VVPAT કેસમાં વિપક્ષોને સુપ્રીમ ઝટકો, CJIએ કહ્યું ‘એક જ વાત વારંવાર કેમ સાંભળીએ’

વિપક્ષોને સુપ્રીમ કોર્ટનો ઝટકો

નવી દિલ્હીઃ લોકસભા ચૂંટણી વચ્ચે આજે સુપ્રીમ કોર્ટમાં ફરી એકવાર ઇવીએમના કાઉન્ટિંગ અને વીવીપેટની સ્લિપ પરસ્પર મેળવવાને લઇને કરવામાં આવેલ અરજી પર સુનવણી કરી હતી. વિપક્ષ દ્વારા દાખલ કરાયેલ આ પુન:ર્વિચાર અરજીને સુપ્રીમ કોર્ટે ફગાવી દીધી છે. આ અરજીને ટીડીપી અને કોંગ્રેસ સહિત 21 વિપક્ષી દળોએ સુપ્રીમ કોર્ટમાં દાખલ કરી હતી. આ પક્ષોની માંગણી હતી કે 50 ટકા વીવીપેટ પરચીને ઇવીએમ સાથે મેળવવાનો આદેશ ચૂંટણી પંચને આપવામાં આવે. સુનવણી માટે ચંદ્રબાબુ નાયડુ, ડી.રાજા, સંજય સિંહ અને ફારૂક અબ્દુલ્લા હાજર રહ્યાં હતા.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

એકનો એક કેસ વારંવાર કેમ સાંભળીએ: CJI

અરજીને રદ કરતાં ચીફ જસ્ટિસ રંજન ગોગોઇ એ કહ્યું કે કોર્ટ આ કેસને વારંવાર કેમ સાંભળીએ. CJIએ કહ્યું કે આ કેસમાં અમારે કોઈ દખલ નથી કરવી. જ્યારે વિપક્ષોના વકીલ અને કોંગ્રેસી નેતા અભિષેક મનુ સંઘવીએ જણાવ્યું કે, અમારી માગણી હતી કે જો VVPATમાં 50 ટકા વોટનું ક્રોસ વિરિફિકેશન કરવાનું શક્ય ન હોય તો ઓછામાં ઓછું 25 ટકા ઈવીએમ અને વીવીપેટનું ક્રોસ વેરિફિકેશન કરવામાં આવે.

કેસમાં પહેલા જ સુપ્રીમ કોર્ટે એક વ્યવસ્થા આપી છે

નોંધનીય છે કે ગત મહિને જ સુપ્રીમ કોર્ટે પોતાના નિર્ણયમાં દરેક વિધાનસભા ક્ષેત્રમાં કમ સે કમ પાંચ બુથના ઇવીએમ અને વીવીપેટની સ્લિપના ક્રોસ વેરિફિકેશન કરવાનો ચુકાદો આપ્યો હતો. સુપ્રીમ કોર્ટે પ્રત્યેક બેઠક દીઠ તેના મતવિસ્તારના કોઈપણ 5 વીવીપેટને ઇવીએમ સાથે ક્રોસ વેરિફિકેશનની વ્યવસ્થા આપી હતી. જે હાલ દરેક બેઠક દીઠ એક વીવીપેટ સાથે કરવામાં આવે છે.

from Page Array – I Am Gujarat http://bit.ly/2H0T5SD