આ એક્ટ્રેસ સાથે લગ્ન કરવા માટે હોટેલ પહોંચી ગયો યુવક, ના પાડી તો કર્યું ફાયરિંગ

ફિલ્મની એક્ટ્રેસ પર હુમલો

ઉત્તર પ્રદેશના સોનભદ્રમાં ભોજપુરી ફિલ્મની શૂટિંગ માટે આવેલી ટીમ પર હુમલો થયો હતો. શૂટિંગ માટે આવેલી ટીમ હોટેલમાં રોકાઈ હતી, જ્યાં ભોજપુરી ફિલ્મોની એક્ટ્રેસ રીતૂ સિંહના રૂમમાંથી ગોળીનો અવાજ આવ્યો હતો. આ અંગે જાણ કરતાં પોલીસ તાત્કાલિક ઘટનાસ્થળે પહોંચી હતી અને સમગ્ર વિસ્તારની ઘેરાબંધી કરી આરોપીને ઝડપીને પિસ્ટલ સાથે ઝડપી પાડ્યો હતો.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

ક્રૂના સભ્યને મારી ગોળી

એક્ટ્રેસે પોલીસને જણાવ્યું કે, ‘કોઈને કંઈ ખબર નહોતી કે શું થઈ રહ્યું છે. તે અચાનકથી જ રૂમમાં આવ્યો. કોઈને તે પણ નહોતી ખબર કે તે કોણ છે અને ક્યાંનો રહેવાસી છે’. આરોપી જૌનપુરનો નિવાસી છે અને એક્ટ્રેસ રીતૂ સિંહ સાથે લગ્ન કરવા પર દબાણ કરી રહ્યો હતો. વાતચીતચ બાદ જ્યારે અભિનેત્રીનો બચાવ કરવા માટે ક્રૂનો સભ્ય વચ્ચે કૂદ્યો તો યુવકે તેને કમરના ભાગે ગોળી મારી દીધી. પોલીસ ઘચનાસ્થળ પર પહોંચી કો આરોપીએ તેમના પર પણ ફાયરિંગ કર્યું.

ગન લઈને એક્ટ્રેસના રૂમમાં ઘુસી ગયો

સોનભદ્રમાં ફિલ્મના શૂટિંગ માટે મુંબઈથી 64 જેટલા સભ્યોની ટીમ આવી હતી. ટીમના એક સભ્યએ કહ્યું કે, ‘અમને લાગતું હતું કે તે કોઈને મળવા આવ્યો છે. પરંતુ અચાનક તે ગન લઈને એક્ટ્રેસના રૂમમાં ઘુસી ગયો. તેની કોઈ ડિમાન્ડ નહોતી, તે બસ એક્ટ્રેસ સાથે લગ્ન કરવા માગતો હતો’.

પોલીસે આરોપીની કરી ધરપકડ

પૂરું ઓપરેશ એસપી એસ.જે. પાટિલે કર્યું અને તેણે પોતે રૂમમાં ઘુસીને આરોપીને ઝડપી પાડ્યો. ફાયરિંગમાં એસપી માંડ-માંડ બચ્યા. જાણકારી પ્રમાણે હુમલામાં ઘાયલ થયેલા ક્રૂ મેમ્બર અશોકને સારવાર માટે હોસ્ટિલમાં ખસેડાયા છે.

from Page Array – I Am Gujarat http://bit.ly/2JB6AfP