મારુતિની ગાડીઓના વેચાણમાં મસમોટું ગાબડું, એપ્રિલમાં આટલી જ ગાડીઓ વેચાઈ!

નવી દિલ્હી: દેશની સૌથી મોટી કાર ઉત્પાદક કંપની મારુતિએ બુધવારે જાહેર કરેલા આંકડામાં જણાવ્યું છે કે એપ્રિલમાં તેનું વેચાણ 19 ટકા ઘટ્યું છે. કંપનીએ એપ્રિલ 2019માં કુલ 1,33,704 યુનિટ્સનું વેચાણ કર્યું છે. લોકલ માર્કેટમાં પેસેન્જ વ્હીકલનું વેચાણ 19.6 ટકા ઘટીને 1,31,385 યુનિટ થયું છે, જ્યારે લાઈટ કોમર્શિયલ વ્હીકલ સુપર કેરીનું વેચાણ 50 ટકા વધીને 2,319 યુનિટ થયું છે.

હવે સીધા Whatsapp પર મેળવો મહત્વના ન્યૂઝ, શરુ કરવા ક્લિક કરો

કંપનીની પેસેન્જર કારના દરેક મોડેલના વેચાણમાં ઘટાડો નોંધાયો છે. ઓલ્ટો અને જૂની વેગનઆરનું વેચાણ 39.8 ટકા ઘટીને માત્ર 22,766 યુનિટ પર આવી ગયું છે. જ્યારે, અન્ય મોડેલ્સ જેવા કે નવી વેગનઆર, સ્વીફ્ટ, બલેનો, ઈગ્નિસ, સેલેરિયો, ડિઝાયર, ટુર એસના વેચાણમાં પણ 13.9 જેટલો સરેરાશ ઘટાડો નોંધાયો છે, અને તેમના 72,146 મોડેલ વેચાયા છે. સિયાઝની ડિમાન્ડ 45.5 ટકા ઘટીને 2,789 યુનિટ પર આવી ગઈ છે.

યુટિલિટી સેગમેન્ટમાં આવતી કાર્સ એર્ટિગા, વિતારા બ્રિઝા, એસ-ક્રોસની ડિમાન્ડમાં 5.9 ટકાનો વધારો થયો છે. તેના 22,035 યુનિટ્સ વેચાયા છે. ઓમ્ની અને ઈકોના વેચાણમાં 26.7 ટકાના ગાબડાં સાથે 11,649 યુનિટ વેચાયા છે.

from Page Array – I Am Gujarat http://bit.ly/2IODfOk