આ પાંચ મોટા વિવાદોમાં આવી ચૂક્યું છે પ્રિયંકા ચોપરાનું નામ

વિવાદોમાં ફસાઈ દેસી ગર્લ

બોલિવુડમાં સફળતા મેળવ્યા બાદ હવે પ્રિયંકા ચોપરા હોલિવુડમાં સફળતાના શિખરો સર કરી રહી છે. બોલિવુડમાં કેટલીય યાદગાર ફિલ્મો આપ્યા બાદ હવે તે હોલિવુડમાં નામના મેળવી રહી છે. એક્ટિંગ અને ફિલ્મો સિવાય પ્રિયંકા ઘણીવાર પોતાના વિવાદીત નિવેદનો અને ડ્રેસને લઈને ટ્રોલ થઈ ચૂકી છે. તે અત્યારસુધીમાં પાંચ એવા મોટા વિવાદોમાં ફસાઈ ચૂકી છે, જેણે આજ સુધી તેનો પીછો છોડ્યો નથી.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

ક્વાંટિકો વિવાદ

ક્વાંટિકો 3 ના એક એપિસોડને લઈને પ્રિયંકા ચોપરા વિવાદમાં ફસાઈ હતી. ક્વાંટિકો સીરિઝમાં પ્રિયંકાના જે સીન પર વિવાદ થયો હતો, તેમાં તે આતંકીની ઓળખાણ કરી રહી હતી. આ દરમિયાન તે કહે છે કે, ‘તેણે ગળામાં રૂદ્રાક્ષ પહેર્યો છે. તે પાકિસ્તાની હોઈ શકે નહીં. આ ભારતીય રાષ્ટ્રવાદી છે અને પાકિસ્તાન વિરુદ્ધ ષડયંત્ર રચી રહ્યું છે’. આ શોના એક એપિસોડમાં ભારતીયોને આતંકી દેખાડવામાં આવ્યા છે. જો કે આ એપિસોડ માટે શોના મેકર્સની સાથે-સાથે પ્રિયંકાએ પણ માફી માગી હતી. લોકોએ પ્રિયંકાને પાકિસ્તાન જતા રહેવાની પણ સલાહ આપી હતી.

બોલિવુડની ફિલ્મો પર વિવાદીત નિવેદન

પ્રિયંકાનો એક એવો વીડિયો વાયરલ થયો હતો જેના કારણે તે વિવાદોમાં ઘેરાઈ ગઈ હતી. વીડિયોમાં પ્રિયંકા 68માં એમી અવોર્ડ્સ દરમિયાન એક પત્રકાર સાથે વાત કરી રહી હતી. જેમાં તે હિંદી ફિલ્મોની મજાક ઉડાવતી જોવા મળી. પ્રિયંકાએ કહ્યું હતું કે Indian Films is all about hips and boobs. પ્રિયંકા આ વીડિયોના કારણે સોશિયલ મીડિયા પર ટ્રોલ થઈ હતી. ટ્રોલર્સે પ્રિયંકાની હરકતને શરમજનક ગણાવી હતી.

પીએમ સાથે મુલાકાત

બર્લિનમાં પ્રિયંકા ચોપરાએ વડાપ્રધાન નરેન્દ્ર મોદી સાથે મુલાકાત કરી હતી. પ્રિયંકા પીએમ મોદીને મળવા ગઈ ત્યારે તેણે ગોઠણથી ઉપરનો ડ્રેસ પહેર્યો હતો. જે બાદ તે સોશિયલ મીડિયા પર ટ્રોલ થઈ હતી. લોકોએ પ્રિયંકાને કહ્યું હતું કે તેણે પીએમ સામે કેવા પ્રકારના કપડા પહેરવા જોઈએ તે પહેલા શીખવાની જરૂર છે.

રોહિંગ્યા કેમ્પની તસવીર

પ્રિયંકા ચોપરાને યૂનિસેફે પોતાની ગુડવિલ એમ્બેસેડર બનાવી છે, પ્રિયંકા ચોપરાએ જ્યારે રોહિંગ્યા મુસ્લિમો સાથે મુલાકાત કરી તો કેટલાક લોકો રોષે ભરાયા હતા. ટ્રોલર્સે રોહિંગ્યાઓના કેમ્પમાં જવા પર પ્રિયંકાને ટ્રોલ કરી. કેટલાક લોકોએ તો પ્રિયંકાની આ મુલાકાતને પોલિટિકલ સ્ટંટ ગણાવી હતી.

સિક્કિમ પર આપ્યું નિવેદન

ગયા વર્ષે પ્રિયંકા ચોપરા સિક્કિમને લઈને આપેલા નિવેદનના કારણે વિવાદોમાં ઘેરાઈ ગઈ હતી. પ્રિયંકાએ ટોરેન્ટો ઈન્ટરનેશનલ ફિલ્મ ફેસ્ટિવલમાં એક ઈન્ટરવ્યૂ દરમિયાન ભારતના સિક્કિમને ઉગ્રવાદથી પરેશાન રાજ્ય ગણાવ્યું હતું. પ્રિયંકાના આ નિવેદન બાદ સોશિયલ મીડિયા પર લોકોએ પ્રિયંકાને ઘેરતા કહ્યું હતું કે સિક્કિમ ભારતનું સૌથી શાંતિપૂર્ણ રાજ્ય છે.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/301xoLc