રાજસ્થાનમાં વધુ એક શરમજનક ઘટના, પીડિતા નગ્ન હાલતમાં જ પહોંચી પોલીસ સ્ટેશન

રાજસ્થાનમાં 15 દિવસમાં મહિલા સાથે અત્યાચારનો બીજો જઘન્ય બનાવ

જયપુરઃ રાજસ્થાનમાં મહિલાઓ વિરુદ્ધ અત્યાચાર અને દુષ્કર્મની ઘટનાઓ સતત વધી રહી છે. ગત મહિને અલવરમાં પતિની સામે પાંચ નરાધમોએ દલિત મહિલા સાથે સામુહિક દુષ્કર્મ કર્યું હતું. ત્યારે શનિવારે ફરી એક ઘટના બની હતી જેમાં રાજસ્થાનના ચરુમાં રહેવાવાળૂી એક મહિલાએ પોતાના સાસરીયા અને દેર વિરુદ્ધ અત્યાચારનો ગુનો નોંધાવ્યો છે. આ ગુનો નોંધાવવા મહિલા જાહેરમાં નગ્ન હાલતે પોલીસ સ્ટેશન જવા મજબૂર બની હતી.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

નગ્ન હાલતમાં જાહેર રોડ પર ચાલવા માટે મજબૂર બની મહિલા

ટાઇમ્સ નાઉના અહેવાલ મુજબ ચરુના વિદેસર ગામની રહેવાસી એક વિવાહિત મહિલા જેનો પતિ આસામમાં કામ કરી રહ્યો છે. તે શનિવારે સવારે સાડા આઠ વાગ્યાના સુમારે સ્થાનિક પોલિસ સ્ટેશન તરફ જવા પોતાના ઘરેથી નીકળી હતી. આ સમયે તેના શરીર પર કોઈ કપડા નહોતા. મહિલાનો આરોપ છે કે તેના સાસરીવાળાએ તેના પર અત્યાચાર ગુજારતા તેના કપડા પણ ફાડી નાખ્યા હતા.

નગ્ન હાલતમાં પોલીસ સ્ટેશન ફરિયાદ માટે પહોંચી

જ્યારે મહિલાની આ સ્થિતિ અંગે સ્થાનિક પોલીસને જાણકારી મળી ત્યારે SHO બેડશીટ લઈને મહિલા પાસે ગયા અને મહિલાને બેડશીટ ઓઢાળી પોલીસ સ્ટેશન લઈ જવામાં આવી. જ્યાં મહિલાના આરોપ આધારે FIR દાખલ કરવામાં આવી અને ચાર આરોપીની પોલીસે ધરપકડ પણ કરી હતી. આ સાથે જ મહિલાને નારીનિકેતન મોકલી દેવામાં આવી હતી.

લગ્ન માટે દેશના ગરીબ રાજ્યોમાંથી છોકરીને લઈ અવાય છે પછી….

અહેવાલ મુજબ મહિલા મૂળરુપે મહારાષ્ટ્રની રહેવાસી છે. અહીં સ્થાનિક કન્યાઓની સંખ્યામાં ખૂબ ખટાડો આવ્યો હોવાથી મહારાષ્ટ્ર, ઓડિશા, બંગાળ સહિતના દેશના ગરીબ વિસ્તારોમાંથી લગ્ન માટે કન્યાઓ લાવવામાં આવે છે. મહિલા સાથે જ રીતે અહીં દુર્વ્યવહાર કરવામાં આવે છે તેના કારણે મહિલા જાહેરમાં નગ્ન હાલતમાં ચાલવા માટે મજબૂર બન્યાનું વીડિયો જોઈને સ્પષ્ટ સમજાય છે.

રાજસ્થાન સરકાર અલવર અને ચરુકાંડ મામલે સંપૂર્ણ મૌન

મહત્વનું છે કે રાજસ્થાનમાં છેલ્લા મહિનાથી કાયદોવ્યવસ્થા નામ માત્રની જ રહી ગઈ છે. મહિલા અને દલિતો પણ અન્યાયની અનેક ઘટનાઓ સામે આવી હોવા છતા રાજ્યના મુખ્યમંત્રી અશોક ગેહલોત અને ઉપ મુખ્યમંત્રી સચિન પાયલટનું એક પણ નિવેદન સામે આવ્યું નથી. ગત 26 એપ્રિલે અલવરમાં 5 નરાધમોએ એક વિવાહિતા સાથે તેના પતિની સામે દુષ્કર્મ આચર્યું હતું અને તેનો વીડિયો બાનાવીને સોશિયલ મીડિયામાં પણ વહેતો કર્યો હતો.

from Page Array – I Am Gujarat http://bit.ly/2WO3s2M