પીળી સાડીવાળા ફેમસ મહિલા ચૂંટણી અધિકારીએ કહ્યું, લોકો નોટિસ કરે તે ગમે છે

રાતોરાત સ્ટાર બની મહિલા ચૂંટણી કર્મચારી

લખનઉઃ યુપીના PWD વિભાગમાં જૂનિયર આસિસ્ટન્ટથી રાતોરાત સોશિયલ મીડિયામાં સ્ટાર બની ગયેલી રીના દ્વીવેદી જેને હવે સૌ કોઈ પીળી સાડીવાળી મહિલા ચૂંટણી અધિકારી તરીકે ઓળખ છે. EVM લઈને જતો તેનો ફોટો ઈન્ટરનેટ પર છવાયેલો છે. ફોટો વાઈરલ થયા બાદ વોટ્સએપ અને ટિકટોક પર મળતી પ્રસિદ્ધિને માણી રહેલી રીના હાલ કેવી લાઈફ જીવે તે શેર કર્યું હતું.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

‘લોકો નોટિસ કરે તે ગમે છે’

દેઓરિયાથી 32 વર્ષની મહિલા કર્મચારી કહે છે કે, મારા લગ્ન ખૂબ પહેલા થઈ ગયા હતા, પછી મેં કરિયર પર ધ્યાન આપ્યું. હવે લોકો મને પસંદ કરી રહ્યા છે, હું તેની દરેક પળને માણી રહી છું… કોઈના તરફથી ધ્યાન મળે તે કોને ન ગમે? હું ખુશ છું. પીળી સાડીમાં EVM મશીન લઈને જતી રીનાનો ફોટો લખનઉ પોલિંગ બૂથ સ્ટેશનનો છે. આ તસવીરો તેના સહકર્મચારીઓએ ક્લીક કરી હતી. જે હવે વાઈરલ થઈ ગઈ છે.

સાથી કર્મચારીના એક ક્લિકે સ્ટાર બનાવી

ટિકટોક એપ તેમના ફેન્સ હવે ‘તેના બૂથ પર 100 ટકા હાજરી હતી’ જેવી કમેન્ટ્સ કરી રહ્યા છે. અમારા સહયોગી ટાઈમ્સ ઓફ ઈન્ડિયા સાથે વાત કરતા રીનાએ સોમવારે કહ્યું કે, આ પહેલાવાર નથી જ્યારે મને ઈલેક્શન ડ્યુટી માટે પોસ્ટિંગ મળ્યું હોય. મેં 2014ની લોકસભા ચૂંટણી અને 2017ની રાજ્યસભા ચૂંટણીમાં લખનઉના અલગ અલગ સેન્ટર્સમાં ફરજ બજાવી હતી. પરંતુ આ વખતે એક સામાન્ય ક્લિકે મને સેલિ્બ્રિટી બનાવી દીધી.

દીકરાની પ્રતિક્રિયા હતી જોવા જેવી

રીના જણાવે છે કે આ ફોટો પર સૌથી સારી પ્રતિક્રિયા તેના નવમા ધોરણમાં ભણતા દીકરા આદિતનું હતું. વર્ષ 2013માં PWD વિભાગ નોકરી પર લાગેલી રીનાએ કહ્યું, તે મારી પાસે આવ્યો અને માગણી કરવા લાગ્યો કે હું તેના મિત્રોને વીડિયો કોલ કરીને કહું કે પીળી સાડીવાળી મહિલા હકીકતમાં તેની જ મમ્મી છે. ફિટનેસ અને ડાયેટ-કોન્સિયસ રીનાએ ઈન્સ્યોરન્સ સેક્ટરમાં પણ કામ કરેલું છે. તેણે કહ્યું કે, પ્રાઈવેટ કંપનીઓમાં વધારે ડિસિપ્લિનરી કાર્ય પદ્ધતિ હોય છે. આ કાર્યપદ્ધતિને હું મારી સાથે PWD વિભાગમાં પણ લઈને આવી. કદાચ આ કારણે જ મારા સીનિયર્સ અને બોસ મારી પ્રશંસા કરી રહ્યા છે.

પતિ સાથે જશે વોટિંગ માટે

રીના પોતાના પતિ સંજય સાથે 19મી મેએ દેઓરિયામાં ચૂંટણીના અંતિમ તબક્કામાં વોટિંગ કરવા માટે જશે. ગ્રેજ્યુએશન સાથે કોમ્યુટર વર્કમાં ઘણા સર્ટિફિકેટ મેળવી ચૂકેલી રીના કહે છે, મને ભારતની લોકશાહીમાં પૂરો વિશ્વાસ છે…. હું ક્યારેય વોટ આપવાની મારી ડ્યૂટી ચૂકી નથી.

from Lifestyle Tips in Gujarati, જીવનશૈલી ટીપ્સ, Daily Lifestyle Tips – Page Array – I Am Gujarat http://bit.ly/2Q6akpL