ચૂંટણીના પરિણામ પછી તરત જ મળશે મોટો ઝટકો, પેટ્રોલ-ડીઝલના ભાવ ભડકે બળશે

પેટ્રોલ-ડીઝલના ભાવ વધશેઃ

નવી દિલ્હીઃ 2019ની લોકસભાની ચૂંટણી પૂરી થઈ તેના એક જ દિવસ પછી ભારત સરકારની ઓઈલ માર્કેટિંગ કંપની (OMC)એ પેટ્રોલ અને ડીઝલની રિટેલ કિંમતોમાં વધારો કરી દીધો છે. આ વાત સૂચક છે કે નવી સરકારની રચના થાય પછી પેટ્રોલ-ડીઝલના ભાવમાં વધારો થવાનો છે.

હવે એક મેસેજ મોકલી WhatsApp પર મેળવો અમારા ન્યુઝ, Start કરવા અહીં ક્લિક કરો

મતદાતાઓને પહેલો ઝટકોઃ

ઓઈલ માર્કેટિંગ કંપનીના એક અધિકારીના જણાવ્યા મુજબ આંતરરાષ્ટ્રીય માર્કેટમાં પેટ્રોલ ડીઝલના ભાવ આધારિત 15 દિવસે રૂટિન ભાવવધારો કરાયો છે. પરંતુ ઈન્ડસ્ટ્રીના સૂત્રોના જણાવ્યા મુજબ સરકારે કંપનીઓને ચૂંટણી દરમિયાન પેટ્રોલ ડીઝલની કિંમતો નિયંત્રિત રાખવાની સ્પષ્ટ સૂચના આપી હતી. હવે ચૂંટણી પૂરી થઈ ગઈ છે તો ભૂતકાળની ખોટ ભરપાઈ કરવા માટે OMC હવે પેટ્રોલ અને ડીઝલની કિંમતમાં માર્કેટની સ્થિતિને ધ્યાનમાં રાખ્યા વિના વધારો કરશે. નવી સરકાર રચાશે પછી ગ્રાહકોને આ પહેલો ઝટકો મળશે.

આંતરરાષ્ટ્રીય પરિબળોઃ

ગલ્ફ વિસ્તારમાં તણાવની સ્થિતિ, ઈરાન અને વેનેઝુઆલામાં તેલના સપ્લાય પર દબાણને કારણે ક્રૂડની કિંમતમાં આંતરરાષ્ટ્રીય સ્તરે વધારો થઈ શકે તેમ છે. સરકાર તેના પર એક્સાઈઝ ડ્યુટી નહિ ઘટાડે ત્યાં સુધી પેટ્રોલની કિંમતમાં ઘટાડો થાય તેવી કોઈ શક્યતા નથી. 7મેના IANSના રિપોર્ટ અનુસાર પેટ્રોલ-ડીઝલની કિંમતમાં 3થી 5 રૂપયાનો વધારો થઈ શકે છે જેથી ચૂંટણી દરમિયાન ફ્યુઅલના ભાવ કૃત્રિમ રીતે નીચા રાખવામાં થયેલી ખોટની ભરપાઈ કરી શકાય.

ઓઈલ કંપનીઓએ ખાધી ખોટઃ

સરકારના સૂત્રોના જણાવ્યા અનુસાર ઓઈલ કંપનીઓએ માર્ચ અને એપ્રિલ મહિનામાં પેટ્રોલ 5 રૂપિયા અને ડીઝલ 3 રૂપિયાના ડિસ્કાઉન્ટ સાથે વેચ્યુ હતુ. એ સમયે ભારતને ક્રૂડ $67થી $71 પ્રતિ બેરલના ઊંચા ભાવે મળી રહ્યું હતું તો પણ પેટ્રોલ-ડીઝલની કિંમત નિયંત્રિત રખાઈ હતી. સામાન્ય રીતે ક્રૂડના આટલા ભાવ હોય ત્યારે પેટ્રોલની કિંમત 78 અને ડીઝલની 70 જેટલી થઈ જાય છે. માર્ચ એપ્રિલમાં પેટ્રોલ-ડીઝલ 74થી 67ની આસપાસ રહ્યા હતા. મે મહિનામાં તેમના ભાવ વધુ ઘટી ગયા હતા.

હવે વધશે ભાવઃ

માર્કેટના અંદાજ મુજબ ઓઈલ કંપનીઓ જો પેટ્રોલ અને ડીઝલની રિટેલ કિંમતોમાં પ્રતિ લિટર 1 રૂપિયા ઓછા ભાવે વેચે તો પણ તેમને દિવસનું 150 કરોડનું નુકસાન થાય તેમ છે. આ જોતા ચૂંટણી દરિમયાન ઓઈલ કંપનીઓને અબજોનું નુકસાન થયું છે. 2019ની શરૂઆતથી આ કંપનીઓ ધીમેધીમે ભાવ વધારે છે, ખાસ કરીને માર્ચમાં ચૂંટણીની તારીખો જાહેર થઈ તે પછી. આથી જે પણ પક્ષ નવી સરકાર બનાવશે, મતદાતાઓએ પેટ્રોલ-ડીઝલની કિંમતમાં ઉછાળાના ઝટકા માટે તૈયાર રહેવું પડશે.

from Page Array – I Am Gujarat http://bit.ly/2WPAFLy