અજય દેવગણે આખરે કર્યો ખુલાસો, આ માટે પરદા પર નથી કરતો કિસિંગ સીન

નથી આપતો કિસિંગ સીનઃ

અજય દેવગણ છેલ્લા 27 વર્ષથી ઓડિયન્સને મનોરંજન પૂરુ પાડી રહ્યો છે પરંતુ પોતાના આ લાંબા કરિયરમાં અજયે એ જ કોશિશ કરી છે કે તેણે ઓન સ્ક્રીન કિસ ન કરવી પડે. તેણે ઘણી ઓછી ફિલ્મોમાં કિસિંગ સીન આપ્યા છે. હવે અજય દેવગણે એક ઈન્ટરવ્યુમાં જણાવ્યું કે તે કેમ ઓન સ્ક્રીન કોઈ એક્ટ્રેસને કિસ નથી કરતો.

એક મેસેજ મોકલી WhatsApp પર મેળવો અમારા ન્યુઝ, Start કરવા અહીં ક્લિક કરો

ફેમિલી ફિલ્મ હોય છેઃ

અજય દેવગણે જણાવ્યું કે તેની ફિલ્મો ફેમિલી ફિલ્મ હોય છે અને તે નથી ઈચ્છતો કે તેની ફિલ્મો જોવા ગયેલા પરિવાર બિલકુલ અન્કમ્ફર્ટેબલ ફીલ કરે. તેણે કહ્યું, “હું એવી જ ફિલ્મોની સ્ક્રિપ્ટ પસંદ કરુ છું જે ફેમિલી ઑડિયન્સ જોઈ શકે. આ કારણે મારી ફિલ્મોમાં કિસિંગ સીનની ડિમાન્ડ નથી હોતી.” અજયે વધુમાં જણાવ્યું, “ખાસ કરીને જ્યારે આખો પરિવાર ફિલ્મ જોવા ગયો હોય ત્યારે મારી જવાબદારી બને છે કે હું તેમને અન્કમ્ફર્ટેબલ ફીલ ન થવા દઉં અને હેલ્ધી મનોરંજન પૂરુ પાડું.”

પરિવાર સાથે ફિલ્મો જોવાનું પસંદ કરે છેઃ

અજયે એમ પણ કહ્યું કે, “હું આખા પરિવાર સાથે ફિલ્મો જોવાનું પસંદ કરુ છું. મને લાગે છે મોટાભાગના લોકો આવું જ કરતા હશે. આ માટે ઓનસ્ક્રીન કિસ કરવી મને અસહજ ફીલ કરાવે છે. ખાસ કરીને ત્યારે જ્યારે બાળકો તમારી સાથે બેસીને ફિલ્મો જોતા હોય. કે પછી ઘરના કોઈ વડીલ તમારી સાથે બેસીને ફિલ્મ જોતા હોય. આથી હું કોશિશ કરુ છું કે મારે ક્યારેય ઓનસ્ક્રીન કિસ ન કરવી પડે.”

સ્ક્રિપ્ટની ડિમાન્ડ હોય તો…

અજય દેવગણે પોતાની ફિલ્મ શિવાયમાં કિસિંગ સીન આપ્યો હતો. આ અંગે પૂછાયું ત્યારે તેણે કહ્યું, “આ સીન સ્ક્રિપ્ટની ડિમાન્ડ હતી અને તે એક લવમેકિંગ સીન હતો જેમાં કિસની જરૂર હતી. તેને ઘણી કળાત્મક રીતે શૂટ કરાયો હતો. અમુક ફિલ્મોમાં કિસિંગ સીન જબરદસ્તીવાળા લાગે છે.”

હવે આ ફિલ્મમાં દેખાશેઃ

અજય દેવગણ હવે દે દે પ્યાર દેમાં જોવા મળશે. આ ફિલ્મ 17મેના રોજ રીલીઝ થઈ રહી છે. આ ફિલ્મમાં અજય સાથે રકુલ પ્રીત સિંહ અને તબ્બુ મુખ્ય ભૂમિકામાં છે. આ ઉપરાંત અજય દેવગણ રાજામૌલીની ફિલ્મ RRRમાં પણ મહત્વનીભૂમિકામાં જોવા મળશે.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2E31zrH