બોલિવુડ એક્ટ્રેસની બહેને આ એક્ટર સામે લગાવ્યો મારઝૂડ અને શોષણનો આરોપ

ફરી વિવાદમાં ફસાયો એક્ટર

બોલિવુડ એક્ટર આદિત્ય પંચોલી ફરી એકવાર વિવાદમાં ફસાયો છે. તેના પર બોલિવુડની ટોચની એક્ટ્રેસની બહેને ગંભીર આરોપ લગાવ્યો છે. મુંબઈની વર્સોવા પોલીસને આદિત્ય વિરુદ્ધ એક્ટ્રેસની બહેન તરફથી એક ઈ-મેલ દ્વારા અરજી મળી છે, જે બાદ તપાસ શરૂ કરવામાં આવી છે. 54 વર્ષના પંચોલી સામે કથિત રૂપથી મારઝૂડ અને શોષણની ફરિયાદ દાખલ કરવામાં આવી છે. આ ઘટના કથિત રીતે એક્ટ્રેસના કરિયરની શરૂઆતના તબક્કામાં એક દશકા પહેલા થઈ હતી.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

એક્ટરે કર્યો સ્વબચાવ

આ મામલે પંચોલીએ મીડિયા સાથે વાતચીત કરતા કહ્યું કે એક્ટ્રેસના વકીલે તેના સામે ખોટો બળાત્કારનો કેસ નોંધાવવાની ધમકી આપી હતી, તેણે એક્ટ્રેસ સામે બદનક્ષીનો દાવો કર્યો છે. એક્ટરનું નિવેદન પોલીસે રવિવારે નોંધ્યું હતું. આ બાદ પોલીસે એક્ટ્રેસને નિવેદન નોંધાવવા માટે બોલાવી હતી, જેથી કથિત શોષણ વિશે પોલીસ તપાસ કરી શકે અને એક્ટર સામે એફઆઈર નોંધી શકે.

13 વર્ષ પહેલા બની હતી ઘટના

પોલીસે આગળ વાત કરતા જણાવ્યું કે ઘટના 13 વર્ષ પહેલા બની હતી. અમારે એફઆઈઆર નોંધવા માટે ઘણા પુરાવા એકઠા કરવાના છે. પોતાની અરજીમાં ફરિયાદીએ તેવો પણ આરોપ લગાવ્યો છે કે પંચોલીની પત્નીને પણ આ વિશે જાણ હતી. આ મામલે વાત કરતા પંચોલીએ કહ્યું કે તેણે પહેલાથી જ એક્ટ્રેસ સામે બદનક્ષીનો કેસ કર્યો છે. મેં એક્ટ્રેસ સામે દાવો માંડ્યા બાદ તેના વકીલે 6 જાન્યુઆરીએ ધમકી આપી હતી કે જો હું બદનક્ષીનો કેસ પરત નહીં લઉ તો મારી સામે રેપનો કેસ નોંધવામાં આવશે. મને તે વાતની ખુશી છે કે મેં તે 18 મિનિટની વાતચીતનું રેકોર્ડિંગ કરી લીધું છે. જેને હું કોર્ટ સમક્ષ રજૂ કરીશ.

તપાસ કર્યા બાદ નોંધાશે ગુનો

આદિત્ય પંચોલીએ આગળ વાત કરતાં કહ્યું કે મારી વિરુદ્ધ આ ષડયંત્ર છે. મને તે દિવસે આશ્ચર્ય થયું જ્યારે 25 એપ્રિલે વર્સોવા પોલીસ મારા ઘરે એક નોટિસ સાથે પહોંચી હતી. તે દિવસે મેં તપાસ અધિકારીને મેં રેકોર્ડ કરેલા વીડિયો વિશે જણાવ્યું હતું. મેં 12મી મેના દિવસે વર્સોવા પોલીસ સમક્ષ નિવેદન નોંધાવ્યું હતું અને વીડિયો પણ બતાવ્યો હતો. આ કેસ અંગે વર્સોવા પોલીસ સ્ટેશનના સીનિયર અધિકારીનું કહેવું છે કે બંને પક્ષ તરફથી નિવેદન નોંધ્યા બાદ અને મામલાની વિગતવાર પૂછપરછ કર્યા બાદ, અમે આગળની કાર્યવાહી વિશે નિર્ણય લઈશું.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2JFaYJF