વરસાદની ચિંતા અને ડ્યૂટી કાપ વચ્ચે એગ્રી ઇમ્પોર્ટ્સમાં વધારો

69292573

જયશ્રી ભોંસલે

પૂણે:કપાસ, મકાઈ અને ખાદ્ય તેલ જેવી એગ્રીકલ્ચરલ કોમોડિટીઝમાં ભારતની આયાતમાં વધારો થયો છે. દુષ્કાળની પરિસ્થિતિ, ડ્યૂટીમાં ઘટાડો તથા વિદેશી બજારોમાં કિંમતમાં ઘટાડાની અસર જોવાઈ હતી.

સરકારી એજન્સી, કોટન એડ્વાઇઝરી બોર્ડે હજુ સુધી ઉત્પાદનના લેટેસ્ટ આંકડા જાહેર કર્યા નથી પરંતુ ટ્રેડ સંગઠન કોટન એસોસિયેશન ઓફ ઇન્ડિયાએ 2018-’19 માટેના ઉત્પાદનના આંકડાનો અંદાજ ઘટાડીને મૂક્યો છે. જ્યારે સીઆઇએ 315 લાખ ગાંસડીનો અંદાજ મૂક્યો હતો ત્યારે ઉદ્યોગે આના સામે વાંધો લીધો છે.

રેટિંગ એજન્સી ક્રિસિલે જણાવ્યું હતું કે 2019ની કોટન સીઝનમાં ભારતમાં કપાસના ઉત્પાદનમાં પાંચ ટકાથી વધુનો ઘટાડો થવાની શક્યતા છે, જેનું કારણ ઓછા પાણીની ઉપલબ્ધિ તથા કપાસનું ઉત્પાદન કરતા મુખ્ય રાજ્યોમાં સાઉથ ઈસ્ટ ચોમાસાની અપૂરતી ઉપલબ્ધિ તથા જીવાતના આક્રમણના કારણે નીચી ઊપજ છે.

નાણાકીય વર્ષ 2019માં ઘરઆંગણે કપાસની કિંમતમાં 7-8 ટકાનો વધારો થયો હતો તથા નિકાસમાં ઘટાડો થયો હતો. સીઆઇએના પ્રમુખ અતુલ ગણાત્રાએ જણાવ્યું હતું કે આ વર્ષે ભારત 27 લાખ ગાંસડી કપાસની આયાત કરે તેવી શક્યતા છે જે એક વર્ષ અગાઉ 15 લાખ ગાંસડીની આયાત કરી હતી.

મકાઈની વિક્રમ કિંમતના કારણે પોલ્ટ્રી ફીડ કંપનીઓના તથા સ્ટાર્ચ કંપનીઓના ઉત્પાદન ખર્ચમાં વધારો થયો હતો. સરકારે એક લાખ ટન મકાઈની આયાત કરવાની મંજૂરી આપી હતી જેના માટે ઉદ્યોગ કહે છે કે તે અછતને પહોંચી વળવા માટે ઘણું ઓછું પ્રમાણ છે.

સ્ટાર્ચ કંપનીઓ નીચી ક્ષમતા સાથે કામ કરી રહી છે ત્યારે ફીડ ઉદ્યોગ મોંઘી મકાઈના સ્થાને અન્ય સસ્તા વિકલ્પો તરફ વળ્યો છે. પોલ્ટ્રી ગ્રૂપ સુગુના હોલ્ડિંગના જનરલ મેનેજર જૈસન જ્હોને જણાવ્યું હતું કે, પાછલા બે મહિનાથી અમે અમારા 50 ટકા મકાઈ વપરાશના સ્થાને ચોખાની કણકી તથા ઘઉંના ફીડને સ્થાન આપ્યું છે.

from Page Array – I Am Gujarat http://bit.ly/2Hlsgcb