ચેન્નાઈઃ આજે ચેન્નાઈ સુપરકિંગ્સ અને દિલ્હી કેપિટલ્સ વચ્ચે ચેન્નાઈમાં મેચ રમાઈ રહી હતી. દિલ્હીના કેપ્ટન શ્રેયસ અય્યરે ટોસ જીતીને પહેલા ફિલ્ડીંગ કરવાનું પસંદ કર્યું હતું. જોકે, તેનો આ નિર્ણય ખોટો સાબિત થયો હતો. પહેલા બેટિંગ કરવા ઉતરેલી ચેન્નાઈ સુપરકિંગ્સના બેટ્સમેનો લયમાં જોવા મળ્યા હતાં અને ધમાકેદાર બેટિંગ કરતા દિલ્હી કેપિટલ્સને 180નો ટાર્ગેટ આપ્યો હતો. 180ના પહાડ જેવા ટાર્ગેટને ચેઝ કરવા ઉતરેલી દિલ્હી સામે રાજસ્થાનના બોલર્સ ભારે પડ્યા હતા અને દિલ્હી કેપિટલ્સ માત્ર 99 રનમાં જ ઓલઆઉટ થઈ હતી.
હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો
ડબલ ફીગર પર ન પહોંચી શક્યા દિલ્હીના 9 બેટ્સમેન
180 રનના ટાર્ગેટને ચેઝ કરવા ઉતરેલી દિલ્હીની ટીમની શરુઆત નબળી રહી હતી. પૃથ્વી શૉ માત્ર ચાર રન કરીને પેવેલિયન ભેગો થયો હતો. જ્યારે આ પછી આવેલા બેટ્સમેન પણ સારો દેખાવ કરવામાં નિષ્ફળ રહ્યાં હતાં. રાજસ્થાનના બોલર્સ સામે દિલ્હીની ટીમની બેટિંગ લાઈનઅપ પત્તાના મહેલની જેમ ઢળી પડી હતી. દિલ્હીના 9 બેટ્સમેન ડબલ ફીગર પર પણ પહોંચી શક્યા નહોતા. દિલ્હી તરફથી એકમાત્ર ધવને 19 રન અને કેપ્ટન શ્રેયસ અય્યરે 44 રન બનાવ્યા હતાં.
જાડેજા-તાહિરનો તરખાટ
દિલ્હીની શરુઆત નબળી રહી હતી અને પૃથ્વી શૉની પહેલી વિકેટ ચહરે ખેરવી હતી. આ પછી જાડેજા અને તાહિર પણ રંગમાં જોવા મળ્યા હતાં. ઈમરાન તાહીરે 3.2 ઓવરમાં 12 રન આપીને ચાર વિકેટ ઝડપી હતી. રવિન્દ્ર જાડેજાએ પણ 3 ઓવરમાં 9 રન આપીને ત્રણ વિકેટ ઝડપી હતી. જ્યારે હરભજન સિંહ ચાર ઓવરમાં 28 રન આપીને સૌથી ખર્ચાળ બોલર સાબિત થયો હતો.
જોવા મળી ધોનીની ચિત્તા જેવી સ્ફૂર્તિ
ધોની માટે એવું કહેવાય છે કે જ્યારે તે સ્ટમ્પની પાછળ હોય છે ત્યારે બેટ્સમેનોએ ચેતવું જોઈએ. આ ઉક્તિ ધોનીએ આ મેચમાં સાચી કરી બતાવી હતી. આ મેચમાં ધોનીએ ત્રણ સ્ટમ્પિંગ કર્યા હતાં અને ચેન્નાઈને જીતાડવામાં મહત્વની ભૂમિકા ભજવી હતી. ધોનીએ શ્રેયસ અય્યર, ક્રિસ મોરિસ અને અમિત મિશ્રાનું સ્ટમ્પિંગ કર્યું હતું.
ચેન્નાઈની ધમાકેદાર બેટિંગ
ચેન્નાઈ સુપરકિંગ્સના બેટ્સમેન ફોર્મમાં જોવા મળ્યા હતાં. જોકે, ચેન્નાઈની શરુઆત નબળી રહી હતી. પહેલા બેટિંગ કરવા ઉતરેલી ચેન્નાઈને ચાર રને જ પહેલો ઝટકો લાગ્યો હતો. વોટ્સન નવ બોલમાં ઝીરો રન કરીને પેવેલિયન પરત ફર્યો હતો. આ પછી બેટિંગમાં આવેલા રૈનાએ પોતાનો કમાલ બતાવતા 37 બોલમાં 59 રન ઝૂડી કાઢ્યાં હતાં. જોકે તે પણ વોટ્સનની વિકેટ લેનાર સૂચિતનો શિકાર બન્યો હતો. આ પછી ફાફ ડૂ પ્લેસિસે પણ 39 બોલમાં 41 રન બનાવ્યાં હતાં. જોકે, ડૂ પ્લેસિસની વિકેટ પછી તેની જગ્યાએ બેટિંગમાં આવેલા કેપ્ટન મહેન્દ્ર સિંહ ધોનીના 22 બોલમાં 44 અને રવિન્દ્ર જાડેજાના 10 બોલમાં 25 રનની મદદથી ચેન્નાઈ દિલ્હીને 180 રનનો ટાર્ગેટ આપવામાં સફળ રહ્યું હતું.
ખર્ચાળ રહ્યા દિલ્હીના બોલર્સ
દિલ્હીના બોલર્સની હાલત ચેન્નાઈના બેટ્સમેનો સામે આકરી રહી હતી. ક્રિસ મોરિસ ચાર ઓવરમાં 47 રન આપીને સૌથી વધુ ખર્ચાળ બોલર સાબિત થયો હતો. જ્યારે બીજા નંબરે અક્ષર પટેલ રહ્યો હતો. જેણે 3 ઓવરમાં 31 રન આપ્યા હતાં. સૌથી વધુ સફળતા સૂચિતને મળી હતી. જેણે ચાર ઓવરમાં 28 રન આપીને વોટ્સન અને રૈનાની વિકેટ ઝડપી હતી.
from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat http://bit.ly/2UOKmba
No comments:
Post a Comment