રાહુલ ગાંધીનો ડુપ્લિકેટ આ સુરતી યુવાન હવે કેમ મોદીને સપોર્ટ કરી રહ્યો છે?

પાંચ વર્ષમાં સ્થિતિ બદલાઈ ગઈ

યજ્ઞેશ મહેતા, સુરત: પાંચ વર્ષ પહેલા 2014ની લોકસભા ચૂંટણી વખતે રાહુલ ગાંધી જેવા દેખાતા સુરતા પ્રશાંત સેઠીએ ખાસ્સું આકર્ષણ જમાવ્યું હતું. કાપડિયા ક્લબ પાસે ખાણી-પીણીનો ધંધો કરતા પ્રશાંતને ત્યાં જમવા આવતા લોકો પણ તેને રાહુલ ગાંધીના ડુપ્લિકેટ તરીકે પણ ઓળખતા હતા. જોકે, પાંચ વર્ષમાં સ્થિતિ ઘણી બદલાઈ ગઈ છે.

હવે સીધા Whatsapp પર મેળવો મહત્વના ન્યૂઝ, શરુ કરવા ક્લિક કરો

રાહુલ સાથે સરખામણીથી કંટાળ્યો પ્રશાંત

30 વર્ષના પ્રશાંતને હવે કોઈ પોતાની સરખામણી રાહુલ ગાંધી સાથે કરે તે પસંદ નથી. તે હવે ભાજપને સપોર્ટ કરી રહ્યો છે, અને રાહુલ ગાંધી સાથે પોતાની સરખામણીથી તે એટલો કંટાળી ગયો છે કે તેણે પોતાનો લૂક સંપૂર્ણપણે બદલવાનું નક્કી કરી લીધું છે. તેના માટે તેણે પોતાનું વજન 20 કિલો જેટલું વધારી લીધું છે, અને હેરસ્ટાઈલ પણ બિલકુલ બદલી નાખી છે જેથી તેની સરખામણી કોઈ રાહુલ સાથે ન કરી શકે.

ફિલ્મમાં રાહુલનો રોલ પણ ન કર્યો

પ્રશાંતનો દાવો છે કે તેને હાલમાં જ બોલિવુડની એક બિગ બજેટ ફિલ્મ પણ ઓફર થઈ હતી. પીએમ મોદી પર બનેલી આ ફિલ્મમાં તેને રાહુલ ગાંધીનો રોલ ઓફર થયો હતો, પરંતુ તેના માટે તેણે ચોખ્ખી ના પાડી દીધી હતી. સોમવારે જ્યાં અમેઠીમાં રાહુલ ગાંધીનું ભાવિ ઈવીએમમાં સીલ થઈ રહ્યું હતું, ત્યારે પ્રશાંત પોતાના ઘરે આરામ કરી રહ્યો હતો અને તેને ચૂંટણીની જરાય પરવાહ નહોતી.

રાહુલ માટે મને માન છે પણ…

ટાઈમ્સ ઓફ ઈન્ડિયા સાથે વાત કરતા પ્રશાંતે જણાવ્યું હતું કે તે હવે રાહુલ ગાંધીના ડુપ્લિકેટ તરીકે ઓળખાવવા નથી ઈચ્છતો. રાહુલ ગાંધી રાષ્ટ્રીય નેતા છે અને તેમને હું માન આપું છું, પરંતુ હવે હું ભાજપને સપોર્ટ કરું છું અને મોદીની તરફેણ કરું છું. આ જ કારણે મેં બોલિવુડની એક ફિલ્મ પણ હાલમાં ફગાવી દીધી હતી.

આખરે કેમ થયો રાહુલથી મોહભંગ?

છેલ્લા પાંચ વર્ષમાં આખરે એવું તો શું થઈ ગયું કે તેણે પોતાનો લુક જ બદલવાનું નક્કી કરી લીધું તે સવાલના જવાબમાં પ્રશાંતે કહ્યું હતું કે, એક નાગરિક તરીકે મને રાહુલ પાસે ઘણી આશા હતી પરંતુ તેમણે એવી કોઈ સિદ્ધિ હાંસલ નથી કરી. પોતે હવે કોંગ્રેસની વિચારધારાથી પણ સહમત ન હોવાનું પ્રશાંતનું કહેવું છે. રાહુલ ગાંધી પર આવતા જોકને કારણે પણ તેણે પોતાનો લૂક ચેન્જ કરવાનું નક્કી કર્યું હોવાનું પ્રશાંતે કહ્યું હતું.

પત્નીને પણ વાંધો નથી

પ્રશાંતની પત્ની ગુંજનને પણ તેના લૂક બદલવા સામે કોઈ વાંધો નથી. તેમનું કહેવું છે કે ક્યારેક પ્રશાંત નીલ નીતિન મુકેશ જેવો લાગે છે. કોઈ નેતા કરતા બોલિવુડના હીરો જેવા લાગવું વધારે સારું. પ્રશાંતના પિતા તેને હંમેશા યુથ કોંગ્રેસમાં જોડાઈ પક્ષની અંદરની ચૂંટણી લડવા પ્રોત્સાહન આપતા હતા પરંતુ પ્રશાંતે ક્યારેય તેના માટે હા નહોતી પાડી.

from Page Array – I Am Gujarat http://bit.ly/2ViW96T