લગ્નની લાલચ આપી આ ટેલિવુડ એક્ટરે યુવતી પર આચર્યું દુષ્કર્મ, પોલીસે કરી ધરપકડ

આરોપી એક્ટરની ધરપકડ

ફેમસ ટીવી શો ‘જસ્સી જેસી કોઈ નહી’માં જોવા મળેલા એક્ટર કરણ ઓબેરોયની રેપ કેસમાં મુંબઈ પોલીસે ધરપકડ કરી છે. ન્યૂઝ એજન્સી ANIએ ટ્વીટ કરી કરણ ઓબેરોયની ધરપકડ કરાઈ હોવાની માહિતી આપી છે. કરણ પર મહિલા પર દુષ્કર્મ આચર્યા બાદ બ્લેકમેલ કરવાનો આરોપ છે. મુંબઈના ઓશિવારા પોલીસ સ્ટેશનમાં કલમ 376 (રેપ) અને 384 (પૈસા વસૂલવા, ધમકી આપવી) અંતર્ગત ગુનો નોંધવામાં આવ્યો છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

લગ્નની લાલચ આપી આચર્યું દુષ્કર્મ

પોલીસના જણાવ્યા પ્રમાણે કરણે લગ્નની લાલચ આપી મહિલા સાથે દુષ્કર્મ આચર્યું હતું. ફરિયાદમાં મહિલાએ આરોપ લગાવ્યો હતો કે કરણે મહિલા સાથે દુષ્કર્મ આચરી તેની આ કરતૂતને કેમેરામાં કેદ કરી લીધી હતી. એક્ટરે પીડિતાને બ્લેકમેલ કરી પૈસાની વસૂલાત કરી હતી. કરણે પીડિત મહિલાને ધમકાવી કહ્યું હતું કે જો તે પૈસા નહીં આપે તો તે આ વીડિયો સોશિયલ મીડિયામાં વાયરલ કરી દેશે.

એક્ટરે વીડિયો ક્લિપ પણ ઉતારી

મહિલાએ નોંધાવેલી ફરિયાદ પ્રમાણે, બંનેની મુલાકાત એક ડેટિંગ એપ પર થઈ હતી. ધીમે-ધીમે બંનેએ મળવાનું શરૂ કર્યું હતું. આ બાદ મહિલાએ જણાવ્યું કે એક્ટરે તેને તેના ઘરે બોલાવી હતી અને ત્યાં તેની સાથે લગ્ન કરવાની વાત કરી હતી. સાથે જ આરોપ લગાવતા કહ્યું કે કથિત રીતે તેણે તેને નારિયેળ પાણી પીવડાવ્યું હતું અને બાદમાં તે બેભાન થઈ ગઈ હતી. મહિલાએ કહ્યું કે આ દરમિયાન આરોપીએ તેની સાથે બળાત્કાર કર્યો અને ફોન દ્વારા વીડિયો ક્લિપ ઉતારી લીધી.

‘જસ્સી જૈસી કોઈ નહીં’માં જોવા મળ્યો હતો એક્ટર

કરણ ઓબેરોય છેલ્લે અમેઝોન પ્રાઈમની વેબ સીરિઝ ‘ઈનસાઈડ એજ’માં જોવા મળ્યો હતો. કરણ ઓબેરોયે 1995માં સીરિયલ સ્વાભિમાનથી પોતાના કરિયરની શરૂઆત કરી હતી. આ બાદ તે જસ્સી જેસી કોઈ નહીં અને ઝિંદગી બદલ શકતી હૈ જેવા શોમાં પણ જોવા મળ્યો હતો.

એક્ટર હોવાની સાથે-સાથે સિંગર પણ છે

કરણ ઓબેરોય એક્ટર હોવાની સાથે-સાથે એન્કર અને સિંગર પણ છે. માહિતી પ્રમાણે કરણ ઓબેરોયનું ટીવી એક્ટ્રેસ મોના સિંહ સાથે અફેર હતું. બંનેની મુલાકાત વર્ષ 2006માં થઈ હતી.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2DMWX8X