દીપિકા પાદુકોણ ફિલ્મો ઉપરાંત હવે દહીં વેચીને કરશે મોટી કમાણી

દીપિકાએ એપીગેમિયામાં કર્યું રોકાણ

બેંગલુરુ: બોલિવૂડ અભિનેત્રી દીપિકા પાદુકોણ રિટેલ કન્ઝુમરને ટાર્ગેટ કરતા સ્ટાર્ટઅપમાં ઘણી ચતુરાઈથી રોકાણ કરતી ઈન્વેસ્ટર તરીકે ઊભરી રહી છે. પાદુકોણ પરિવારની ઓફિસ દ્વારા સંચાલિત કે એ એન્ટરપ્રાઈઝ શરૂ કર્યાના 18 મહિનામાં તેણે ઓનલાઈન ફર્નિચર ભાડે આપતી કંપની ફર્લેન્કો અને બ્યૂટિ પ્રોડક્ટ વેચતી પર્પલેમાં રોકાણ કર્યું હતું. હવે, દીપિકા પાદુકોણે ડ્રમ ફૂડ્સ ઈન્ટરનેશનલ પ્રા. લિ.માં રોકાણ કર્યુ છે. આ કંપની ફ્લેવર્ડ યોગર્ટ (દહીં) બ્રાન્ડ એપીગેમિયાનું ઉત્પાદન કરે છે. જે એક ફ્રેન્ચ ફૂડ કંપની દનનની બ્રાન્ડ છે. સ્ટ્રેટેજિક ભાગીદારીના રૂપમાં દીપિકા આ બ્રાન્ડની જાહેરાત પણ કરશે. કંપનીએ જણાવ્યું કે, આ રોકાણનો ઉપયોગ ઉત્પાદનોના વિસ્તાર તેમજ નવા શહેરોમાં વેપાર શરૂ કરવામાં કરશે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

કોણ સંભાળે છે દીપિકાનું ઈન્વેસ્ટમેન્ટનું કામ?

મંત્રા (Myntra) સાથે મળીને પાદુકોણ પોતાની એપરલ બ્રાન્ડ ઓલ અબાઉટ યુ ચલાવે છે, તે સિવાય તેનું સ્ટાર્ટઅપમાં રોકાણ હજુ જાહેરમાં આવ્યું નથી. ભૂતપૂર્વ ઈન્વેસ્ટમેન્ટ બેંકર નીતિન કંચન કે એ એન્ટરપ્રાઈઝના સીઈઓ છે અને તેઓ દીપિકાના ઈન્વેસ્ટમેન્ટને મેનેજ કરવાનું કામ કરે છે.

દીપિકાની શું હોય છે સ્ટ્રેટેજી?

કંચનના કહેવા મુજબ, મોટી નેટવર્થ ધરાવનારા કે ફેમિલી ઓફિસોની જેમ ટિપિકલ ઈન્વેસ્ટમેન્ટ કરવાને બદલે દીપિકાનું રોકાણ રૂપિયા પૂરા પાડવા પૂરતું મર્યાદિત નથી. તેઓ કંપનીના સ્ટ્રેટેજિક નિર્ણયોમાં લેવામાં પણ મહત્વની ભૂમિકા ભજવે છે. જેમાં પાદુકોણ બ્રાન્ડને વિદેશમાં વસતા ભારતીયો સુધી પહોંચડાવાનું પણ સામેલ હોય છે. આગામી બે મહિનામાં કે એ એન્ટરપ્રાઈઝની યોજના બીજા કેટલાક રોકાણોની ડીલને ફાઈનલ કરવાની છે.

કેટલું રોકાણ કર્યું?

કંચને કહ્યું કે, ‘આ યુનિક બિઝનેસ દરખાસ્ત છે. અહીં માત્ર સેલિબ્રિટીના ચહેરાનો ઉપયોગ કરવાથી આગળ વધવાની યોજના છે. કંપનીઓને પાદુકોણની બ્રાન્ડ, પાદુકોણના રૂપિયા અને બિઝનેસની સમજણ શક્તિ મળશે. આ ત્રણે બાબતો એક જ જગ્યાએ મળે એવું તમને અન્ય કોઈ ફેમિલી ઓફિસ (રોકાણકારો)માં નહીં મળે.’ જોકે, તેમણે કેટલા રૂપિયાનું રોકાણ કરવામાં આવ્યું છે તે જણાવવાનો ઈનકાર કર્યો, પણ તેમણે કહ્યું કે, તે કરોડોની ગંભીર રમત છે.

દીપિકાની ભાગીદારી અંગે કંપનીનું શું કહેવું છે?

કંપનીના સ્ટેટમેન્ટમાં કહેવાયું છે કે, આ રોકાણ તાજેતરમાં જ સંપન્ન થયેલી સીરિઝ શી ફંડિંગ રાઉન્ડનો વિસ્તાર છે, જેમાં વ4લિનવેસ્ટ, ડેનન મેનીફેસ્ટો વેન્ચર્સ અને ડીએસી કન્ઝુમર પાર્ટનર્સે ભાગ લીધો હતો. 2015માં લોન્ચ કરાયેલું એપીગેમિયા હાલમાં 20 સ્ટોક યૂનિટના રૂપમાં ગ્રીક યોગર્ટ, આર્ટિસનલ દહીં, સ્નેક પેક, મિષ્ઠી દહીં અને સ્મૂદીઝમાં ઉપલબ્ધ છે.

શું છે કંપનીની યોજના?

ફ્લેવર્ડ યોગર્ટ બ્રાન્ડ એપીગેમિયા હાલમાં 10,000 આઉટલેટ્સ પર ઉપલબ્ધ છે અને કંપનીનું લક્ષ્ય આગામી કેટલાક વર્ષોમાં તેની સંખ્યા વધારીને 50,000 કરવાની છે. એપીગેમિયાના સહ-સંસ્થાપક રોહન મીરચંદાનીએ કહ્યું કે, એપીગેમિયા પરિવારમાં દીપિકાનું સ્વાગત એક ભાગીદર અને એક શેરધારક રીતે કરતા અમે ઘણા ખુશ છીએ. ભારતના સ્વાસ્થ્ય પ્રત્યે સજાગ યુવાનો વચ્ચે દીપિકાની પહોંચ બ્રાન્ડને આગામી સ્તર પર લઈ જવામાં મદદ કરશે.

દીપિકાએ શું કહ્યું?

પોતાની નવી ભાગીદારી પર બોલતા દીપિકાએ કહ્યું કે, એપીગેમિયા પરિવાર સાથે જોડાઈને હું ઘણી ખુશ છું. હું આ પ્રોડક્ટને પસંદ કરવા ઉપરાંત બ્રાન્ડની ફિલોસોફીથી પણ ઘણી વધારે એડેચમેન્ટ અનુભવ કરું છું. વિસ્તાર માટે ટીમ પાસે ઘણી મોટી યોજના છે અને હું નજીકથી જોડાવા પર ઘણી ઉત્સાહિત છું.

(PTIના ઈનપુટ સાથે)

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2WSePXu