અગાઉ ચૂંટણી લડવાની ના પાડી હતી હવે ‘સિંઘમ’ એ PMને આપી શુભેચ્છા,

અલગ અંદાજમાં શુભેચ્છા આપી

વડા પ્રધાન નરેન્દ્ર મોદીના નેતૃત્વમાં ભાજપની જીત થઈ છે. આ જીતના જશ્નમાં સૌ કોઈ મસ્ત છે એ પછી કોઈ સમર્થક હોય કે સેલિબ્રિટી. દરેક વ્યક્તિ સોશિયલ મીડિયા પર પીએમ મોદીને શુભેચ્છા આપી રહ્યો છે. આ યાદીમાં બોલિવૂડના સ્ટાર્સ પણ પાછળ નથી. બોલિવૂડના ‘સિંઘમ’ એટલે કે અજય દેવગને એક અલગ અંદાજમાં પીએમ મોદીને શુભેચ્છા આપી છે. અજય દેવગને ટ્વિટ કર્યું હતું કે, દેશની પ્રજાને ખબર છે કે, તેમના માટે સાચું શું છે. દેશની જનતાએ તેમની પસંદગી કોણ છે એ બતાવી દીધું છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

સોશિયલ મીડિયા પર અભિવ્યક્તિ

The country knows what is right for them and they have made their choice.@narendramodi

— Ajay Devgn (@ajaydevgn) May 23, 2019

અજય દેવગન ખૂબ ઓછું બોલતા સેલિબ્રિટીમાંથી એક છે. ભાજપની જંગી જીત બાત તેમણે પોતાની ખુશી સોશિયલ મીડિયા પર અભિવ્યક્ત કરી હતી. આ સિવાય બોલિવૂડના દંબગખાન સલમાનને પણ પીએમ મોદીને શુભેચ્છા આપી હતી. સલમાન ખાને ટ્વિટ કર્યુ હતું કે, પીએમ મોદીને શાનદાર જીત માટે ખૂબ ખૂબ શુભેચ્છા. ભારત દેશને વધુ મજબૂત બનાવવા માટે અમે તમારી સાથ ઊભા છીએ. સલમાન ખાન અને અજય દેવગન સિવાય સોફી ચૌધરી, વરુણ ધવન, હેમા માલિની સહિત અન્ય સેલિબ્રિટીઓએ પણ સોશિયલ મીડિયા પર ભાજપ અને પીએમ મોદીને શુભેચ્છા આપી હતી.

રાજકારણમાં કદી નહીં આવું

અજય દેવગનની ફિલ્મ ‘દે દે પ્યાર દે’ તાજેતરમાં જ રીલિઝ થઈ હતી. ફિલ્મ પ્રમોશન દરમિયાન અજય દેવગને જણાવ્યુ હતું કે, હું ક્યારેય રાજકારણમાં નહીં આવું. રાજ કારણ માટે હું ખૂબ શરમાળ છું. ભીડ વચ્ચે મને કંર્ફોટેબલ ફીલ થતું નથી. કેમેરા ભલે હું આરામથી ફેસ કરી લઉ પણ હું ખૂબ જ ઈન્ટ્રોવર્લ્ડ છું. આ વખતે ભાજપ, કોંગ્રેસ અને સપાની ટિકિટ પર અનેક સેલિબ્રિટીઓ ચૂંટણી લડ્યા હતા. ભાજપ તરફથી છ માંથી ચાર સેલિબ્રિટીએ જીત મેળવી છે. જ્યારે બે લોકોને કારમી હાર મળી છે.

વિજેતાઓ

ભાજપ તરફથી મથુરામાંથી હેમા માલિની, ગુરદાસપુરથી સની દેઓલ, રામપુરથી જયા પ્રદા, ગોરખપુરથી રવિ કિશન, આઝમગઢથી દિનેશલાલ યાદવ, દિલ્હીના ઉત્તર પૂર્વમાંથી મનોજ તિવારી ચૂંટણીના રણમેદાને હતા. જેમાંથી જયા પ્રદા અને દિનેશલાલ યાદવને બાદ કરતા તમામ ઉમેદવારોએ ભારે મતથી વિજય પ્રાપ્ત કર્યો છે. ભાજપની જીતથી પ્રજામાં ખુશીની લહેર જોવા મળી છે. જ્યારે સમર્થકો તથા કાર્યકર્તાઓ સેલિબ્રેશન કરી રહ્યા છે. આ ઐતિહાસિક જીત બાદ મોદીએ દિલ્હી ભાજપના હેડક્વાર્ટરથી પ્રજાને સંબોધી હતી અને પ્રજાનો આભાર માન્યો હતો.

 

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2W8IMXn