હૈદરાબાદઃ જ્યારે પ્લેનમાં જ કરાવવામાં આવી મહિલાની ડિલિવરી

પ્લેન ભારતના આકાશમાં ઉડતું હતું અને અચાનક પ્રસવ પીડા ઉપડી

હૈદરાબાદઃ ભારતના આકાશમાંથી પસાર થઈ રહેલી એક ઈન્ટરનેશનલ ફ્લાઇટમાં મહિલાને અચાનક પ્રસવી પીડા ઉપડતા ફ્લાઇટને હૈદરાબાદ ઇન્ટરનેશનલ એરપોર્ટ પર ઇમર્જન્સી લેન્ડ કરવામાં આવી હતી. જે બાદ મહિલાએ હૈદરાબાદના ઇન્ટરનેશનલ એરપોર્ટ પર રનવે પર જ ઉભી રહેલી ફ્લાટમાં બાળકને જન્મ આપ્યો હતો. વિગત મુજબ મહિલાને પ્રસવ પીડા ઉપડતા ફ્લાઇટના ઇમરજન્સી લેન્ડિંગ માટે મંજૂરી માગવામાં આવી.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

હૈદરાબાદ એરપોર્ટ પર કરાયું ઈમરજન્સી લેન્ડિંગ

જોકે ફ્લાઇટ લેન્ડ થઈ અને રનવે થી આગળ પ્લેનના પાર્કિંગ એરિયામાં પહોંચી ત્યાં સુધીમાં મહિલાની સ્થિતિ ખૂબ જ ગંભીર થઈ ગઈ હતી. જ્યારે ડૉક્ટર્સને પહેલાથી સૂચના આપી રાખી હોવાથી હૈદરાબાદ અપોલો હોસ્પિટલની ડૉક્ટર્સની ટીમ એરપોર્ટ પર પહેલાથી હાજર રહી હતી જેમણે મહિલાને જોઈને હોસ્પિટલ સુધી લઈ જવાનું જોખમ ઉઠાવવાની ના પાડી હતી અને ત્યારબાદ મહિલાની ડિલિવરી પ્લેનમાં જ કરાવવામાં આવી.

ડૉક્ટર્સની ટીમ તૈયાર હતી

આ ઘટના 8 મેની છે. ફ્લાઇટ ફિલિપિન્સથી મનીલા જઈ રહી હતી. આ ઇન્ટરનેશનલ ફ્લાઇટમાં પ્રવાસ કરી રહેલી ગર્ભવતી મહિલાને અચાનક પ્રસવ પીડા ઉપડી હતી. જેની જાણ ફ્લાઈટ અટેન્ડન્ટને કરતા તેણે પાઇલટને માહિતગાર કર્યા હતા. જે બાદ ફ્લાઇટને ઈમર્જન્સી લેન્ડિંગ માટે હૈદરાબાદ એરપોર્ટ તરફ વાળવામાં આવી હતી. મહિલાની સ્થિતિની નાજુકતા ધ્યાને રાખી ફ્લાઇટ અટેન્ડન્ટ દ્વારા મળેલી માહિતી અનુસાર પહેલાથી એરપોર્ટ ઓથોરિટીએ ડૉક્ટર્સની ટીમને તૈયાર રાખી હતી.

…પરંતુ સગર્ભાની સ્થિતિ જોતા ફ્લાઇટમાં જ કરાવ્યો બાળકનો જન્મ

એરપોર્ટ પહોંચેલી ડૉક્ટર્સની ટીમે ફ્લાઇટના અંદર જ મહિલાનો પ્રસવ કરાવ્યો હતો. ડૉક્ટર્સે કહ્યું કે મહિલાએ એક બાળકીને જન્મ આપ્યો છે અને હવે બાળકી તેમજ માતા બંને એકદમ સ્વસ્થ છે.અપોલો હોસ્પિટલ તરફથી જાહેર કરાયેલ પ્રેસ રીલિઝમાં કહેવામાં આવ્યું કે સુરક્ષાના કારણોસર તેમને ફ્લાઇટમાં સર્જિકલ બ્લેડ લઈ જવા દેવાની અનુમતી આપવામાં નહોતી આવી જેના કારણે બાળકીને જન્મ બાદ ગર્ભનાળ કાપવામાં આવી નહોતી.

મહિલા અને સંતાન બંનેનું આરોગ્ય સ્વસ્થ

જેથી ડિલિવરી બાદ મહિલા અને બાળકી બંનેને હોસ્પિટલમાં ભરતી કરવામાં આવ્યા હતા. અને હોસ્પિટલ પહોંચીને બાળકીની ગર્ભનાળા કાપવામાં આવી હતી. હાલ બંનેની સારવાર ચાલી રહી છે અને માતા તેમજ સંતાન બંને સ્વસ્થ સ્થિતિમાં છે. બંનેની સ્થિત નોર્મલ થતા હોસ્પિટલમાંથી તેમને રજા આપવામાં આવી હતી.

from Page Array – I Am Gujarat http://bit.ly/2VDMKa7