‘ઈન્ડિયાઝ મોસ્ટ વોન્ટેડ’નું ટ્રેલર રિલીઝ, જોઈને ભારતના આ ‘વીરો’ પર ગર્વ થઈ જશે

‘ઈન્ડિયાઝ મોસ્ટ વોન્ટેડ’નું ટ્રેલર રિલીઝ

અર્જુન કપૂર સ્ટારર ફિલ્મ ‘ઈન્ડિયાઝ મોસ્ટ વોન્ટેડ’નું ઓફિશિયલ ટ્રેલર રિલીઝ થઈ ચૂક્યું છે. ફિલ્મમાં અર્જુન દેશ માટે જીવ જોખમમાં મૂકતો જોવા મળે છે. આ એક્શન થ્રિલર મૂવીનું 2.30 મિનિટ લાંબું ટ્રેલર દર્શકોનું ધ્યાન દોરી રાખવામાં સફળ થયું હોય એવું લાગે છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

આતંકીને પકડવા જીવ જોખમમાં મૂકશે અર્જુન

ટ્રેલરમાં દેખાય છે કે અર્જુન પોતાની પાંચ લોકોની ટીમ સાથે કેવી રીતે જીવ જોખમમાં મૂકીને ભારતના મોસ્ટ વોન્ટેડ આતંકીને પકડવાની જવાબદારી લે છે. ખાસ વાત એ છે કે આ લોકો કોઈ હથિયારનો ઉપયોગ કર્યા વિના તે આતંકીને પકડવાનું પ્લાનિંગ કરે છે. આ કામમાં તે માત્ર પોતાના માઈન્ડ અને અલગ-અલગ યોજનાઓનો ઉપયોગ કરે છે.

સાચી ઘટના પર આધારિત ફિલ્મ

હાલમાં જ ફિલ્મનું ટીઝર પર જાહેર કરાયું હતું, જેમાં અર્જુન કપૂરની એક નાનકડી પરંતુ દમદાર ઝલક જોવા મળી હતી. રિપોર્ટ્સ મુજબ આ ફિલ્મ ભારતના તે વીરોને ડેડિકેટેડ છે જેમના વિશે ક્યારેય કોઈ ઉલ્લેખ કરવામાં નથી આવ્યો. ટ્રેલરની શરૂઆતમાં બતાવાયું છે કે આ ફિલ્મ સાચી ઘટનાઓ પર આધારિત છે.

24મી મેએ રિલીઝ થશે ફિલ્મ

ફિલ્મને રાજ કુમાર ગુપ્તાએ ડિરેક્ટ કરી છે જે અક્ષય કુમાર સ્ટારર ફિલ્મ ‘રેડ’ જેવી સફળ ફિલ્મ આપી ચૂક્યા છે. આ સફળતા બાદ જ રાજ કુમાર ગુપ્તાને ‘ઈન્ડિયાઝ મોસ્ટ વોન્ટેડ’નો વિચાર આવ્યો. આ ફિલ્મ માટે અર્જુન કપૂર તેમની પહેલી પસંદ હતો. વર્ષ 2018માં મે મહિનામાં આ પ્રોજેક્ટની જાહેરાત કરાઈ હતી. ફિલ્મનું શૂટિંગ ભારત સાથે નેપાળમાં પણ કરાયું છે. ફિલ્મને 24 મે 2019એ રિલીઝ કરવામાં આવશે.

from Page Array – I Am Gujarat http://bit.ly/2DHXDMQ