હવે તમને મેકડોનલ્ડમાં ફેવરિટ આલુ ટિક્કી ખાવા નહીં મળે, આવું છે કારણ

તમારી ફેવરિટ બર્ગર અને રેપની કેટલીક પ્રોડક્ટ ગાયબ

નવી દિલ્હીઃ અમેરિકન ફાસ્ટફૂડ ચેઇન રેસ્ટોરન્ટ મેકડોનલ્ડ્સ દ્વારા પોતાના કેટલાક સ્ટોર્સ બંધ કર્યા બાદ તેને ફરીથી શરુ કરવામાં આવી રહ્યા છે. પરંતુ આ સ્ટોર્સમાં હવે તમારી ઘણી ફેવરિટ ફૂટ આઇટમ્સ મેન્યુમાંથી ગાયબ છે. તાજેતરમાં દિલ્હી-NCRમાં કંપની દ્વારા પરત શરુ કરવામાં આવેલ પોતાના 13 જેટલા રેસ્ટોરાંમાં મેકઆલૂ અને ગ્રિલ્ડ ચિકન રેપ સામેલ છે. જેમાં પોતાના ભાગિદાર વિક્રમ બક્શી સાથે કનોટ પ્લાઝા રેસ્ટોરાં પ્રાઇવેટ લિ. સાથે કરાર કર્યા બાદ મેકડોનાલ્ડે આ રેસ્ટોરાંને ફરી શરુ કર્યા છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

બધા નહીં જે રીઓપન થયા તે સ્ટોરમાં જ આ ફેરફાર કરાયા

આ ઉપરાંત કંપનીએ પોતાના મેન્યુમાંથી ઠંડાપીણાં સેક્શનમાંથી માઝાને પણ દૂર કરી દીધી છે. મેકડૉનલ્ડ્સના એશિયા કોર્પોરેટ રિલેશન ડિરેક્ટર બેરી સમે કહ્યું કે, ‘જુદા જુદા વિસ્તારોમાં મેકડોનલ્ડ્સ ઇન્ડિયાના અનુભવને વધુ સારો કરવા માટે અમે કેટલાક ઓછા લોકપ્રિય પ્રોડક્ટ્સને દૂર કર્યા છે. જેમાં મેકઆલૂ રેપ, ચિકન મેકગ્રિલ, એગ રેપ, ગ્રિલ્ડ ચિકન રેપ અને માઝા સહિતના બેવરેજીઝને દૂર કરવામાં આવ્યા છે. જ્યારે બાકીના મેન્યુમાં કોઈ ફેરફાર નથી કરવામાં આવ્યો.’

આ પણ થયા છે ફેરફાર

સમે વધુમાં કહ્યું કે, ‘મેન્યુમાં ફેરફાર સાથે અન્ય પણ કેટલાક ફેરફાર કરવામાં આવ્યા છે જેમાં મેન્યુ બોર્ડ, ટ્રે મેટ્સ અને પેકેજિંગને નવી ડિઝાઇન આપવામાં આવી છે.’ મહત્વનું છે કે મેકડોનલ્ડ્સ નિયંત્રિત CPRLએ રવિવારે દિલ્હી-NCRમાં 13 જેટલા રેસ્ટોરાંને ફરીથી ખોલવાની જાહેરાત કરી હતી.

from Page Array – I Am Gujarat http://bit.ly/2HvOcTm