આંખના પલકારામાં જ ધોનીએ કરી સ્ટમ્પિંગ, બેટ્સમેનો પણ શું થયું સમજી ન શક્યા!

ચેન્નઈમાં જોવા મળ્યો ધોનીનો જલવો

ચેન્નઈમાં રમાયેલી IPL 2019ની 50મી મેચમાં મેજબાન ચેન્નઈ સુપર કિંગ્સ સામે દિલ્હી કેપિટલ્સની ટીમ હતી. આ મેચ પહેલા દિલ્હીની ટીમ પોઈન્ટ ટેબલમાં ટોચના સ્થાને હતી પરંતુ ચેન્નઈના કેપ્ટન ધોનીના મેદાન પર આવતા જ ‘મેન ઓફ ધ મેચ’નો એવોર્ડ જીત્યો. ધોનીએ પોતાની બેટિંગ, કેપ્ટનશિપ અને વિકેટકીપિંગ દ્વારા દિલ્હીની ટીમની કમર તોડી નાખી અને 80 રનથી જીત મેળવી.

ધોનીનો પહેલો શિકાર

રવિન્દ્ર જાડેજાની 12મી ઓવરમાં ચોથા બોલ પર ક્રિસ મોરિસ ફયાઈ ગયો હતો. જાડેજાની ફિરકીમાં ડિફેન્સિવ શોટ રમવાનો પ્રયાસ કર્યો પરંતુ બોલ સીધો ધોનીના હાથમાં જતો રહ્યો. બેટ્સમેન કંઈ પણ સમજી શકે તે પહેલા જ ધોનીએ સ્ટમ્પિંગ કરી નાખી. મોરિસે ક્રિઝ પરથી એક સેકન્ડ માટે પગ ઉઠાવ્યો હતો અને ધોનીએ પોતાનું કામ કરી દીધું. ટીવી રિપ્લેમાં જોતા ધોની સાચો હતો અને મોરિસ આઉટ થઈ ગયો.

માહીનો બીજો શિકાર

મોરિસની વિકેટ બાદ ઓવરના અંતિમ બોલે જાડેજા ફરી એવા બોલ નાખ્યો અને દિલ્હીના કેપ્ટન શ્રેયસ અય્યરને ફસાવી નાખ્યો. ટીવી રિપ્લેમાં દેખાયું કે માત્ર 0.16 સેકન્ડ માટે અય્યરનો પગ 1 સેમી ઉપર ઉઠ્યો હતો અને આ વચ્ચે જ ધોનીએ પોતાનું કામ કરી નાખ્યું.

પોઈન્ટ ટેબલમાં ચેન્નઈ ટોપ પર

ઉલ્લેખનીય છે કે ચેન્નઈ સુપરકિંગ્સના કેપ્ટન ધોની પાછલી મેચમાં બીમાર હોવાના કારણે મેદાન પર નહોતો ઉતરી શક્યો. પરંતુ બુધવારે રાત્રે આ તેમની અંતિમ લીગ મેચ હતી. એવામાં ધોની પોતાના ફેન્સને નિરાશ કેવી રીતે કરી શકે. પોઈન્ટ ટેબલમાં હાલ ચેન્નઈ, દિલ્હી, મુંબઈ અને હૈદરાબાદની ટીમ સૌથી ઉપર છે. જોવાનું રહેશે કે કોલકાતા નાઈટ રાઈડર્સ ટોપ-4માં સ્થાન મેળવવામાં સફળ રહે છે કે પછી આ ચાર ટીમો વચ્ચે જ પ્લે ઓફની જંગ થશે.

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat http://bit.ly/2ZRmYNR