કારનો ઇન્સ્યોરન્સ રિન્યૂ કરાવતી વખતે લગભગ બધા આ ભૂલ કરે જ છે 🚗

કારનો ઇન્સ્યોરન્સ રિન્યૂ કરાવો ત્યારે યાદ રાખો

શહેરોમાં વસતા લોકોમાં કાર પ્રત્યેનું આકર્ષણ વધી રહ્યું છે અને કારના વેચાણમાં પણ વધારો થઈ રહ્યો છે પણ કાર ખરીદ્યા પછી થતી કેટલીક નાની ભૂલો માટે મોટુ નુકસાન ભોગવવું પડે છે. આવી જ એક ભૂલ છે કારનો ઇન્સ્યોરન્સ. કારનો ઇન્સ્યોરન્સ જ્યારે રિન્યૂ કરાવવાનો હોય ત્યારે કેટલીક બાબતોનું ધ્યાન ના રાખવાના કારણે અકસ્માત સમયે તકલીફ પડી શકે છે. બજારમાં ઇન્સ્યોરન્સ કંપનીઓની લોભામણી જાહેરાતોથી આકર્ષાઈને ગ્રાહકો કેટલીક ભૂલ કરી બેસે છે, જે ભવિષ્યમાં મોંઘી પડી શકે છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

ઇન્સ્યોરન્સ લેતા પહેલા કરો રિસર્ચ

નવી કાર ખરીદો તેની સાથે 3 વર્ષનો ઇન્સ્યોરન્સ આપવામાં આવે છે, તે ત્રણે વર્ષ માટેનો સરખો નથી હોતો, આગળ જતા આ ઇન્સ્યોરન્સ માત્ર થર્ડ પાર્ટી ઇન્સ્યોરન્સ બની જાય છે. માટે તમે જ્યારે ઇન્સ્યોરન્સ રિન્યૂ કરાવો ત્યારે રિસર્ચ મહત્વનું બની જાય છે. તમારે કેવો ઇન્સ્યોરન્સ લેવો છે તે સૌથી પહેલો સવાલ છે. જેમકે થર્ડ પાર્ટી ઇન્સ્યોરન્સ કે પછી બીજા કોઈ. તમારો ઇન્સ્યોરન્સ પૂર્ણ થવા આવશે એટલે તમને ફોન અને મેસેજ આવવાના શરુ થઈ જશે, પણ તમારે વિવિધ ઇન્સ્યોરન્સના ફાયદા અને નુકસાન વિશે રિસર્ચ કરીને જાણી લેવું જરુરી છે.

ઇન્સ્યોરન્સમાં મળતા કવરેજને જાણવું જરુરી

તમે જ્યારે કાર ખરીદી હોય તે ઇન્સ્યોરન્સની સમય અવધી પૂર્ણ થયા પછી તમારે એ જ કંપનીનો ઇન્સ્યોરન્સ રિન્યૂ કરાવવો પડે તે જરુરી નથી. જો તમને અન્ય કંપની દ્વારા વધારે લાભ થયા હોય અને બીજા ફાયદા દેખાતા હોય તો તે પ્રમાણે તમે કંપની પણ બદલી શકો છો અને આના માટે કોઈ મોટી પ્રોસેસ કરવાની જરુર નથી. માત્ર રિન્યૂ માટે જે રીતે ફોર્મ ભરો તેવી જ પ્રોસેશ કરવાની રહે છે.

ઇન્સ્યોરન્સ કંપનીનો રિવ્યૂ કરવો જરુરી છે

આજના સમયમાં ઈન્ટરનેટથી બધી માહિતી સરળતાથી મળી જાય છે, જો કોઈને કંપનીના રિવ્યૂથી સંતોષ નહીં થયો હોય કે ઇન્સ્યોરન્સ કંપનીની કામગીરી પસંદ આવી હશે તેવા લોકો પોતાના રિવ્યૂ રજૂ કરતા હોય છે એટલે કે કંપની તમારા માટે કેટલી ફાયદાવાળી છે અને જરુરી સમયમાં કેટલી ઉપયોગી થઈ શકે છે તે તમે લોકોએ કંપનીને આપેલા રિવ્યૂ અને રેટિંગના આધારે સરળતાથી જાણી શકશો. આ વિશે તમે કંપનીના વ્યક્તિને મળીને પણ વિગતે ચર્ચા કરી શકો છો, અથવા કસ્ટમર કેરમાં પણ ફોન કરીને માહિતી મેળવી શકો છો.

એજન્ટ વગર પણ કામ કરી શકો છો

ઇન્સ્યોરન્સ ઉતારનારા એજન્ટ દ્વારા જ કામ થઈ શકે એ વાત સાવ ખોટી છે, જો તમે ઇન્સ્યોરન્સ ઓફિસ પર જઈને તમારા વાહનની ચકાસણી કરાવો તો પણ ઇન્સ્યોરન્સ પોલિસી ઉતારી શકાય છે. આ સિવાય તમારી કારનો વીડિયો કે ફોટોગ્રાફ્સ લઈને પણ તમે ઓનલાઈન ઇન્સ્યોરન્સ ઉતરાવીને શકો છો. ઓનલાઇને ઇન્સ્યોરન્સમાં છેતરપિંડી ના થઈ જાય તેની સાવધાની રાખવી જરુરી છે.

ડિસ્કાઉન્ટના ચક્કરમાં નુકસાન ના કરો

ઘણી કંપનીઓ ઇન્સ્યોરન્સ પોલિસીની રકમ ઓછી થઈ જાય તેના માટે વાહનની વેલ્યુમાં ઘટાડો કરી દે છે, ઉદારણ તરીકે 10 લાખની કાર છે તો તેનો ઇન્સ્યોરન્સ 30 હજારનો થયો હોય તો આગામી વર્ષે 15,000 રુપિયામાં ઇન્સ્યોરન્સ ઉતારવાની ઓફર મળે તો તે સ્વીકારતા પહેલા કારની વેલ્યુ કેટલી રહેશે તે પૂછી લેવું, જો કારની વેલ્યુ ઘટી જશે તો અકસ્માત સમયે તેના નુકસાનની ભરપાઈ પણ તે રકમ પ્રમાણે જ થાય છે.

નો ક્લેમ બોનસ લેવાનું ના ચૂકશો

જો તમે કંપની બદલ્યા બગર ઇન્સ્યોરન્સ રિન્યૂ કરાવો છો તો નો ક્લેમ બોનસ (NCB) લેવાનું ભૂલશો નહીં. NCB મતલબ તમે ઇન્સ્યોરન્સની અવધી દરમિયાન ઇન્સ્યોરન્સ કંપની પાસે કાર રિપેરિંગ કરાવી નથી, જેના માટે બોનસ આપવામાં આવે છે આ બોનસ ભવિષ્યમાં ઉપયોગી થઈ શકે છે. તમે સતત ઇન્સ્યોરન્સ ક્લેમ ના કરો તો આ બોનસથી તમને સારો એવો ફાયદો મળે છે.

ઇન્સ્યોરન્સ રિન્યૂની તારીખ ના ભૂલો

જો તમે ઇન્સ્યોરન્સ 01-01-2019ના રોજ ઉતરાવ્યો હોય તો ઇન્સ્યોરન્સ 31-12-19 સુધીમાં રિન્યૂ કરાવી લો આમ ના કરવાથી કંપનીઓની અલગ-અલગ પોલિસી પ્રમાણે લાભ જતા કરવા પડે છે અને ઇન્સ્યોરન્સ પછી કારને નુકસાન થાય તો રિપેરિંગની તમારા માથે તમામ જવાબદારી આવી પડે છે, માટે ઇન્સ્યોરન્સ પૂર્ણ થવાનો હોય તેના પહેલા ઇન્સ્યોરન્સ અચૂક રિન્યૂ કરવી લેવો જોઈએ, આમ ના કરવાથી બોનસ પણ જતું રહે છે.

ઇન્સ્યોરન્સ ક્લેમ કરવાનું ના ભૂલો

જો કારને નુકસાન થયું હોય તો તાત્કાલિક ઇન્સ્યોરન્સ કંપનીને જાણ કરો અને ઇન્સ્યોરન્સ ક્લેમ કરવા અંગે વાત કરો. થોડું મોટું નુકસાન હોય ત્યારે ક્લેમ કરીશું તેવું ઘણાં ગ્રાહકો વિચારતા હોય છે પણ આવા કિસ્સામાં નુકસાન લાંબો સમય રહી ગયા પછી કંપની તેના ક્લેમનો સ્વીકાર નથી કરતી. જેમ કે બંપરને નુકસાન થયું હોય અને તેના પર કામ ચલાઉ રીતે તેના પર સ્ક્રૂ કે અન્ય રીતે સમારકામ કરાવ્યું હશે તો કંપની પાછળથી તેનો ક્લેમ સ્વીકારવાનો ઇનકાર કરી શકે છે. માટે કારમાં નુકસાન થાય ત્યારે જ કંપનીને તમારા નુકસાન અંગે જાણ કરી દો.

from Page Array – I Am Gujarat http://bit.ly/2VjqHAs