આજે પણ સફેદ શર્ટ છે ભારતીયોની પહેલી પસંદ, દર વર્ષે વધે છે ડિમાન્ડ

સફેદ શર્ટનો કોઈ જોડ નથીઃ

ઋતાંકર મુખર્જી, સાગર માલવીય, કલકત્તા-મુંબઈઃ ચમકદાર, દરેક પ્રસંગ માટે યોગ્ય અને હંમેશા ચલણમાં રહેતા સફેદ શર્ટનો કોઈ જોડ નથી. એક તરફ ફોર્મલ અને સેમિ ફોર્મલ કપડાની ખરીદી ઘટી રહી છે ત્યારે સફેદ શર્ટનો ટ્રેન્ડ ખતમ થવાનું નામ નથી લેતો. ફોર્મલ વેરનું વેચાણ 2-3 ટકા નબળુ પડી ગયું છે પરંતુ સફેદ શર્ટનો વાર્ષિક ગ્રોથ છેલ્લા ત્રણ વર્ષથી 18-20 ટકા જેટલો છે. રિટેલર્સનું કહેવું છે કે પુરુષો માટે સફેદ શર્ટ એટલો જરૂરી છે જેટલો મહિલાઓ માટે બ્લેક ડ્રેસ.

હવે એક મેસેજ મોકલી WhatsApp પર મેળવો અમારા ન્યુઝ, Start કરવા અહીં ક્લિક કરો

20 ટકા વેચાણઃ

શોપર્સ સ્ટોપમાં વેચાતા કુલ શર્ટ્સમાંથી 20 ટકા સફેદ શર્ટ હોય છે. રેમન્ડે ગયા વર્ષે 11 લાખ સફેદ શર્ટ વેચ્યા હતા. કંપનીએ સફેદ શર્ટ માટે પોતાના સ્ટોરમાં એક અલગ ખૂણો ફાળવ્યો છે. એમેઝોન પર સફેદ શર્ટની લગભગ 200 બ્રાન્ડ્સ લિસ્ટેડ છે જે બીજી કોઈ પ્રોડક્ટ કેટેગરી કરતા વધારે છે. શોપર્સ સ્ટોપના પ્રેસિડન્ટ ઑફ બ્રાન્ડ્સ નીરજ નાગપાલે જણાવ્યું, “પુરુષોની ફેશનની વાત થાય તો અમુક ચીજો એવી છે જે પુરુષ પાસે હોવી જોઈએ. સફેદ શર્ટ એક આવી જ ચીજ છે. તે કોઈપણ સીઝનમાં પહેરી શકાય.”

સફેદ શર્ટ પહેરવાથી થાય છે ફાયદોઃ

કંપનીઓ સફેદ શર્ટને જુદી જુદી ખૂબીઓ સાથે વેચે છે. તેમનો દાવો છે કે આ શર્ટ બેક્ટેરિયા અને અલ્ટ્રા વાયોલેટ કિરણોથી બચાવે છે. એમેઝોન ફેશનના બિઝનેસ હેડ અરૂણ એસે જણાવ્યું કે બેંગલોર, એનસીઆર, મુંબઈ, પુણે અને હૈદ્રાબાદમાં 80 ટકાના ગ્રોથ સાથે સફેદ શર્ટ સૌથી ઝડપથી વેચાતી પ્રોડક્ટ બની ગયો છે. તેમણે કહ્યું, “સફેદ શર્ટને સવારથી લઈ સાંજ સુધી ગમે ત્યારે પહેરી શકાય છે.” એચ એન્ડ એમ, ઝારા, બેનેટન જેવી બ્રાન્ડ્સના પ્રિન્ટેડ શર્ટનું છેલ્લા થોડા વર્ષોમાં ચલણ વધ્યું છે જો કે માર્કેટર્સનું કહેવું છે કે યુવાન એક્ઝિક્યુટિવ્ઝ અને નાની ઉંમરના લોકોને પણ સફેદ શર્ટ પસંદ છે.

યુવા પેઢીને પણ છે પસંદઃ

રેમન્ડ અપેરલના ચીફ ઓપરેટિંગ ઑફિસર સુમન સાહાએ જણાવ્યું, “સ્ટાર્ટઅપ કલ્ચરને કારણે ઑફિસોના રંગ ઢંગમાં પરિવર્તન આવ્યું છે. નવી પેઢી પ્રયોગો કરે છે પરંતુ સફેદ શર્ટ વર્સેટાઈલ ઓપ્શન છે.” લાઈફસ્ટાઈલ ઈન્ટરનેશનલના મેનેજિંગ ડાયરેક્ટર વસંત કુમારે જણાવ્યું કે બ્રાન્ડસને લાગે છે કે બેસ્ટ ફોર્મલ વેર ક્લાસમાં વ્હાઈટ શર્ટ હોવા જોઈએ. તેમણે કહ્યું કે આ માત્ર વેચાણ વધારવા માટે નથી. પ્રીમિયમ સેગમેન્ટમાં પણ વ્હાઈટ શર્ટનું એકચક્રી શાસન છે. આ માટે જ વ્હાઈટ શર્ટને અલ્ટીમેટ સિમ્બોલ માનવામાં આવે છે.

from Page Array – I Am Gujarat http://bit.ly/2VhpNnT