IPL: આજે ફિનિશર મહેન્દ્રસિંહ ધોની અને ઋષભ પંત વચ્ચે કરો યા મરોની જંગ

આજે મેચ ધોની vs પંત

વિશાખાપટ્ટનમઃ ઈન્ડિયન પ્રીમિયમ લીગ(IPL)ના 12મી સીઝનમાં ક્વોલિફાયર-2માં દિલ્હી કેપિટલ્સ(DC)નો સામનો ચેન્નઈ સુપર કિંગ્સ(CSK) સાથે છે. આ મેચની વિજેતા ટીમ 12 મેના રોજ મુંબઈ ઈન્ડિયન્સ(MI) સામે રમશે. ચેન્નઈ જ્યાં 3વાર IPLનો ખિતાબ પોતાના કબ્જામાં કરી ચૂકી છે ત્યારે તે સૌથી સફળ ટીમ ગણવામાં આવી રહી છે. જ્યારે દિલ્હી પહેલીવાર IPL ટ્રોફી મેળવવા માટે આશા સેવી રહ્યું છે. ત્યારે જોવાનું એ છે કે શું ચેન્નઈ આ મેચ જીતીની ચોથીવાર જીતની વધુ નજીક જઈ શકે છે કે દિલ્હી ફાઇનલ માટે આગળ વધે છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

ચેન્નઈ માટે સહેલો નથી રસ્તો

રોચક વાત તો એ છે કે બંને ટીમમાં ભારતના બેસ્ટ ફિનિશર અને વિકેટકિપર બેટ્સમેન છે. જ્યાં ધોની ચેન્નઈ માટે ફિનિશર છે તો ઋષભ પંત છેલ્લી કેટલીક મેચથી છેલ્લી ઓવરમાં બેટિંગ કરીને મેચની દિશા જ બદલી નાખે છે. ત્યારે મહેન્દ્ર સિંહ ધોનીની CSK માટે આ બીજી ક્વોલિફાયર કોઈ સરળ ગેમ રહેવાની નથી. કેમ કે દિલ્હીની ટીમ હાલ ફૂલ ફોર્મમાં છે અને સતત પોતાની રમતમાં વધુ સારુ પરફોર્મ કરી રહી છે.

પંતમાં છે દમ

એલિમિનેટર મેચમાં પંતે જીતની નજીક પહોંચી ગયેલા હૈદરાબાદને હારવા માટે મજબૂર કરી દીધું હતું. જેમાં તેણે છેલ્લી ઓવરોમાં 21 બોલ પર 49 રનની ઈનિંગ રમીની દિલ્હીની જીતમાં મહત્વનો ફાળો આપ્યો હતો. પંતે આ સીઝનમાં છેલ્લી ઓવરમાં અનેક એવી ઈનિંગ રમી છે જેણે દિલ્હી માટે જીત મેળવી હોય. તેણે આ સીઝનમાં 15 મેચ રમ્યા છે જેમાં 450 રન બનાવ્યા છે. આ દરમિયાન તેનું સર્વશ્રેષ્ઠ પ્રદર્શન નોટઆઉટ 78 છે. પંત આ સીઝનમાં કેટલો વિસ્ફોટક બેટ્સમેન બની સામે આવ્યો છે તેનો અંદાજો એના પરથી લગાવી શકાય છે કે આ સીઝનમાં તેણે 35 ફોર અને 26 સિક્સર લગાવી છે.

ધોની ફિનિશિંગ માસ્ટર

જ્યારે ક્રિકેટ વર્લ્ડના બેસ્ટ ફિનિશરની વાત કરવામાં આવે છે ત્યારે ધોનીનું નામ સૌથી પહેલા લેવામાં આવે છે. તે કોઈપણ સમયે મેચનું પાસું પલટી નાખવા માટે સક્ષમ છે. ધોનીએ આ સીરિઝમાં 13 મેચમાં 10 વાર નોટઆઉટ રહીને 405 રન બનાવ્યા છે. જેમાં તેણે કુલ 21 ફોર અને 23 સિક્સ જડ્યા છે.

પંતની નબળી બાજુ?

પંતની સૌથી નબળી બાજુ છે તે ક્યારે પણ કોઈ ખરાબ શોટ રમીને આઉટ થઈ શકે છે. આ સીઝનમાં હૈદરાબાદ સામે જ્યાં સુધી તે મેદાન પર હતો ત્યારે ટીમ સહેલાઈથી મેચ જીતી રહી હોય તેવું લાગતું હતું પરંતુ અચાનક જ તેણે એક ખરાબ શોટ રમ્યો અને પેવેલિયન ભેગો થઈ ગયો હતો. પંત પોતે પણ આ બાબતને નકરાતો નથી કે જ્યારે મેચમાં ઉભા રહેવાની જરુર હોય છે તેવા જ મોકે કોઈ ખરાબ શોટ રમીને વિકેટ ગુમાવવી તેની નબળાઈ છે.

ધોનીની નબળી બાજુ?

ધોની સાથે મુશ્કેલી એ છે કે તેની ટીમના દિગ્ગજ બેટ્સમેન વોટ્સન આ વખેત સંપૂર્ણ ફેલ છે જ્યારે ડુ પ્લેસિસના ફોર્મમાં આ વખતે કોઈ નિયમિતતા નથી. જ્યારે રૈનાનું પણ આવું છે. ત્યારે કેદાર જાધવ અને નાયડુ પછી આખી ટીમના સ્કોરની જવાબદારી એકલા ધોની પર આવી પડે છે. જોકે તેને સામેના છેડે કોઈ સાથ આપવાવાળો બેટ્સમેન હોય તો ધોની કંઇપણ શક્ય બનાવી શકે છે.

ટીમ્સ (સંભવિત)

ચેન્નઈ સુપર કિંગ્સઃ મહેન્દ્રસિંહ ધોની (કેપ્ટન અને વિકેટ કીપર), અંબાતી રાયડુ, શેન વોટ્સન, સુરેશ રૈના, કેદાર જાધવ, રવિન્દ્ર જાડેજા, ડ્વેન બ્રાવો, દીપક ચહર, શાર્દુલ ઠાકુર, હરભજન સિંહ, ઇમરાન તાહિર, મુરલી વિજય, ધ્રુવ શૌરે, ફોપ ડુ પ્લેસિસ, ઋતુરાજ ગાયકવાડ, મિશેલ સેટનર, ડેવિડ વિલી, સેમ બિલિંગ્સ, સમીર, મોનૂ કુમાર, કર્ણ શર્મા, કે.એમ. આસિફ, મોહિત શર્મા.

દિલ્હી કેપિટલ્સઃ શ્રેયસ અય્યર(કેપ્ટન), ઋષભ પંત(વિકેટ કીપર), પૃથ્વી સાવ, અમિત મિશ્રા, અવેશ ખાન, રાહુલ તેવતિયા, જયંત યાદવ, કોલિન મુનરો, ક્રિસ મૌરિસ, સંદીપ લામિછાને, ટ્રેન્ટ બોલ્ટ, શિખર ધવન, હનુમા વિહારી, અક્ષર પટેલ, ઇશાંત શર્મા, અંકુશ બેસ, નાથૂ સિંહ, કોલિન ઇનગ્રમ, શેરફેન રધરફોર્ડ.

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat http://bit.ly/2LBOhIY