જોઈને તો એવું જ લાગે છે કે ઈબ્રાહિમ પિતાની જેમ એક્ટર નહિ, પરંતુ દાદાની જેમ ક્રિકેટર બનશે.

માતા સાથે રહે છે ઈબ્રાહિમઃ

ઈબ્રાહિમ 18 વર્ષનો છે અને મમ્મી અમૃતા સાથે રહે છે. કરીના સાથે પણ તેનું બોન્ડિંગ સારુ છે. સૈફ બંને બાળકો ઈબ્રાહિમ અને સારાના નિર્ણયોમાં તેમનો સાથ આપે છે. સારા અને ઈબ્રાહિમ કરીના અને સૈફ સાથે પાર્ટી કરતા પણ જોવા મળે છે.

તૈમૂર સાથે સારુ બોન્ડિંગઃ

આ ઉપરાંત ઈબ્રાહિમનું સાવકા ભાઈ તૈમૂર સાથે પણ સારુ બોન્ડિંગ છે. થોડા દિવસ પહેલા સારાએ પોતાના સોશિયલ મીડિયા એકાઉન્ટ પર તૈમૂર અને ઈબ્રાહિમનો ફોટો શેર કર્યો હતો જેમાં બંને સાથે રમતા જોવા મળે છે.

from Page Array – I Am Gujarat http://bit.ly/2HJSCGj