રેડમી K20ના ફીચર્સ થયા લીક
નવી દિલ્હીઃ શાઓમી પોતાના આ નવા સ્માર્ટફોનને લઈને સતત ચર્ચામાં છે. કંપનીએ આ સ્માર્ટફોનને ફ્લેગશિપ કિલરના સ્વરુપે રજૂ કર્યો છે. અમે વાત કરી રહ્યા છીએ 28મી મેના રોજ લોન્ચ થનારા રેડમી કે20 સ્માર્ટફોનની, જેને લઈને ગેજેટ પ્રેમીઓ અને સ્માર્ટફોન પ્રેમીઓમાં ખૂબ જ બઝ ચાલી રહ્યો છે. શાઓમીના આ ફોનની સીધી જ સ્પર્ધા વનપ્લસ 7 પ્રો સાથે છે.
હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો
આ ફોનને ફ્લેગશિપ કિલરના રુપે રજૂ કરી રહી છે કંપની
આ સ્માર્ટફોનમાં ક્વાલકોમ સ્નેપડ્રેગન 855 પ્રોસેસર હોવાનું ચર્ચામાં છે. તેમાં પણ શાઓમી ઇન્ડિયાના પ્રમુખ મનુ કુમાર જૈનના ટ્વિટથી આ ફોન ચર્ચામાં છે. રેડમી ચીનમાં આ સ્માર્ટફોન લોન્ચ કરી રહી છે. જે માટે કંપની સતત પોતના વીબો પેજ પર રેડમી કે 20ને ટીઝ કરી રહી છે અને સ્માર્ટફોનના નવા નાવા ફીચર્સ પણ સામે આવી રહ્યા છે. હાલમાં જ કંપનીના ટિઝરમાં સામે આવ્યું છે કે ફોનમાં અલ્ટ્રા લિનિયર સ્પીકર હશે.
આવા ધાંસૂ હશે ફીચર્સ
શાઓમીના જનરલ મેનેજર લૂ વિબિંગે આ અંગે પુષ્ટી કરતા કહ્યું કે કે20માં ખૂબ જ શાનદાર મ્યુઝિક અનુભવ મળશે જે લોકને ગમશે. આ સાથે જ એવો પણ દાવો કરવામાં આવ્યો છે કે આ ફોનમાં ટર્બો 2.0 ફીચર હશે. જે કંપનીના તાજેતરમાં લોન્ચ થયેલા પોકો એફ1 સ્માર્ટફોનમાં રજૂ થયું હતું. આ ફીચર ગેમિંગ એક્સપીરિયન્સને વધારે મજેદાર બનાવે છે. કંપનીએ ચીનમાં આ ફોનનું પ્રીબુકિંગ શરુ કરી દીધું છે.
આ હશે કિંમત
તેમજ સ્માર્ટફોનની કિંમતને લઈને પણ એક રિપોર્ટ સામે આવ્યો છે. જેમાં ફોનના જુદા જુદા વેરિયન્ટની કિંમતનો દાવો કરવામાં આવ્યો છે. આ અહેવાલ મુજબ રેડમી કે20ની કિંમત રુ.26,100 આસપાસ હોઈ શકે છે. આ કિંમત 6GB રેમ અને 64GB મેમરીવાળા ફોનની છે. ત્યારે આ ફોન 6GB રેમ અને 128GB મેમરી સાથે રુ.28,100 રુપિયામાં માર્કેટમાં આવી શકે છે. તો 8GB રેમ અને 128GB મેમરીવાળા વેરિયન્ટની કિંમત રુ.30,200 છે. આ ફોનમાં 4000 mAh બેટરી, 48 મેગાપિક્સલ કેમેરા, સ્નેપડ્રેગન 855 પ્રોસેસર પણ મળશે.
from Page Array – I Am Gujarat http://bit.ly/2K5oQNM
No comments:
Post a Comment