તોફાની વાવાઝોડાની વચ્ચે ભુવનેશ્વરમાં બાળકીનો જન્મ, નામ રખાયું ‘Fani’

વાવાઝોડા વચ્ચે જન્મી હોસ્પિટલમાં જન્મી બાળકી

શુક્રવારે જ્યારે સમગ્ર દેશ અને ઓડિશા બે દાયકાના સૌથી પ્રચંડ વાવાઝોડા ફોનીનો સામનો કરી રહ્યા છે ત્યારે ભુવનેશ્વરમાં તોફાની તાંડવ વચ્ચે સવારે 11.03 વાગ્યે હોસ્પિટલમાં એક બાળકીનો જન્મ થયો છે. જેથી બાળકીનું નામ વાવાઝોડા ફોનીના નામ પરથી રાખવામાં આવ્યું છે. theargus.in નામની વેબસાઈટના અહેવાલ મુજબ ભુવનેશ્વરની માન્ચેશ્વર હોસ્પિટલમાં સવારે બેબી ફોનીનો જન્મ થયો છે. ડોક્ટર્સના મુજબ બાળકી અને તેની માતા બંનેનું આરોગ્ય સારું છે. નવજાતની માતા માન્ચેશ્વરમાં આવેલ કોચ રીપેર વર્કશોપમાં કર્મચારી છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

નવજાત બાળકીનું નામ રખાયું ‘ફોની’

જ્યારે ભારતના દક્ષિણ પૂર્વ દરિયા કાંઠે 20 વર્ષ બાદ 175 કિમીથી વધુની તીવ્ર ઝડપ સાથે વાવાઝોડું ત્રાટક્યું છે અને ઓડિશાના દરિયા કાંઠે પહોંચ્યું છે. જેના કારણે ઓડિશાના દરિયાકાંઠાના શહેરો અને ગામડાઓમાં ઝાડ, વીજળીના થાંભલા, ટપરીઓ, ઝુંપડાનો ખુરદો બોલ્યો છે. આજે સવારે 8 વાગ્યાની આસપાસ ઓડિશાના પ્રખ્યાત યાત્રાધામ જગન્નાથ પુરીના દરિયાકાંઠે ખૂબ જ ખતરનાક ફોની વાવાઝોડું ત્રાટક્યું હતું. વાવાઝોડાના પગેલ આગમચેતી રુપે સરકારે નિચાણવાળા વિસ્તારોમાંથી અંદાજે 11 લાખ લોકોને સુરક્ષિત સ્થળે સ્થળાંતરીત કર્યા છે.

વાવાઝોડા ફોનીની ઝડપ 175થી 200 કિમી

હવામાન વિભાગ મુજબ ફાની ચક્રવાતનું કેન્દ્ર બિંદુ અથવા આંખ જેને કહેવામાં આવે છે તેનો વિસ્તાર 28 કિમી જેટલો વિશાળ છે અને અંદાજે 30 કિમીની ઝડપે આગળ વધી રહ્યું છે. જ્યારે ચક્રવાતના ઘેરાવમાં પવન 175 કિમીથી લઈને 200 કિમીની ઝડપે ફૂંકાઈ રહ્યો છે. આ કારણે રાજ્યની રાજધાની ભુવનેશ્વરમાં પણ અનેક ઝાડ અને થાંભલા ઉખડી ગયા છે તો દુકાનો બોર્ડ અને હોર્ડિંગ પડી ગયા છે.

from Page Array – I Am Gujarat http://bit.ly/2LtEYLo