ભાજપની જીતની ખુશીમાં ‘મોદી ભક્ત’ યુવકે છાતી પર ચાકુથી ‘મોદી’ લખ્યું

યુવકે છાતી પર મોદી લખ્યું

મોતિહારીઃ પ્રધાનમંત્રી નરેન્દ્ર મોદીના ફેન્સનો પ્રેમ હવે દીવાનગીનું રૂપ લેતા દેખાઈ રહ્યો છે. ગત 23 મેએ લોકસભા ચૂંટણીના પરિણામમાં ભાજપે રેકોર્ડ તોડ જીત મેળવ્યા બાદ બિહારના મોતિહારીમાં એક યુવાનો પોતાની છાતી પર ચાકુથી પીએમ મોદીનું નામ લખી નાખ્યું. આ દરમિયાન તેનું ઘણું લોહી વહી ગયું. મોદીના આ ફેનને જોવા માટે મોટી સંખ્યામાં લોકોની ભીડ એકઠી થઈ ગઈ.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

જોવા માટે જમા થઈ લોકોની ભીડ

પીએમ મોદીના આ ખાસ ફેનની ઓળખ સોનૂ પટેલ તરીકે કરાઈ છે. તે મોતિહારીના તુરકૌલિયા વિસ્તારમાં રહેનારો છે. મીડિયા રિપોર્ટ્સ મુજબ સોનૂ પટેલ જ્યારે ચાકુથી પોતાની છાતી પર ‘મોદી’ લખી રહ્યો હતો, તે સમયે લોકોની ભારે ભીડ જમા થઈ ગઈ. 23 મેએ જ્યારે લોકસભા ચૂંટણીના પરિણામનો ટ્રેન્ડ NDA તરફ ચાલી રહ્યો હતો ત્યારે સોનુએ ત્યાં ઉપસ્થિત લોકોને મિઠાઈ ખવડાવી હતી.

મોદી માટે જીવન આપવા તૈયાર

જોકે તેની પાસે એવું કંઈ નહોતું જેને તે બીજેપીની જીતના સેલિબ્રેશન તરીકે મનાવી શકે, આથી તેણે ચાકુથી પોતાની છોતી પર ‘મોદી’ લખી નાખ્યું. આ દરમિયાન તેનું ઘણું બધું લોહી વહી ગયું. ‘મોદી’ નામ લખ્યા બાદ સોનૂએ કહ્યું કે નરેન્દ્ર મોદી ભારતનું ભવિષ્ય છે. જ્યારે મોદી દેશ માટે બલિદાન આપવા તૈયાર છે તો હું પણ તેમના માટે મારું જીવન બલિદાન કરવા તૈયાર છું. મોદી મારા માટે ભગવાન છે.

લોકસભાની ચૂંટણીમાં ભાજપને સ્પષ્ટ બહુમતી

જણાવી દઈએ કે પીએમ મોદીના નેતૃત્વમાં એનડીએએ લોકસભા ચૂંટણીમાં સમગ્ર દેશમાં રેકોર્ડ તોડ પ્રદર્શન કરતા 343 સીટો જીતી છે. જ્યારે મુખ્ય વિપક્ષ કોંગ્રેસ પાર્ટીએ માત્ર 52 સીટોથી સંતોષ કરવો પડ્યો. જોકે વર્ષ 2014ની અપેક્ષાએ તેમની આઠ સીટો વધી છે. બિહારમાં એનડીએએ 39 સીટ જીતીને વિપક્ષના સૂપડા સાફ કરી દીધા હતા. લાલૂ યાદવની પાર્ટી આરજેડી પોતાનું ખાતું પણ નહોતી ખોલાવી શકી.

from Page Array – I Am Gujarat http://bit.ly/2VOzGty