મલ્હારે છ મહિના પછી સાઈન કરી નવી ફિલ્મ, જાણો છો કોણ છે તેની હીરોઈન?

શું છે મલ્હારની નવી ફિલ્મની સ્ટોરી?

દીપાલી છટવાણી, અમદાવાદ: ગુજરાતી ફિલ્મ ઈન્ડસ્ટ્રી માટે ભલે 2019નું વર્ષ થોડું ‘સ્લો’ રહ્યું હોય, પરંતુ હવે થોડા ‘એક્શન’નો સમય આવી ગયો છે. તેમાંય મલ્હાર ઠાકરના ફેન્સ માટે તો મોટા સમાચાર છે. મલ્હારે છ મહિનાના લાંબા ગેપ બાદ નીરજ જોષી સાથે એક ફિલ્મ સાઈન કરી છે. મલ્હાર અને નીરજની જોડી કેશ ઓન ડિલિવરી, શરતો લાગુ જેવી ફિલ્મોમાં સાથે કામ કરી ચૂકી છે.

હવે સીધા Whatsapp પર મેળવો ન્યૂઝ, શરુ કરવા ક્લિક કરો અને નંબર સેવ કરવાનું ન ભૂલશો

પૂજા ઝવેરી છે મલ્હારની હીરોઈન

આ ફિલ્મમાં મલ્હારની હીરોઈન પૂજા ઝવેરી છે. ફિલ્મનું પહેલું શિડ્યૂલ વડોદરામાં હાલમાં જ શુ થયું છે, જેમાં મલ્હાર અને પૂજા માટે એક્ટિંગ વર્કશોપ રખાયો હતો. છ મહિના પછી કોઈ નવી ફિલ્મ હાથ પર લેનારા મલ્હારે આ અંગે જણાવ્યું હતું કે, ફરી સેટ પર આવવું મજેદાર છે. નીરજ જોષી સાથે ત્રીજી ફિલ્મ કરી રહેલા મલ્હારનું કહેવું છે કે, શૂટિંગ વખતે તેનું નીરજ સાથેનું કમ્ફર્ટ લેવલ અલગ જ છે.

હાલ વડોદરા જ રહી રહ્યો છે મલ્હાર

મલ્હારે હાલ આ ફિલ્મ માટે વડોદરામાં જ રહેવાનું શરુ કરી દીધું છે. ફિલ્મનું ફર્સ્ટ શિડ્યૂલ 32 દિવસ ચાલશે. વડોદરા, જાંબુઘોડા, રાજપીપળા તેમજ આસપાસના લોકેશન પર ફિલ્મનું શૂટિંગ થવાનું છે. આ ફિલ્મમાં પોતે કંઈક નવું જ કરી રહ્યો હોવાનું પણ મલ્હારે કહ્યું હતું, અને આ ફિલ્મમાં તેની એક્ટિંગ ચાહકોને પસંદ આવશે તેવો તેને વિશ્વાસ છે.

ટીચરની ભૂમિકામાં દેખાશે

અત્યાર સુધી કોમેડી, થ્રિલર તેમજ ડ્રામા ફિલ્મો કરી ચૂકેલો મલ્હાર નીરજ જોષીની આ ફિલ્મમાં ટીચરનો રોલ કરી રહ્યો છે. આ ફિલ્મ એક એવા ટીચરની સ્ટોરી પર આધારિત છે કે જે અમેરિકાની પ્રતિષ્ઠિત યુનિવર્સિટીમાં ભણ્યો છે, પરંતુ તે ભારત પાછો આવીને ગરીબ બાળકોને ભણાવે છે.

from Page Array – I Am Gujarat http://bit.ly/30h8t6h