બકવાસ પોસ્ટર જોઈને આઘાત પામી ગયો ડિરેક્ટર, છોડી દીધી અક્ષય કુમારની ફિલ્મ

ડિરેક્ટરે છોડી ફિલ્મઃ

ફિલ્મમેકર રાઘવ લોરેન્સે અક્ષય કુમારની લક્ષ્મી બોમ્બ ફિલ્મ છોડી દીધી છે. શનિવારે ફિલ્મનો ફર્સ્ટ લૂક જાહેર થયો તેના ગણતરીના કલાકમાં રાઘવે આ નિર્ણય લીધો હતો. ત્યાર બાદ તેણે ટ્વીટર પર પણ પોતાના નિર્ણય અંગે ખુલાસો કર્યો હતો. ડિરેક્ટરે ટ્વીટર પર આવુ પગલુ લેવાના કારણો જણાવ્યા હતા. રાઘવે કહ્યું કે લક્ષ્મી બોમ્બના ડિરેક્ટર તરીકે ફિલ્મ છોડવા પાછળ અનેક કારણો છે. એમાંનું એક કારણ એ છે કે ફિલ્મનું પહેલુ પોસ્ટર તેની જાણબહાર રીલીઝ કરી દેવાયું હતું. ડિરેક્ટરે કહ્યું કે તેને ફિલ્મના પોસ્ટરની ડિઝાઈન પસંદ નહતી આવી.

હવે એક મેસેજ મોકલી WhatsApp પર મેળવો અમારા ન્યુઝ, Start કરવા અહીં ક્લિક કરો

ટ્વીટર પર કર્યો ખુલાસોઃ

Dear Friends and Fans..!I
In this world, more than money and fame, self-respect is the most important attribute to a person's character. So I have decided to step out of the project, #Laxmmibomb Hindi remake of Kanchana@akshaykumar
@RowdyGabbar @Advani_Kiara pic.twitter.com/MXSmY4uOgR

— Raghava Lawrence (@offl_Lawrence) May 18, 2019

ડિરેક્ટરે લખ્યું કે, “તામિલમાં કહેવત છે કે જે ઘરમાં માન ન મળે ત્યાં ન જવું જોઈએ. આ દુનિયામાં પૈસા અને ખ્યાતિ કરતા પણ આત્મ સન્માન વ્યક્તિના ચારિત્ર્યનો સૌથી અગત્યનો હિસ્સો છે. આથી મેં કંચનાની હિન્દી રિમેક કંચનાના ડિરેક્ટર પદ પરથી હટીજવાનો નિર્ણય કર્યો છે. મારે કારણ નથી કહેવું કારણ કે અનેક કારણો છે, તેમાંનું એક કારણ એ છે કે ફિલ્મનું પોસ્ટર મારી જાણ બહાર, મારી સાથે કોઈપણ ચર્ચા કર્યા વિના રીલીઝ કરાયું હતું. મને કોઈ ત્રીજી વ્યક્તિએ આ અંગે જાણ કરી હતી. ડિરેક્ટર માટે પોતાની ફિલ્મના રીલીઝની વાત કોઈ ત્રીજી વ્યક્તિ પાસેથી ખબર પડવી ખરેખર પીડાદાયક છે. મને એવું લાગે છે કે મારુ અપમાન થયું છે અને મને ખેદ છે. એક સર્જક તરીકે હું પોસ્ટરની ડિઝાઈનથી ખુશ નથી. આવું કોઈ ડિરેક્ટર સાથે ન થવું જોઈએ.”

સ્ક્રિપ્ટ આપવા તૈયારઃ

રાઘવે એમ પણ લખ્યું કે તે પ્રોડ્યુસર્સને પોતાની સ્ક્રિપ્ટ વાપરવા દેશે કારણ કે તે અક્ષય કુમારને માન આપે છે. આ સાથે તેણે કાસ્ટને ફિલ્મની સફળતા માટે શુભેચ્છા આપી હતી. તેણે વધુમાં કહ્યું, “મેં કોઈ એગ્રીમેન્ટ સાઈન નથી કર્યો એટલે હું મારી સ્ક્રિપ્ટ મારી પાસે રાખી શકું છું પરંતુ આ અનપ્રોફેશનલ હોવાથી હું આવું નહિ કરુ. હું મારી સ્ક્રિપ્ટ આપવા તૈયાર છું કારણ કે હું અક્ષય કુમારને ખૂબ જ માન આપુ છું. અને આ પ્રોજેક્ટમાંથી સારી રીતે હટી જવા માંગુ છું. આખી ટીમને શુભેચ્છા. હું આ મૂવીને સફળતાની શુભેચ્છા આપું છું.”

અક્ષયે શેર કર્યું હતું પોસ્ટરઃ

Bringing you one bomb of a story,#LaxmmiBomb starring @Advani_Kiara & yours truly!Bursting in cinemas on 5th June,2020
Fox Star Studios Presents
A Cape of Good Films Production in association with Shabinaa Entertainment & Tusshar Entertainment House
Directed by Raghava Lawrence pic.twitter.com/vlXyK4HkNE

— Akshay Kumar (@akshaykumar) May 18, 2019

શનિવારે અક્ષય કુમારે સોશિયલ મીડિયા પર ફિલ્મનું પ્રથમ પોસ્ટર રીલીઝ કર્યું હતું. જેમાં તે આંખમાં કાજલ કરતો જોવા મળે છે. આ ફિલ્મમાં કિયારા અડવાણી હીરોઈન છે અને ફિલ્મ 5 જૂન 2020ના રોજ રીલીઝ થવાની છે. તે સાઉથની સુપરહિટ કંચનાની હિન્દી રિમેક છે.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2WTTmgT