લાંબા સમય પછી હવે એક પછી એક મસ્ત ગુજરાતી ફિલ્મો રીલીઝ થશે

ઢોલીવુડમાં શું ચાલી રહ્યું છે?

ઢોલીવુડ માટે 2019ના વર્ષની શરૂઆત ઘણી સારી થઈ હતી. જાન્યુઆરીમાં ગુજરાતી સિનેમાની પહેલી સાઈ-ફાઈ શોર્ટ સર્કિટ રીલીઝ થઈ હતી. ત્યાર પછી સાહેબ, ચાલ જીવી લઈએ અને તુ છે નેએ પણ દર્શકોને આકર્ષ્યા હતા. એમાંથી ચાલ જીવી લઈએ તો ગુજરાતી સિનેમાની અત્યાર સુધીની સફળતમ ફિલ્મોની યાદીમાં શામેલ થઈ ગઈ છે. આ ફિલ્મોની સફળતાથી ગુજરાતી ફિલ્મ ઈન્ડસ્ટ્રીમાં કંઈ નવું કરવાનો જુસ્સો આવ્યો છે. IPL, લોકસભાની ચૂંટણી, આચારસંહિતા, બોર્ડની પરીક્ષા અને આકરા ઉનાળાને કારણે છેલ્લા ઘણા સમયથી કોઈ મોટી ગુજરાતી ફિલ્મ રીલીઝ નથી થઈ. પરંતુ તમને જણાવી દઈએ કે હવે ગુજરાતી ફિલ્મ ઈન્ડસ્ટ્રી અનેક નવા પ્રોજેક્ટ્સ લઈને આવી રહી છે. નવી ફિલ્મો રીલીઝ કરવાની તારીખ ફાઈનલ થઈ ગઈ છે અને ઘણી ફિલ્મોને ઈન્ટરનેશનલ ફિલ્મ ફેસ્ટિવલમાં પણ સ્થાન મળી રહ્યું છે. છેલ્લા થોડા સમયથી ઢોલીવુડમાં સુસ્તી હતી પરંતુ હવે દર્શકોને હટકે સ્ટોરી સાથે નવી નવી ફિલ્મો જાવા મળશે. ફિલ્મની પ્રોડક્શન ક્વોલિટીમાં પણ તમને ફરક મહેસૂસ થશે.

હવે એક મેસેજ મોકલી WhatsApp પર મેળવો અમારા ન્યુઝ, Start કરવા અહીં ક્લિક કરો

ટાઈટ શિડ્યુલઃ

ખેલાડીના જીવન પર બાયોપિક બનાવી રહેલા સુરેશ બિશ્નોઈએ જણઆવ્યું, “અમારી ફિલ્મ એવા નવ વર્ષના બાળક વિષે છે જે કોરિયાના તાએકવોંડોમાં સબ જુનિયર માર્શલ આર્ટ્સમાં નેશનલ ગોલ્ડ વિનર બને છે. ફિલ્મમાં આપણી સ્ત્રીઓના દૃઢ મનોબળની પણ વાત છે.” મલ્હાર ઠાકરે પણ છ મહિનાના બ્રેક પછી નીરજ જોશી સાથે શૂટિંગ શરૂ કર્યું છે. તેણે કહ્યું, “આપણે શિક્ષણ પર તો ફિલ્મો બનાવી છે પરંતુ મારો લેટેસ્ટ પ્રોજેક્ટ છે તેમાં અમે શિક્ષકો પર ફોકસ કર્યું છે અને એસ્ટ્રોફિઝિક્સ જેવા નવા વિષયને આવરી લીધો છે.”

આર્થિક મજબૂતી આવીઃ

છેલ્લા થોડા સમયથી ચૂંટણીને કારણે ઈન્ડસ્ટ્રીમાં મંદી હતી. આઉટડોર શૂટ માટે પરવાનગી મળવી મુશ્કેલ હતી. આથી વિશેષ આકરા તાપને કારણે પણ બહાર શૂટ કરવું મુશ્કેલ હતું. દીક્ષા જોશી અને પ્રતીક ગાંધી સાથેની ફિલ્મનું શૂટિંગ હાલમાં જ પૂરુ કરનાર ફિલ્મમેકર અનિશ શાહ જણાવે છે, “આર્થિક કટોકટી સહિત બીજા અનેક કારણો છે. આ સમસ્યાઓ હવે દૂર કરી દેવાઈ છે. અમે ફિલ્મની પ્રોસેસ લગભગ પૂરી કરી દીધી છે. અણે ફિલ્મ ઈન્ટરનેશનલ ફિલ્મ ફેસ્ટિવલમાં બતાવવા તૈયાર છીએ. અમે બેકગ્રાઉન્ડ સ્કોર પર કામ કરી રહ્યા છીએ અને ફિલ્મ ટૂંક જ સમયમાં વિવિધ ફિલ્મ ફેસ્ટિવલ માટે અને આ વર્ષે રીલીઝ માટે તૈયાર થઈ જશે.”

ચૂંટણીને કારણે અટક્યા શૂટિંગઃ

ડેઈઝી સાથે શૂટિંગનું શિડ્યુલ મોડું પડવા બદલ પ્રતીક ગાંધીએ જણાવ્યું, “ચૂંટણીની પ્રક્રિયા ચાલુ થઈ ત્યાં સુધી બધુ બરાબર હતું. છેલ્લી ઘડીએ વડોદરા અને અમદાવાદના સ્ટેડિયમ પર શૂટિંગ કેન્સલ થયું હતું. આથી અમારે આખું શિડ્યુલ પૂરુ કરવાનુંહજુ બાકી છે.”

હવે ધડાધડ રીલીઝ થશે ફિલ્મોઃ

હવેનો સમય ઢોલીવુડ માટે ‘એક્શન ટાઈમ’ હશે. એક્ટર્સ અને ફિલ્મ મેકર્સ ઈન્ટરનેશનલ ફિલ્મ ફેસ્ટિવલમાં ભાગ લઈ રહ્યા છે, નવી ફિલ્મના શૂટ શરુ કરી રહ્યા છે અને ફિલ્મનું પ્રમોશન પણ કરી રહ્યા છે. એક્ટર તુષાર સાધ બે અઠવાડિયામાં ત્રણ ફિલ્મનું શૂટિંગ શરૂ કરશે. તે જણાવે છે, “રતનપુર પછી હું ફરી વિપુર શર્મા સાથે કામ કરીશ. અમે સ્ટોરીલાઈન પર કામ કરી રહ્યા છીએ જેથી ઓડિયન્સ સાથે જોડાઈ શકીએ.” એક્ટર ઓજસ રાવલે જણાવ્યું, “હું મારી નેક્સ્ટ ગુજરાતી ફિલ્મના પ્રમોશન દરમિયાન મારા બધા જ ફેન્સ અને ફોલોઅર્સને મળીશ. ઈન્ડસ્ટ્રીમાં જે ગણગણાટ ચાલી રહ્યો છે તે જોતા હવેનો સમય હવે માત્ર વ્યસ્તતાનો રહેવાનો છે.”

from Dhollywood News in Gujarati: Latest Dhollywood News, Read Breaking Dhollywood News – Page Array – I Am Gujarat http://bit.ly/2WYupB8
via IFTTT