એક્સપ્રેસ હાઈવે પર ટાયર ફાટતા ગાડીનો ભયાનક અકસ્માત, ચારનાં કમકમાટીભર્યા મોત

અમદાવાદ: વડોદરા-અમદાવાદ એક્સપ્રેસ હાઈવે પર આજે થયેલા એક ગમખ્વાર અકસ્માતમાં ચાર લોકોના મોત થયા છે, જ્યારે એકની હાલત ગંભીર છે. પ્રાપ્ત વિગતો અનુસાર, મુંબઈથી રાજસ્થાન જઈ રહેલા પાંચ યુવકો સ્વિફ્ટ ડિઝાયર કારમાં સવાર હતા. આ કારનું ટાયર ફાટતા ડ્રાઈવરે સ્ટિયરિંગ પરથી કાબૂ ગુમાવ્યો હતો અને કાર રેલિંગ તોડી ગરનાળામાં ખાબકી હતી.

હવે સીધા Whatsapp પર મેળવો મહત્વના ન્યૂઝ, શરુ કરવા ક્લિક કરો

ફતેહપુરા નજીક થયેલા આ અકસ્માતનો ભોગ બનનારા યુવકો મુંબઈમાં વેપારી હતા. મૂળ મુંબઈ પાસિંગની આ કાર અકસ્માત થયો ત્યારે એટલી સ્પીડમાં હતી કે ટાયર ફાટ્યાની ગણતરીની સેકન્ડોમાં જ તે રેલિંગ તોડીને નીચે પછડાઈ હતી. અકસ્માત એટલો ગંભીર હતો કે કારમાં સવાર ચાર લોકોનું પ્રાણપંખેરું ઘટનાસ્થળે જ ઉડી ગયું હતું, જ્યારે એક વ્યક્તિની હાલત હાલ ગંભીર ગણાવાઈ રહી છે.

નડિયાદથી થોડે દૂર થયેલા આ અકસ્માતમાં ગાડીના પણ ફુરચેફુરચા ઉડી ગયા. ઘટનાસ્થળે ભેગા થયેલા લોકોએ તાબડતોબ 108 બોલાવી હતી, પરંતુ ત્યાં સુધીમાં ચાર લોકોના મોત થઈ ચૂક્યા હતા. ઘાયલ તેમજ મૃતકોને નડિયાદ સિવિલ હોસ્પિટલ ખસેડવામાં આવ્યા હતા.

from Page Array – I Am Gujarat http://bit.ly/2VPHsYp