બસમાં છેડતી કરનારને પાઠ ભણાવવા કંઈક આવું કરતી હતી આ એક્ટ્રેસ

‘તારે ઝમીન પર’થી એક્ટ્રેસને મળી નામના

બોલિવુડ એક્ટ્રેસ ટિસ્કા ચોપરાને ફિલ્મ ‘તારે ઝમીન પર’થી નામના મળી. આ ફિલ્મને અકેડેમી અવોર્ડ્સમાં ઓફિશિયલ એન્ટ્રી પણ મળી હતી. ટિસ્કા એક્ટ્રેસ હોવાની સાથે-સાથે લેખક અને ફિલ્મ પ્રોડ્યૂસર પણ છે. ટિસ્કા પહેલા દિલ્હીમાં રહેતી હતી, પરંતુ પોતાના પ્રોફેશનને લઈને તે મુંબઈ શિફ્ટ થઈ ગઈ. તે દિલ્હીમાં છોકરીઓ સાથે થતી છેડછાડથી પરિચિત છે અને તેનાથી કેવી રીતે બચવું તે પણ એક્ટ્રેસ જાણે છે.

હંમેશા પર્સમાં આ વસ્તુ રાખતી હતી એક્ટ્રેસ

ટિસ્કા થોડા દિવસ દિલ્હી ગઈ હતી. આ દરમિયાન તેણે અમારા સહયોગી ન્યૂઝ પેપર નવભારત ટાઈમ્સ સાથે વાતચીત કરી હતી. ઈન્ટરવ્યૂ દરમિયાન ટિસ્કાએ જણાવ્યું કે કોલેજ જવા માટે તે બસમાં જતી હતી. તેને જ્યારે પૂછવામાં આવ્યું કે તે સમયે બસમાં છેડતી થતી તો તે કેવી રીતે તેનાથી બચતી હતી. જેના પર ટિસ્કાએ જવાબ આપતા કહ્યું કે તે હંમેશા પોતાની સાથે સેફ્ટી પિન રાખતી હતી અને છેડતી કરનારને ચૂંટલી ખણી લેતી હતી.

એક્ટ્રેસે યુવતીઓને આપી સલાહ

ટિસ્કા ચોપરાએ ઈન્ટરવ્યૂ દરમિયાન છેડતી બચવા માટે યુવતીઓને સલાહ પણ આપી હતી. તેણે કહ્યું કે કોઈ છોકરો અભદ્ર વ્યવહાર કરે તો તેને થપ્પડ મારી દેવી જોઈએ. ટિસ્કાએ દિલ્હી યુનિવર્સિટીમાંથી લિટરેચરમાં બેચલર્સ કર્યું છે. તે ફિલ્મોની સાથે-સાથે ટીવીમાં પણ કામ કરી ચૂકી છે.

અઢી વર્ષની ઉંમરથી જ હતો એક્ટિંગનો શોખ

ઈન્ટરવ્યૂ દરમિયાન ટિસ્કાએ જણાવ્યું કે અઢી વર્ષની ઉંમરમાં જ તેને એક્ટિંગનો શોખ ચડ્યો હતો. તેના માતા-પિતા જે બોર્ડિંગ સ્કૂલમાં ભણાવતા હતા, તેમાં 6-8 વર્ષથી નાની ઉંમરના બાળકો નહોતા આવતા. આ દરમિયાન એક નાટકમાં એક નાના બાળકનો રોલ હતો, જે ટિસ્કાએ ભજવ્યો હતો. તેને સ્ટેજ પર ચાલીને જવાનું હતું. ત્યારથી જ તેને એક્ટિંગ કરવાનો શોખ જાગ્યો. ટિસ્કા તારે જમીં પર, દિલ તો બચ્ચા હૈ જી, લવ બ્રેકઅપ ઝિંદગી, કિસ્સા, ઘાયલ વન્સ અગેન જેવી ફિલ્મો કરી ચૂકી છે.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2VPJM1u