લોન લઈને ડ્રીમ વેકેશનનું સપનું સાકાર કરનારાઓની સંખ્યામાં ઉછાળો

69320952

અનુમેહા ચતુર્વેદી

નવી દિલ્હી: જગતભરની સફર કરવા માંગતી યુવાપેઢીમાં ટ્રાવેલ લોન લેવાનું પ્રમાણ ઝડપથી વધી રહ્યું છે. ભારતના પ્રવાસીઓ ‘ગેમ ઓફ થ્રોન્સ’ના સેટની મુલાકાત લેવા અથવા તો પતાયામાં સ્કાયડાઇવિંગનું સ્વપ્ન પૂરું કરવા માટે લોન લઈને બજેટની વ્યવસ્થા કરી રહ્યા છે. પ્રવાસીઓ ₹30,000થી લઈને ₹2,50,000 સુધીની ટ્રાવેલ લોન લઈ રહ્યા છે.

થોમસ કૂક અને કોક્સ & કિંગ્સ જેવી ટ્રાવેલ કંપનીઓ કેટલાક સમયથી ગ્રાહકોને હોલિડે માટે લોનની ઓફર કરે છે જ્યારે ટૂર ઓપરેટર્સ જણાવે છે કે, યુવા પ્રવાસીઓની સંખ્યા વધવાથી અને બધું જ ઓનલાઇન થતું હોવાથી હોલિડે લોનનો ટ્રેન્ડ જોર પકડી રહ્યો છે. આને કારણે ડિજિટલ સ્ટાર્ટઅપને વેગ મળ્યો છે. પેટીએમ અને બિગબ્રેક્સ સહિતની સ્ટાર્ટઅપ્સ તો છેલ્લા કેટલાક મહિનાથી ગ્રાહકોને EMI સુવિધા પણ ઓફર કરવા લાગી છે.

ટ્રાવેલ એજન્ટ અને ગ્રાહક કેટલું જોખમ લઈ શકે છે તેના આધારે 18 મહિના સુધીની લોન માટે 9 ટકાથી 13 ટકા વ્યાજદર લાગે છે અને કેટલાક કેસમાં તો શૂન્ય ટકાએ પણ લોન મળે છે.

છ મહિના પહેલાં ટ્રાવેલ લોનની ઓફર શરૂ કરનારી ગુડગાંવ સ્થિત સ્ટાર્ટઅપ SanKashને હવે દરરોજ 100 લોન રિક્વેસ્ટ મળી રહી છે. “લોન મળતી હોવાથી
ગ્રાહકો ડોમેસ્ટિક ટૂરને સ્થાને ઇન્ટરનેશનલ ટ્રાવેલ પ્લાન બનાવે છે અને એશિયાને સ્થાને યુરોપની ટ્રિપ નક્કી કરે છે.

લોનને કારણે લોકો તેમની ઇચ્છા મુજબનું વેકેશન માણી શકે છે.” એમ SanKashના સહ-સ્થાપક આકાશ દહિયાએ કહ્યું હતું. “એગ્રીગેટર ભાગીદારીને કારણે દેશભરમાં અમારા પાર્ટનર્સની સંખ્યા 1,000એ પહોંચી છે અને આવતા વર્ષ સુધીમાં 10,000એ પહોંચાડવાની અમારી યોજના છે.” SanKashએ એપોલો ફિનવેસ્ટ અને DMI ફાઇનાન્સ જેવી NBFCs સાથે ભાગીદારી કરી છે.

ટાટા કેપિટલ અને બજાજ ફાઇનાન્સ સિવાય SanKash સાથે કામ કરતી કંપની થોમસ કૂકે ‘હોલિડે બાસ્કેટ’ નામની પ્રોડક્ટ લોન્ચ કરી છે, જેને ખરીદીને મધ્યમ વર્ગનો ભારતીય પ્રવાસી અગાઉથી નક્કી કરેલા વિકલ્પો માટે પહેલેથી લોન લઈને બે વર્ષમાં બે ઓવરસીઝ અને બે ડોમેસ્ટિક ટ્રિપની મજા માણી શકે છે.

થોમસ કૂક જણાવે છે કે, લોન લીધી હોવાથી પ્રવાસીઓએ આકસ્મિક મુશ્કેલીઓનો સામનો કરવો પડતો નથી અને અચાનક વધી જતા ભાવની સમસ્યા પણ તેને કનડતી નથી. જેમ કે, તાજેતરમાં જેટ એરવેઝ બંધ થઈ જવાથી હવાઈ ભાડાંમાં તીવ્ર વધારો થઈ ગયો હતો અને ઘણા પ્રવાસીઓની યોજના પર પાણી ફરી વળ્યું હતું.

થોમસ કૂકના પ્રેસિડન્ટ અને ગ્રૂપ હેડ (માર્કેટિંગ, સર્વિસ ક્વોલિટી, વેલ્યૂ એડેડ સર્વિસિસ અને ઇનોવેશન) અબ્રાહમ અલાપટ્ટ કહે છે કે, “ટ્રાવેલ લોનની ઇન્ક્વાયરી કરનારા લોકોની સંખ્યામાં છેલ્લાં કેટલાંક વર્ષોમાં આક્રમક વૃદ્ધિ જોવા મળી છે. લોકોને હવે પ્રત્યેક પ્રોડક્ટ અને સર્વિસિસ માટે લોન લેવાની આદત પડી રહી છે. જેમ જેમ યુવા ગ્રાહકો વધતા જાય છે તેમ તેમ લોનનું પ્રમાણ વધી રહ્યું છે અને હવે વેકેશન માટે પણ લોન લેવાનું ચલણ વધ્યું છે.”

કોક્સ & કિંગ્સને ત્યાંથી ફરવા જતા 12 ટકા પ્રવાસીઓ લોનનો વિકલ્પ પસંદ કરે છે જેની સંખ્યા બે-ત્રણ વર્ષ પહેલાં માત્ર પાંચ ટકા જ હતી. આ કંપનીના રિલેશનશિપ્સ હેડ કરણ આનંદ જણાવે છે કે, “આની પાછળ કેટલાંક કારણો છે.

હવે બેન્કો હોલિડે માટે પણ સરળતાથી લોન આપી દે છે. સામાન્ય રીતે, જે વ્યક્તિ હોલિડે પેકેજ પાછળ ₹50,000 કરતાં વધારે ખર્ચ કરી શકે એમ હોય તે હોલિડે લોનનો વિકલ્પ અપનાવે છે. તેમના ટૂર પેકેજ ચોક્કસ હોતાં નથી. આવા લોકો હોલિડે માટે ખર્ચ કરવામાં કરકસર કરવામાં માનતા નથી.”

from Page Array – I Am Gujarat http://bit.ly/2JPwAU0