હોરર અને કોમેડી ફિલ્મમાં જોવા મળશે સની લિયોની અને મંદાના કરીમી

આવી રહી છે આ નવી ફિલ્મ

બિગબોસ ફેઈમ મંદાના કરીમી અને સની લિયોની એક હોરર કોમેડી ફિલ્મ સાઈન કરી છે. આ ફિલ્મનું નામ ‘કોકાકોલા’ છે. આ ફિલ્મમાં મદાના એક નેગેટિવ રોલ પ્લે કરી રહી છે. ફિલ્મ નિર્માતા પ્રસાદ તતિકેનીના ડાયરેક્શનમાં તૈયાર થનારી ફિલ્મમાં સની લીડ રોલ પ્લે કરી રહી છે. છેલ્લા દોઢ વર્ષથી બોલિવૂડ સ્ક્રીનથી દૂર રહેલી સની લિયોની ફરી એક વખત પોતાની નવી ફિલ્મ માટે કમર કસી રહી છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

મંદાનાએ કહી આ વાત

મંદાનાએ જણાવ્યું હતું કે, મને ઘણા ઓડિશન બાદ આ ફિલ્મ મળી છે. છેલ્લા દોઢ વર્ષથી મે એક પણ ફિલ્મ કરી નથી. મહેન્દ્ર ધારીવાલ અને પરમદીપસિંહ સંધૂ દ્વારા નિર્મિત આ ફિલ્મ આવતા મહિને જૂન મહિનામાં રીલિઝ થવાની છે. આ ફિલ્મનું શુટિંગ દિલ્હી અને નોઈડામાં થવાનું છે. એક જ શેડ્યુલમાં આ ફિલ્મનું શુટિંગ પૂર્ણ થશે. આ ફિલ્મમાં મે જેવું કામ કર્યું છે એવું અગાઉ ક્યારેય કર્યું નથી.

બિગબોસમાં સાથે હતા

મંદાનાએ ઉમેર્યું હતું કે, મારી અને સની લિયોનીની પહેલી મુલાકાત રીયાલિટી શૉ બિગબોસમાં થઈ હતી. ફિલ્મોમાં કામ મળે એ માટે મે ઘણું વેઈટલોસ કર્યું છે. એટલું જ નહીં ફિલ્મ માટે વાળ પણ કપાવી નાંખ્યા છે. આ સિવાય તે સની લિયોની સાથે કેટલીક ઈવેન્ટમાં પણ કામ કરી ચૂકી છે. સનીના વખાણ કરતા મંદાનાએ કહ્યું હતું કે, સની સાથેનું કામ જોઈને લોકો આશ્ચર્ય પામી જશે. થોડા સમયથી મંદાનાએ ફિલ્મી કેરિયરમાંથી બ્રેક લીધો હતો.

આ ફિલ્મોમાં કર્યું છે કામ

‘ક્યા કુલ હૈ હમ’ અને ‘મૈ ઔર ચાર્લ્સ’ અને ‘રોય’ જેવી ફિલ્મમાં કામ કર્યા બાદ મંદાનાએ એક બ્રેક લીધો હતો. આ પાછળનું કારણ તે પર્સનલ પ્રોબ્લેમમાં હતી. કારણ કે તેનો પતિ ગૌરવ ગુપ્તા તેને ફિલ્મોમાં કામ કરવા દેવા માગતો ન હતો. કેટલીક વસ્તુઓ યોગ્ય ન રહી અને અમે બંને અલગ થઈ ગયા હતા. ફરી એકવખત કામમાં પરત ફરી છું અને ફિલ્મનું શુટિંગ શરુ થાય એની રાહ જોઈ રહી છું.

 

 

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2QyKhaU