ફિલ્મ ‘ભારત’ છોડવા પર સલમાન ખાને ફરી પ્રિયંકા ચોપરાને માર્યો ટોણો 😧😲

સલમાને માર્યો પ્રિયંકાને ટોણો

સલમાન ખાન અને કેટરીના કૈફ સ્ટારર ફિલ્મ ‘ભારત’માં પહેલા પ્રિયંકા ચોપરાને કાસ્ટ કરાઈ હતી. પરંતુ પ્રિયંકાના લગ્નની તારીખ અચાનક નક્કી થઈ ગઈ અને તેણે રાતોરાત ફિલ્મ છોડી દીધી. જે બાદ આ ફિલ્મમાં તેની જગ્યાએ કેટરીના કૈફને સાઈન કરવામાં આવી. આ બધું એટલી ઉતાવળમાં થયું કે ‘ભારત’માં પોતાના રોલને સમજવા માટે કેટરીનાને વધારે સમય મળ્યો નહીં.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

ફરી એકવાર પ્રિયંકા પર તાક્યું નિશાન

પ્રિયંકા ચોપરાએ ફિલ્મ છોડવા પર સલમાન ખાન તેને ટોણો મારવાનું ભૂલતો નથી. હાલ સલમાન ખાન, કેટરીના કૈફ અને ફિલ્મના ડાયરેક્ટર અલી ઝફર ફિલ્મના પ્રમોશનમાં લાગેલા છે. સોશિયલ મીડિયા પર પોતાના ફેન્સના કેટલાક સવાલોને જવાબ આપતા સલમાને ફરી એકવાર પ્રિયંકા ચોપરાને ટોણો માર્યો છે.

સલમાને સોશિયલ મીડિયા પર ઉડાવી મજાક

સોશિયલ મીડિયા પર કેટરીના કૈફને સવાલ પૂછવામાં આવ્યો કે તેણે પોતાના રોલની તૈયારી કરવા માટે શું-શું કર્યું? કેટરીનાએ જવાબ આપવાનું શરૂ કર્યું કે પહેલા જ સલમાને તેની મજાક ઉડાવતા કહ્યું કે, ‘ફિલ્મની તૈયારી માટે પ્રિયંકા ચોપરાએ વધારે સમય આપ્યો નહીં, પરંતુ હું આ વાત ગંભીરતાથી કહી રહ્યો છું કે કેટરીનાએ ઘણું હાર્ડ વર્ક કર્યું છે, જો પ્રિયંકાએ અમને થોડો વધારે સમય આપ્યો હોત તો…’

‘આ રોલ ભજવવો મારા માટે અઘરો હતો’

ફિલ્મમાં સલમાન ખાને યુવાનીથી લઈને 60 વર્ષની વૃદ્ધ વ્યક્તિનો રોલ કર્યો છે. સલમાને કહ્યું કે, ‘ભારતમાં યુવાનીનો રોલ પ્લે કરવો મારા માટે સૌથી અઘરો હતો. ફિલ્મ સુલ્તાનમાં ડાયરેક્ટરે પહેલા મને વજન વધારવા માટે કહ્યું અને બાદમાં વજન ઘટાડવાનું કહ્યું. તે એક્શન ફિલ્મ હતી તો ચાલી ગયું પરંતુ ભારતમાં એક રોમાન્ટિક લાઈફ જર્ની ફિલ્મ છે. એટલા માટે અલી ઝફરે મને આ ફિલ્મમાં પણ 6 મહિનામાં 3થી 4વાર વજન વધારવા અને ઘટાડવા કહ્યું હતું’.

5 જૂને રિલીઝ થશે ફિલ્મ

સલમાન ખાન, કેટરીના કૈફ, દિશા પટણી, તબ્બૂ, સુનીલ ગ્રોવર, જેકી શ્રોફ, સોનાલી કુલકર્ણી અને સતીશ કૌશિક સ્ટારર ફિલ્મ ‘ભારત’ 5 જૂને રિલીઝ થશે. ફિલ્મનું ડાયરેક્શન અલી ઝફરે કર્યું છે. ફિલ્મને મ્યૂઝિક વિશાલ-શેખરે આપ્યું છે.

from Page Array – I Am Gujarat http://bit.ly/2UZkNnO