ભાત ખાવાથી સ્થૂળતા ઘટેઃ
સામાન્ય રીતે એવી માન્યતા છે ભાત ખાવાથી વજન વધે. પરંતુ તાજેતરનું એક રિસર્ચ દર્શાવે છે કે જે દેશોમાં વધુ ભાત ખવાય છે તે દેશોમાં સ્થૂળતાનું પ્રમાણ ભાત ન ખાતા દેશો કરતા ઓછું છે. આ સંશોધનમાં દેશના લોકોની લાઈફસ્ટાઈલ અને સોશિયોઈકોનોમિક રિસ્કને પણ ધ્યાનમાં લેવાયા હતા. આ સાથે તેમની દિવસમાં કેટલી ઉર્જા વપરાય છે, ભણતર, સ્મોકિંગ, જીડીપી વગેરે બાબતોને ધ્યાનમાં લેવાઈ હતી.
હવે એક મેસેજ મોકલી WhatsApp પર મેળવો અમારા ન્યુઝ, Start કરવા અહીં ક્લિક કરો
આ દેશોમાં ઓછી છે સ્થૂળતાઃ
સંશોધનમાં જણાવ્યા મુજબ ભાત ખાવાથી આખી દુનિયામાં સ્થૂળતાના કેસમાં 1 ટકા જેટલો ધરખમ ઘટાડો કરી શકાય છે. સંશોધન તોમોકો ઈમાઈએ જણાવ્યું, “સંશોધન જણાવે છે કે ભાત ખાતા દેશોમાં સ્થૂળતાનો દર નીચો છે. આથી જાપાનીઝ ફૂડ કે ભાત આધારિત એશિયન ફૂડ સ્થૂળતા ઘટાડવામાં મદદ કરે છે. આખી દુનિયામાં જે રીતે સ્થૂળતાના કેસ વધતા જાય છે તે જોતા બધાને વધુ ભાત ખાવાની સલાહ આપવામાં આવે છે, ખાસ કરીને પશ્ચિમના દેશોને.”
આ કારણે ઘટે છે વજનઃ
જે લોકો ફાઈબર અને અનાજ ખાય છે તેમનું વજન અને કોલેસ્ટ્રોલ ઓછું હોય છે. આ સાથે જ તેમને ભાત ન ખાતા લોકોની સરખામણીએ અમુક રોગો થવાની શક્યતા પણ ઘટી જાય છે. જો કે ભાત ખાવાની સ્થૂળતા પર સીધી કેવી અસર પડે છે તે જાણી નથી શકાયું. આ બંને વચ્ચેની લિન્ક સમજવા માટે ઈમાઈ અને તેના સાથીદારોએ 136 દેશોના 10 લાખથી વધુ લોકોના ભાતની આઈટમના કન્ઝમ્પશન અને ઉર્જાનો અભ્યાસ કર્યો હતો. આ ડેટાના વિશ્લેષણમાં જાણવા મળ્યું કે જે દેશોમાં ભાત વધુ ખવાતો હોય ત્યાં ધૂમ્રપાન અને સ્થૂળતાનું પ્રમાણ ઓછું હતું. સંશોધકોના જણાવ્યા મુજબ ભાત ખાવાથી વજન પણ વધતું અટકે છે. તેમાં રહેલા ફાઈબર, પોષકતત્વોને કારણે પેટ જલ્દી ભરાઈ ગયું હોય તેવું લાગે છે જેને કારણે ઓવર ઈટિંગ નથી થતું.
ફેટ ઓછી હોય છેઃ
ભાતમાં ફેટ ઓછી હોય છે. વળી તેને કારણે બ્લડ ગ્લુકોઝ લેવલ પણ સરખામણીએ નીચુ રહે છે. જો કે વધુ પડતો ભાત ખાતા લોકોને મેટાબોલિક સિન્ડ્રોમ કે ડાયાબિટીસ થવાનું જોખમ રહેલું છે. આથી સ્થૂળતા ઘટાડવા માટે પ્રમાણભાન રાખી ભાત ખાવા જોઈએ. જો કે ભાત ખાધા પછી પણ વજન ઘટાડવામાં સામાજિક-આર્થિક પરિબળો અને લાઈફસ્ટાઈલ અગત્યનો ભાગ ભજવે છે.
from Health News in Gujarati: Latest Health News, Read Breaking Health News on Iamgujarat.com – Page Array – I Am Gujarat http://bit.ly/2LtTG55
No comments:
Post a Comment