અડધી ભારતીય ટીમને પેવેલિયન ભેગી કરી હતી, ઑસ્ટ્રેલિયાની વર્લ્ડકપ ટીમમાં થયો શામેલ

જાય રિચર્ડસનને ઈજા, કેન રિચર્ડસન ઈન

ઈંગ્લેન્ડમાં 30મેથી શરૂ થવા જઈ રહેલા ક્રિકેટ વર્લ્ડ કપ પહેલા ઑસ્ટ્રેલિયન ટીમમાં ઘણા ફેરફાર થઈ રહ્યાં છે. 15 સભ્યોની વર્લ્ડકપ સ્ક્વૉડમાં શામેલ જાય રિચર્ડસન ઈજાને કારણે ટીમમાંથી બહાર થઈ ગયો છે. તે ખભા ઈન્જરીને કારણે વર્લ્ડકપમાં નહીં રમી શકે અને તેના સ્થાને ટીમમાં કેન રિચર્ડસનને ટીમમાં શામેલ કરવામાં આવ્યો છે. જણાવી દઈએ કે, ત્રણ વર્ષ પહેલા કેન રિચર્ડસને એક મેચમાં ભારતીય ટીમને અડધી ભારતીય ટીમને પેવેલિયન ભેગી કરી દીધી હતી.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

2013માં કર્યું હતું વન-ડે ડેબ્યૂ

28 વર્ષીય કેને 2013માં વન-ડે ક્રિકેટમાં ડેબ્યૂ કર્યું હતું પણ તેને 2016માં ભારત વિરુદ્ધ કરેલા શાનદાર પ્રદર્શનને કારણે યાદ કરવામાં આવે છે. ત્રણ વર્ષ પહેલા ભારતીય ટીમ પાંચ મેચની વન-ડે સિરીઝ રમવા ઑસ્ટ્રેલિયા ગઈ હતી, ત્યારે ભારતનો કેપ્ટન ધોની હતો. સીરિઝની ચોથી મેચ કેનબરામાં રમાઈ હતી. આ મેચમાં ઑસ્ટ્રેલિયાએ ભારતને 349 રનનો ટાર્ગેટ આપ્યો હતો અને એક સમયે લાગતું હતું કે ભારત આસાની જીતી જશે કારણ કે, શિખર ધવન અને વિરાટ કોહલીએ શાનદાર સદીઓ ફટકારી હતી.

ધવન-કોહલીની સદીઓ છતાં હાર્યું ભારત

વિરાટ ટીમને જીત તરફ દોરી રહ્યો હતો એવામાં રિચર્ડસને તેને 106 રનના સ્કોર પર આઉટ કરી દીધો. બાદમાં તો તેણે વિકેટોની વણઝાર લગાવી દીધી. તેણે મેચમાં પાંચ વિકેટો ઝડપી અને ભારત 25 રનથી મેચ હારી ગયું. કેન 6 વર્ષના પોતાના કરિયરમાં માત્ર 20 વન-ડે રમ્યો છે જેમાં તેણે 29 વિકેટો ઝડપી છે. ભારત સામે ઝડપેલી પાંચ વિકેટ તેનું શ્રેષ્ઠ પ્રદર્શન છે.

ભારત વિરુદ્ધ સૌથી સારો રેકોર્ડ

કેન રિચર્ડસનનો ભારત સામેનો રેકોર્ડ ઘણો સારો રહ્યો છે. તેણે અત્યાર સુધી ભારત સામે રમેલી છ મેચમાં 13 વિકેટો ઝડપી છે. આવામાં વર્લ્ડકપમાં પણ આ બોલરથી ભારતીય બેટ્સમેનોએ ચેતવું પડશે.

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat http://bit.ly/2J7KIYS