35 વર્ષની પ્રિયદર્શિની ખાનગી હોસ્પિટલમાં ડોક્ટર તરીકે કામ કરે છે. તેણે તાજેતરમાં હોમ લોન માટે અરજી કરી. તેને જણાવવામાં આવ્યું હતું કે તેનો ક્રેડિટ સ્કોર નીચો હોવાથી તેને જોઈએ છે તેટલી રકમની લોન તેને નહીં મળે. આ સિવાય તેને ઓફર કરવામાં આવેલી લોનનો દર પણ ઘણો વધારે હતો.
પ્રિયદર્શિનીએ જ્યારે તેનો ક્રેડિટ સ્કોર જોયો ત્યારે તે 600ની આસપાસ માલૂમ પડ્યો. તેણે જાણ્યું કે તેની અપર લિમિટેડ 900ની આસપાસ છે. આમ વ્યક્તિનો ક્રેડિટ સ્કોર જેટલો ઊંચો હોય તેટલા પ્રમાણમાં તેને નીચા દરે ધિરાણ મેળવવાની સંભાવના વધી જાય છે. હવે તે તેના ક્રેડિટ સ્કોરમાં વધારો કરવા માંગે છે જેથી નજીકના ભવિષ્યમાં તેની ધિરાણ મેળવવાની ક્ષમતા પર અસર ન પડે. આના માટે તે કેવાં પગલાં લે જેથી તેનો સ્કોર સારો થાય?
ક્રેડિટ સ્કોર પ્રિયદર્શિનીના ભૂતકાળના ક્રેડિટ યુસેજ અને રિપેમેન્ટ વર્તણૂક પર આધારિત છે. તેણે ખરેખર ભૂતકાળનો રેકોર્ડ ચેક કરવો જોઈએ કે તેની કોઈ પણ પ્રકારની કાર્ડની ચુકવણી બાકી છે અથવા તો લોન ચૂકવવાની બાકી છે કે નહીં અથવા તો વિવાદ છે કે નહીં. જો તેની જરૂરિયાત તાત્કાલિક પૂરી થઈ જતી હોય તો તેણે તેના સ્કોર પરની અસર ચકાસવી જોઈએ.
તેણે તેની બેન્કની લોન રિપેમેન્ટ ફેસિલિટીની ચકાસણી કરીને તે સુનિશ્ચિત કરવું જોઈએ કે કોઈ પણ લોન કે ક્રેડિટ ફેસિલિટી હોય તેને તે યોગ્ય સમયે સર્વિસ આપી શકે. તેણે તે સુનિશ્ચિત કરવું જોઈએ કે તેના ખાતામાં પૂરતા પ્રમાણમાં ભંડોળ રહે, જેના લીધે નાદારીની કોઈ પણ પ્રકારની સ્થિતિ ન આવે.
આ ઉપરાંત તેની કોઈ બચત હોય તો તેનો ઉપયોગ ઊંચા ઋણવાળું દેવું ચૂકવવા કરી શકે, જેની તેના ક્રેડિટ સ્કોર પર ઊંચી અસર પડે છે. તેણે તેના અનસિક્યોર્ડ ડેટ જેવા કે ક્રેડિટ કાર્ડની બાકી નીકળતી રકમ અને પર્સનલ લોન પર ખાસ ધ્યાન કેન્દ્રિત કરવું જોઈએ, જેને ક્રેડિટ રેટિંગના સંદર્ભમાં સિક્યોર્ડ ડેટની તુલનાએ અનાવશ્યક કહી શકાય.
પ્રિયદર્શિનીએ તેની ક્રેડિટ વર્તણૂક સુધારવા પર ધ્યાન કેન્દ્રિત કરવું જોઈએ. આમાં ક્રેડિટ કાર્ડના વપરાશને ઘટાડીને ક્રેડિટ યુસેજ ઘટાડવાનો સમાવેશ થાય છે, જેથી ક્રેડિટ યુટિલાઇઝેશન રેશિયો પણ ઘટે છે. તેના લીધે સંલગ્ન ક્રેડિટ કાર્ડ્સની લિમિટ સમય જતાં વધે છે. આ રીતે વધુ પડતા ક્રેડિટ કાર્ડને રાખવાની સ્થિતિને ટાળવી જોઈએ.
ક્રેડિટથી સાવ દૂર રહેવું તે કંઈ તેમના ક્રેડિટ સ્કોર સુધારવા માટેની યોગ્ય બાબત નથી, પણ તેણે વાસ્તવમાં ક્રેડિટ કાર્ડના ઉપયોગમાં વધારે શિસ્તબદ્ધ બનવાની જરૂર છે. પ્રિયદર્શિનીની ચોક્કસપણે જ્ઞાત થવું જોઈએ કે આ બધાં પગલાંના લીધે થોડા સમય પછી તેનો ક્રેડિટ સ્કોર વધશે. આવું કંઈ તાત્કાલિક નહીં થાય અને તેણે ચોક્કસપણે તેની ક્રેડિટ પ્રવૃત્તિઓનું ત્યાં સુધી સંચાલન કરતા રહેવું પડશે.
from Page Array – I Am Gujarat http://bit.ly/2Wi1B9u
No comments:
Post a Comment