મુંબઈ: વોડાફોન આઇડિયા લિ.ની પેમેન્ટ્સ વોલેટ કંપની વોડાફોન M-પેસા લિ. (VMPL) તેના બિઝનેસને વચગાળા માટે એસોસિયેટ કંપની સાથે અથવા અન્ય થર્ડ પાર્ટી સાથે મર્જર કરવાની વિચારણા હાથ ધરી છે. કંપનીએ સાથે સાથે તેના પ્રિપેઇડ પેમેન્ટ ઇન્સ્ટ્રુમેન્ટ (PPI) લાયસન્સના એક્સ્ટેન્શન માટે RBI પાસે મંજૂરી પણ માંગી છે.
“VMPLએ અત્યારે તેના PPI લાયન્સના એક્સ્ટેન્શન માટે RBIને અરજી કરી છે તેમજ આ બિઝનેસને એસોસિયેટ એન્ટિટિ સાથે અથવા કોઈ થર્ડ પાર્ટી સાથે મર્જ કરવાના વિકલ્પની ચકાસણી હાથ ધરી છે” એમ વોડાફોન આઇડિયાએ તેના માર્ચ-’19 ક્વાર્ટરના પરિણામો દરમિયાન જણાવ્યું હતું.
વોડાફોન ઇન્ડિયા અને આઇડિયા ગ્રૂપના મર્જર બાદ અસ્તિત્વમાં આવેલી કંપની વોડાફોન આઇડિયા પાસે VMPLનો 100 ટકા હિસ્સો છે તેમજ આદિત્ય બિરલા આઇડિયા પેમેન્ટ્સ બેન્ક લિ.માં પણ તે 49 ટકા હિસ્સો ધરાવે છે, જેના કારણે RBIના ધારાધોરણોનો ભંગ થતો હોવાથી કંપનીએ આ હિલચાલ હાથ ધરી છે.
RBIના નિયમ પ્રમાણે, સમાન પ્રમોટર ગ્રૂપ (આ કેસમાં વોડાફોન આઇડિયા) એક કંપનીમાં પેમેન્ટ્સ બેન્કિંગ બિઝનેસ અને બીજી કંપનીમાં પ્રિપેઇડ પેમેન્ટ ઇન્સ્ટ્રુમેન્ટ (PPI) બિઝનેસ ચલાવી શકતી નથી.
“વિવિધ મંત્રણાઓના આધારે RBIએ પ્રારંભમાં તો આ બંને એન્ટિટિને 31 ડિસેમ્બર 2018 સુધી બિઝનેસ ચાલુ રાખવાની છૂટ આપી હતી અને બાદમાં તેને લંબાવીને 31 માર્ચ, 2019ની તારીખ આપી હતી. હવે PPI બિઝનેસને વધુ એક્સ્ટેન્શન આપવા માટે અમે RBI સાથે મંત્રણા કરી રહ્યાં છીએ તેમજ આ બિઝનેસના M&Aનો વિકલ્પ પણ ચકાસી રહ્યાં છીએ” એમ કંપનીએ જણાવ્યું હતું.
from Page Array – I Am Gujarat http://bit.ly/30p9IAw
No comments:
Post a Comment