મુંબઈ:ટાટા કેમિકલ્સે મીઠું, દાળ અને તેજાના સહિતનો કન્ઝ્યુ ફૂડ બિઝનેસ ડિમર્જ કરી ટાટા ગ્લોબલ બેવરેજિસને ટ્રાન્સફર કરવાનો નિર્ણય લીધો છે. સમાન બિઝનેસની ક્ષમતાનો લાભ મેળવવાની જૂથની વ્યૂહરચનાના ભાગરૂપે ફૂડ બિઝનેસના ડિમર્જરનો નિર્ણય લેવાયો છે. લગભગ ₹5,000 કરોડના મૂલ્યનો આ સોદો એપ્રિલ 2020 સુધીમાં પૂરો થવાનો અંદાજ છે.
ડિમર્જરની પ્રક્રિયા પૂરી થયા પછી ટાટા ગ્લોબલ બેવરેજિસનું નામ બદલીને ટાટા કન્ઝ્યુ પ્રોડક્ટ્સ કરવામાં આવશે. શેરધારકોને ટાટા કેમિકલ્સ (TCL)ના 100 શેર સામે ટાટા ગ્લોબલ બેવરેજિસ (TGBL)ના 114 શેર્સ મળશે. TCL વિશ્વની ત્રીજી સૌથી મોટી સોડા એશ કંપની છે. તેને ડિમર્જ્ડ ડિવિઝનમાંથી કુલ આવકનો 16 ટકા હિસ્સો અથવા ₹1,847 કરોડ મળે છે. TGBL પાસે ટેટલી, એટ ઓ’ક્લોક કોફી અને હિમાલયન બોટલ્ડ વોટર જેવી બ્રાન્ડ્સ છે. HUL પછી TGBL દેશની બીજા નંબરની ચા કંપની છે. ઉપરાંત, ભારતના સંગઠિત સોલ્ટ માર્કેટમાં તેનો હિસ્સો 50 ટકાથી પણ વધારે છે.
મર્જર પછીની સંયુક્ત કંપનીનું વાર્ષિક ટર્નઓવર લગભગ ₹9,099 કરોડ અને વ્યાજ, ટેક્સ, ઘસારા અને એમોર્ટાઇઝેશન પૂર્વેનો નફો (EBITDA) ₹1,154 કરોડ થવાનો અંદાજ છે. ટાટા સન્સના ચેરમેન એન ચંદ્રસેકરને જણાવ્યું હતું કે, “ટાટા કન્ઝ્યુ પ્રોડક્ટ્સ FMCG સેક્ટરના ફૂડ એન્ડ બેવરેજિસ સેગમેન્ટમાં અમારી હાજરીને વધુ મજબૂત બનાવશે. નવા કોમ્બિનેશન સાથે અમે ભારતીય ગ્રાહકોની વધતી જરૂરિયાતોને સંતોષવા વૃદ્ધિનું સારું પ્લેટફોર્મ તૈયાર કર્યું છે.”
ETએ સૌથી પહેલાં 3 સપ્ટેમ્બર 2018ના રોજ ટાટા જૂથના ફૂડ અને બેવરેજિસ બિઝનેસના મર્જરની શરતો નક્કી કરી હોવાના સમાચાર પ્રકાશિત કર્યા હતા. ચંદ્રસેકરને ફેબ્રુઆરી 2017માં ટાટા સન્સના ચેરમેનનો હોદ્દો સંભાળ્યો ત્યારથી ગ્રૂપ કંપનીઓમાં કોન્સોલિડેશનનું આ ત્રીજું ઉદાહરણ છે. ઉલ્લેખનીય છે કે, ટાટા કેમિકલ્સના ભાગ તરીકે ફૂડ સેગમેન્ટને કદમાં પૂરતા વિસ્તરણનો અવકાશ ન મળ્યો હોત. તેના માટે FMCG માર્કેટિંગ અને ડિસ્ટ્રિબ્યુશન જરૂરી હતું. વધુમાં TGBL પાસે FMCG ડીલર્સ માટે મોટો પ્રોડક્ટ પોર્ટફોલિયો અને વધુ સારી ડીલ્સ હશે. મોટો પડકાર મર્જરના અમલનો અને ત્યાર પછીની આક્રમક સ્ટ્રેટેજીનો રહેશે.
TGBLના બિઝનેસમાં ભારતીય બજારનો હિસ્સો 45 ટકા છે. એડલવાઇઝ સિક્યોરિટીઝના સિનિયર વાઇસ પ્રેસિડન્ટ અબનીશ રોયે જણાવ્યું હતું કે, “સોદો કાગળ પર સારો લાગે છે, પણ યોગ્ય અમલ જરૂરી છે. અન્ય કંપનીઓની તુલનામાં TGBLની કામગીરી ધીમી રહી છે.”
from Page Array – I Am Gujarat http://bit.ly/2VrSTkH
No comments:
Post a Comment