નવી દિલ્હી: સીબીએસઈના ધોરણ 12ના પરિણામ જાહેર થઈ ગયા છે. બોર્ડ દ્વારા એક સાથે તમામ 10 ઝોનના રિઝલ્ટ જાહેર કરી દેવાયા છે. આ વખતે 83.4 ટકા સ્ટૂડન્ટ્સ પાસ થયા છે. પરીક્ષામાં લગભગ 13 લાખ વિદ્યાર્થી બેઠા હતા. આ વખતે પણ ટોપર્સમાં મોટાભાગની છોકરીઓ જ છે. આ વખતના રિઝલ્ટની ખાસ વાત એ છે કે પ્રાઈવેટ સ્કૂલો કરતા સરકારી સ્કૂલોનું પરિણઆમ સારું આવ્યું છે.
હવે સીધા Whatsapp પર મેળવો મહત્વના ન્યૂઝ, શરુ કરવા ક્લિક કરો
સીબીએસઈમાં આ વખતે ત્રિવેન્દ્રમ રિજનનું પ્રદર્શન સૌથી શ્રેષ્ઠ રહ્યું છે. અહીંના 98.2 ટકા સ્ટૂડન્ટ્સ પાસ થયા છે. બીજા નંબર પર 92.93 ટકા સાથે ચેન્નૈ ઝોન છે, જ્યારે દિલ્હી ઝોનનું પરિણામ 91.78 ટકા આવ્યું છે. કેન્દ્રિય વિદ્યાલયોના 98.54 ટકા સ્ટૂડન્ટ્સ પાસ થયા છે. સરકારી સ્કૂલોના 88.49 ટકા સ્ટૂડન્ટ્સ પાસ થયા છે, જ્યારે પ્રાઈવેટ સ્કૂલોના 82.59 ટકા સ્ટૂડન્ટ્સ પાસ થયા છે.
ટોપર હંસિકા શુક્લા
ગાઝીયાબાદની હંસિકા શુક્લા અને મુઝ્ઝફરનગરની કરિશ્મા અરોરાએ સંયુક્ત રુપે આ વખતે ટોપ કર્યું છે. બંનેને 500માંથી 499 માર્ક્સ મળ્યા છે. બીજા નંબર પર પણ ત્રણ છોકરીઓ સંયુક્તરુપે છે. ઋષિકેશની ગૌરાંગી ચાવલા, રાયબરેલીની ઐશ્વર્યા અને હરિયાણાની ભવ્યા 500માંથી 498 માર્ક્સ લાવી બીજા નંબર પર રહી છે. ત્રીજા નંબર પર 18 સ્ટૂડન્ટ્સ છે જેમાં 11 છોકરીઓ છે.
ગત વર્ષની જેમ આ વખતે પણ છોકરીઓ અવ્વલ રહી છે. 88.70 ટકા છોકરીઓ પરીક્ષામાં પાસ થઈ છે, જ્યારે છોકરાઓના પાસ થવાની ટકાવારી 79.4 ટકા છે. ટ્રાન્સજેન્ડર્સની પાસિંગ ટકાવારી 88.49 ટકા છે. કુલ 94,299 ટકા સ્ટૂડન્ટ્સને 90 ટકા કે તેનાથી વધુ માર્ક્સ મળ્યા છે. આજે જાહેર કરાયેલું પરિણામ http://cbseresults.nic.in/ પર ઓનલાઈન જોઈ શકાશે.
from Page Array – I Am Gujarat http://bit.ly/2WpU4CF
No comments:
Post a Comment