શેર બજારના બાજીગર સાબિત થવું હોય તો અત્યારે ગોલ્ડન ચાન્સ છે

રાહુલ ઓબેરોય, મુંબઈ: માર્કેટમાં જ્યારે ડરનું વાતાવરણ હોય ત્યારે ખરીદી કરો અને જ્યારે તેજી હોય ત્યારે વેચાણ! માર્કેટની હાલની સ્થિતિ પણ એવી જ છે કે પહેલો વિકલ્પ પસંદ કરવો જોઈએ અને બજારના કેટલાક એક્સપર્ટસ રોકાણકારોને બજાર શાંત થવાની રાહ જોવા વિના ઈન્વેસ્ટ કરવાની સલાહ આપી રહ્યા છે. આવી સલાહ આપવા પાછળ તેઓ 3 કારણ જણાવી રહ્યા છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

પહેલું કે, સ્થાનિક શેર્સમાં હાલમાં જોવા મળતી અસ્થિરતા માટે આંતરિક કરતા બહારના કારણો વધારે જવાબદાર છે.

સ્થાનિક અર્થવ્યવસ્થામાં મંદી અને માગમાં ઘટાડાની વાત છે તો ભારત હજુ પણ વિકાસના મામલે વિશ્વના અન્ય દેશો કરતા આગળ છે. બીજું કે, અર્થવ્યવસ્થામાં જોવા મળતી મંદી ચૂંટણીના કારણે છે.

અગ્રણી શેરોમાં તેમના એપ્રિલ 2018ના હાઈ લેવલ કરતા 4 ટકાનો ઘટાડો આવ્યો છે. તેનું કારણ ક્રૂડ ઓઈલની કિંમતો અને રૂપિયાની નબળાઈ છે. પણ, આ બંનેમાં ત્યારથી નબળાઈ છે.

અમેરિકાના પ્રેસિડન્ટ ડોનાલ્ડ ટ્રમ્પે ચાઈનીઝ વસ્તુઓ પર વધુ 2000 કરોડ ડોલરનો ટ્રેડ ટેક્સ નાખવાની વાત કરી તે પછી સોમવારે નિફ્ટીમાં 1 ટકાનો ઘટાડો જોવા મળ્યો.

IIFLના એક્ઝિક્યુટિવ વાઈસ-પ્રેસિડન્ટ સંજીવ ભસિને જણાવ્યું કે, ‘ભારતીય બજારમાં અસ્થિરતા બહારના કારણોથી છે. મને નથી લાગતું કે તે વધારે લાંબુ ટકશે. ઘણા બધા લોકો સુધારાની રાહ જોઈ રહ્યા છે. વધારે પડતી અસ્થિરતા એસેટ ક્લાસની જેમ શેર્સ ખરીદવાની તક છે. અમે ડિસેમ્બર 31 સુધીમાં નિફ્ટી 13,500 અને સેન્સેક્સ 42,000ના સ્તર પર જોઈ રહ્યા છીએ. અત્યારે ખરીદી કરવાનો સમય છે.’

બીજુ કારણ છે જોઈએ તો, ભૂતકાળના ડેટા જણાવી રહ્યા છે કે, ચૂંટણી પહેલા કરતા ચૂંટણી પછી બજારમાં સામાન્ય રીતે તેજી જોવા મળે છે. છેલ્લી ત્રણ ચૂંટણીઓ પછી તો આવું જ જોવા મળ્યું છે.

ઈલારા કેપિટલના જણાવ્યા મુજબ, વર્ષની શરૂઆતથી અત્યાર સુધીમાં નિફ્ટીમાં 8 ટકાનું કરેક્શન જોવા મળ્યું છે અને ચૂંટણી પછી તેજીની પૂરી શક્યતા છે.

2009 અને 2014માં ચૂંટણી પહેલા નિફ્ટીમાં અનુક્રમે 24 અને 13 ટકાનો ઉછાળો જોવા મળ્યો હતો. 2004માં ચૂંટણી પહેલા 9 ટકાનો ઘટાડો નોંધાયો હતો.

2004, 2009 અને 2014માં ચૂંટણીના પરિણામો બાદ નિફ્ટીમાં અનુક્રમે 22, 42 અને 16 ટકાનો ઉછાળો જોવા મળ્યો હતો.

સેક્ટરની રીતે જોઈએ તો ચૂંટણી પહેલા મિશ્ર સ્થિતિ જોવા મળે છે. જ્યારે ચૂંટણી બાદ બધા જ સેક્ટરમાં પોઝિટિવ રિટર્ન જોવા મળે છે. 2014માં એનર્જી ક્ષેત્ર અને 2009માં ટેલિકોમ ક્ષેત્ર તેમાં અપવાદ હતા.

ત્રીજું કારણ છે, નિફ્ટીમાં અસ્થિતરતાનું માપ દર્શાવતો India VIX (Volatility index) આ વર્ષે 1લી જાન્યુઆરીના 15 માર્કથી વધીને 26 માર્ક થયો છે, જેણે રોકાણકારોને નિરાશ કર્યા છે. પણ, તે ચૂંટણીના માહોલને કારણે છે.

રિલાયન્સ સિક્યુરિટીઝના સીનિયર રિસર્ચ એનાલિસ્ટ વિકાસ જૈનનું કહેવું છે કે, ‘લોકસભા ચૂંટણીના પરિણામો પહેલા VIX ઉંચો જોવા મળી રહ્યો છે. છેલ્લી બે ચૂંટણીઓમાં, 2009 અને 2014માં VIXમાં અનુક્રમે સબ-31 લેવલથી 87 અને સબ-14 લેવબથી 40 સુધી ફેરફાર જોવા મળ્યો હતો. બજારની અપેક્ષા મુજબ જ પરિણામો આવતા નિફ્ટીમાં તેજી જોવા મળી હતી. માર્કેટમાં તેજીની સાથે VIXમાં ઘટાડો આવ્યો હતો.’

જૈને કહ્યું કે, ‘જો આ વખતે ચૂંટણીના પરિણામો બજારની અપેક્ષા મુજબ આવ્યા તો આપણને ઘણી તેજી જોવા મળશે.’

રિલાયન્સ સિક્યુરિટીઝને આશા છે કે, VIX 40-50ના લેવલની હાઈ રેન્જમાં રહેશે. આઉટ-ઓફ-ધ-મની કોલ્સ અને પુટ્સના ભાવ વધશે તેમ VIXમાં વધારો થશે, તેમ તેનું કહેવું હતું.

from Page Array – I Am Gujarat http://bit.ly/2Jpk793